Shotgram (@Shotgram_) header
Shotgram (@Shotgram_) profile picture

منصة إعلامية للفن والثقافة والمجتمع. 📰أخبار لحظة بلحظة 🎬سينما ودراما ونجوم وكواليس 🕰️حكايات الزمن الجميل 📸صور نادرة 🎥فيديوهات حيث تتحول الذكريات لـ حكايات

Joined October 2013
Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)Photo by Shotgram (@Shotgram_)
أمريكي نيجيري عايش في القاهرة قالها سيبي شغلك وتعالي هنا هتعملي ملايين، البلوجر روز الشناوي: أنا عايزة حقنا كلنا و رد اعتبار حالا❌❌❌
786
241
74
3,300
1,406,444
فيه تجارب في الحياة بتغير الإنسان للأبد، وده اللي حكاه الفنان حازم إيهاب لما اتكلم عن أصعب محطتين في حياته.. وفاة ابنه الرضيع يونس، ورحيل والدته. الحكاية بدأت بعد 4 شهور بس من جوازه، لما عرف إن مراته منة حامل، وكانوا مستنيين طفلهم الأول، لكن الفرحة ما كملتش زي ما كانوا متخيلين. في الشهر الخامس من الحمل، اكتشفوا إن فيه عيب خلقي في قلب الجنين، وإن واحدة من غرف القلب مش شغالة، وبدأت رحلة القلق والخوف على الطفل اللي لسه ما شافش الدنيا. حازم حكى إنه استشار الأزهر، وعرف إن فيه فتوى بتجيز الإجهاض في حالته، لكنه رفض ياخد القرار ده، لأنه كان عنده أمل إن تحصل معجزة ويتحسن قلب ابنه. وقال في لقائه إنه ما كانش هيقدر يسامح نفسه لو أنهى الحمل، وفضل مؤمن إن ابنه لازم ياخد فرصته في الحياة. وفي 18 فبراير 2022، اتولد يونس، لكن بدل ما يرجع بيته مع أبوه وأمه، دخل العناية المركزة، وخضع لعملية في القلب وهو لسه عمره ساعات. وبعد 13 يوم بس من ولادته، اتصلوا بحازم وبلغوه إن ابنه مات، بعد ما خضع لعملية جراحية تانية. وحكى عن اللحظات اللي عاشها بعد الخبر، وقال إنه من شدة الصدمة اتصل بحد يحجز له قاعة عزاء، وبعدها اكتشف إن الأطفال مش بيكون ليهم عزاء زي الكبار. ومن أصعب التفاصيل اللي رواها، إنه كان شايل ابنه في الكفن ورايح يصلي عليه، وهناك إمام المسجد قاله كلام فضل فاكره، وإن يونس مش محتاج صلاة عشان ربنا يخفف عنه، لكنه طفل من أهل الجنة. والأصعب إن زوجته منة ما كانتش عارفة بكل تفاصيل اللي حصل ليونس بعد ولادته، وحازم كان بيحاول يطمنها، ولما رجع من المستشفى وبلغها بالحقيقة، هي اللي حاولت تهديه رغم وجعها. وبعد التجربة دي، اتكلم حازم كمان عن فقدان والدته، وقال في لقاء تلفزيوني إن فقدان أمه وابنه غيّر فيه حاجات كتير، وساعده يكتشف مشاعر وإجابات ما كانش عارفها جواه.
93
فيه وجع مهما عدت عليه السنين، بيفضل عايش جوا القلب كأنه حصل إمبارح.. وده اللي حكت عنه الفنانة جليلة محمود، لما ظهرت في لقاء تلفزيوني وهي بتتكلم عن أصعب خسارة عاشتها في حياتها.. وفاة ابنها الشاب. الحكاية ترجع لسنة 1998، لما كانت جليلة عندها 3 أولاد وبنت، وكانت بتحب تتكلم عنهم وتاخدهم معاها في كل مكان. لكن في يوم، حد سألها عن أولادها، فقالت إنها عندها 3 صبيان وبنت، فرد عليها بكلمة فضلت فاكرها لحد النهارده: «ما انتي اللي زيك يجيب صبيان». وبعد الموقف ده، جالها تليفون بخبر قلب حياتها.. ابنها عمل حادثة وتوفى. كان عنده 18 سنة، وفي أولى كلية تجارة، ولسه قدامه العمر كله، لكن الحادث أخد منها ابنها، وفضل وجع الفقد معاها سنين طويلة. وفي لقاء مع الإعلامية ياسمين عز ببرنامج «كلام الناس» سنة 2022، انهارت جليلة من البكاء وهي بتحكي عن ابنها، وقالت إنها بتعتبر إن الحسد كان السبب في اللي حصل، وإن الشخص اللي قالت إنه حسد ابنها كان فنان بيشتغل معاها في المسرح، وتوفى هو كمان بعد كده. وكشفت كمان إن الفنانة فيفي عبده كانت موجودة وقت الموقف، وإنها بصتلها وقتها بعد الكلام اللي اتقال عن أولادها. ومن يومها، جليلة بقت بتخاف تتكلم عن ولادها أو تنشر صورهم، وقالت: «أنا مش عايزة حد يشوف ولادي تاني.. لأن أنا ابني راح بسبب الحسد». ورغم مرور أكتر من 24 سنة على وفاة ابنها وقت اللقاء، فضلت جليلة شايلة نفس الوجع، وقالت إنها بتدعي ربنا ما يوجعهاش تاني، لأن فقدان الابن من أصعب الحاجات اللي ممكن أم تمر بيها.
1
703
الغيرة عند إيمي سمير غانم شكلها حكاية لوحدها.. مش بس بتغير على جوزها الفنان حسن الرداد من الممثلات، دي كمان الصور اللي بينزلها وهو محافظ على لياقته مش بتعجبها أوي. إيمي سبق واتكلمت عن غيرتها على حسن في لقاء تلفزيوني، وقالت إنها بتغير عليه لدرجة كبيرة، وإنها بتتضايق لما ينزل صور على السوشيال ميديا وهو بالفورمة، وحكت بهزار إنها هتكون مبسوطة لو بقى عنده كرش. وفي فبراير 2025، حسن الرداد اتكلم عن غيرة إيمي، وقال إنه لو طلبت منه ما يشتغلش مع ممثلة معينة، هيسمع كلامها ومش هيشتغل معاها، وقال ضاحكًا: «هعمل إيه يعني؟ أنا غلبان». لكن حسن وضّح في نفس التصريح إن إيمي، رغم غيرتها الشديدة عليه، مش بتطلب منه فعلًا إنه يرفض الشغل مع فنانة بعينها. والظاهر إن الاتنين متصالحين مع طبيعة بعض؛ إيمي غيرتها بتظهر حتى في الصور، وحسن بيقابل الموضوع بخفة دم، وبيعلن على الملأ إنه «غلبان» قدام طلباتها..
3
984
«مكنش فيه أمل إن أنا أقف!».. بالكلام ده حكت الفنانة شريهان عن أصعب فترة في حياتها، لما تعرضت لحادث سيارة كان ممكن يحرمها من المشي لبقية عمرها، لكن المفاجأة إنها بعد ما قدرت تقف على رجليها من جديد، اتعرضت لكسر تاني في ظهرها! فإيه اللي حصل لشريهان؟ وإزاي قدرت ترجع ترقص وتستعرض على المسرح بعد كل الإصابات دي؟ الحكاية كشفت تفاصيلها شريهان خلال لقاء قديم مع الإعلامي اللبناني فؤاد عليوان على قناة «المستقبل»، لما رجعت بذاكرتها للحادث اللي تعرضت له يوم 24 مايو 1989، وهي في عز نجاحها الفني. شريهان حكت إن العربية اتقلبت بيها أكتر من مرة، وإن الحادث تسبب في كسور بالعمود الفقري والحوض، بالإضافة لقطع عصب في رجلها اليمين ووصول أجزاء من العظام للنخاع الشوكي. وبعد ما فقدت الأمل في إنها تقف على رجليها، قررت تسافر باريس وتخاطر بإجراء عملية جراحية استمرت 9 ساعات ونص، قضت بعدها يومين في غرفة الإنعاش. لكن العملية كانت مجرد بداية لرحلة طويلة من المعاناة! شريهان فضلت 6 شهور مربوطة بالحزام الطبي، والغريب إنها اعترفت بأنها كانت بتدي الممرضة فلوس علشان تساعدها على الحركة قبل المواعيد اللي حددها الطبيب، من شدة رغبتها في العودة لحياتها الطبيعية. ورغم كل الألم الجسدي ده، شريهان قالت إن بعض الأخبار اللي اتكتبت عنها في الصحافة وقت مرضها كانت مصدر وجع نفسي كبير ليها، في وقت كانت محتاجة فيه للدعم والدعاء. وبعد شهور من العلاج الطبيعي، قدرت تستعيد قدرتها على المشي، لكن بعد حوالي سنة حصلت انتكاسة جديدة، ووقعت على الأرض فجأة، واكتشفت إنها اتعرضت لكسر تاني في ظهرها، واضطرت تخضع لجراحة جديدة! ورغم كل ده، رجعت شريهان لجمهورها وقدمت مسرحية «شارع محمد علي»، وكملت مشوارها الفني، لحد ما واجهت اختبار أصعب في بداية الألفينات، بعد إصابتها بسرطان الغدد اللعابية وخضوعها لجراحة استمرت 18 ساعة. وعلشان كده، لما ظهرت شريهان في إعلان رمضان سنة 2021، وقدمت مشاهد بتجسد الحادث اللي تعرضت له، الجمهور مكنش بيتفرج بس على عودة واحدة من أشهر نجمات الاستعراض في مصر، لكنه كان بيتفرج على إنسانة قضت سنين من عمرها بتحارب علشان تستعيد حياتها من جديد!
1
768
«مكنتش حتى أقدر أشرب بق مية!».. بالكلام ده كشف الفنان أحمد مكي عن واحدة من أصعب الفترات في حياته، لما تعرض لأزمة صحية أبعدته عن جمهوره لمدة سنة تقريبًا، وخسر بسببها أكتر من 30 كيلو من وزنه، لكن المفاجأة إن الحكاية كلها بدأت بزجاجة مية! فإيه اللي حصل لأحمد مكي؟ وإزاي تجربة مرضه غيرت نظرته للحياة؟ الحكاية كشف تفاصيلها مكي في ديسمبر 2018، خلال ظهوره مع الإعلامية منى الشاذلي في برنامج «معكم»، لما رجع بذاكرته لفترة إصابته بفيروس أثّر على الكبد والطحال. مكي رجّح إن العدوى انتقلت له بسبب تبادل زجاجات المية مع زملائه أثناء ممارسة رياضة الملاكمة، لكن الأزمة الأكبر إنه فضل لمدة شهر ونص بيتعالج بشكل خاطئ، بحسب روايته. ومع تدهور حالته الصحية، بدأ يشك في إصابته بمرض خبيث، ولما راح لدكتور تاني، الدكتور نفسه معرفوش في البداية من كتر ما ملامحه اتغيرت! وفي أول شهرين من المرض، كان مكي بينام من 18 لـ20 ساعة في اليوم بسبب حالة الخمول الشديدة اللي عانى منها، ووصلت صعوبة البلع لدرجة إنه اضطر يعتمد على المحاليل للحصول على الغذاء. لكن أكتر حاجة أثرت فيه مكنتش خسارة وزنه أو ابتعاده عن الفن! مكي حكى عن إحساسه بالعجز وهو شايف التلاجة في بيته مليانة بالأكل، لكنه مش قادر ياكل منها، والأصعب إنه كان بيشوف ابنه قدامه ومش قادر حتى يحضنه أو يبوسه. ورغم قسوة التجربة، مكي اعتبر فترة مرضه واحدة من أهم المحطات في حياته، لأنها ساعدته على الإقلاع عن التدخين، وخلته يعيد التفكير في أحلامه واختياراته الفنية، ويرجع للأعمال اللي بيحبها فعلًا. وفي أبريل 2017، كان مكي أعلن لجمهوره عن تعافيه واستعادته لوزنه تدريجيًا، وعبّر عن امتنانه لكل اللي سألوا عليه وقت غيابه. لكن أهم درس خرج بيه من التجربة دي هو إن الإنسان ميتعودش على النعمة لدرجة إنه ينسى قيمتها، لأن أبسط الحاجات اللي بنعملها كل يوم ممكن تكون أكبر أمنياتنا لو اتحرمنا منها!
1
1,359
«خشيت أن أقع في حب ممثلة شابة!».. بالاعتراف ده كشف الفنان عمر الشريف عن واحد من أسباب انفصاله عن فاتن حمامة، رغم إنها كانت الحب الحقيقي في حياته، وإنه ما اتجوزش أي ست تانية بعد طلاقهما! لكن المفاجأة إن عمر هو اللي طلب الانفصال، لأنه كان خايف إن حياته الجديدة في هوليوود تخليه يخون الست اللي حبها! فإيه اللي حصل بين عمر الشريف وفاتن حمامة؟ وليه اختار الانفصال عنها رغم حبه الكبير ليها؟ الحكاية بدأت سنة 1954، لما المخرج يوسف شاهين رشح عمر الشريف لبطولة فيلم «صراع في الوادي» أمام فاتن حمامة، اللي كانت وقتها واحدة من أكبر نجمات السينما المصرية. عمر حكى إنه من أول لقاء بينهم حس بحاجة غريبة تجاهها، لكنه كان حريص على احترامها، خصوصًا إنها كانت متزوجة من المخرج عز الدين ذو الفقار. وأثناء تصوير الفيلم، وافقت فاتن على تقديم مشهد قبلة مع عمر الشريف، رغم تحفظها على المشاهد دي في أفلامها السابقة. وبعد انفصالها عن عز الدين، أعلن عمر إسلامه، واتجوزوا يوم 5 فبراير 1955، ورُزقوا بابنهم طارق. لكن حياتهم اتغيرت تمامًا سنة 1962، بعد مشاركة عمر في فيلم «لورنس العرب»، واللي فتح له أبواب العالمية وهوليوود. ومع كثرة أسفاره، بقت المسافة بينه وبين فاتن أكبر، خصوصًا إنها كانت متمسكة بمشوارها الفني، ومكنتش عايزة تعتزل علشان تعيش معاه. وفي حوار مع صحيفة «ذا ناشيونال» الإماراتية، اعترف عمر إنه كان خايف يقع في حب امرأة تانية بسبب ظروف حياته الجديدة، فطلب من فاتن الانفصال بدل ما يخونها. وانتهى زواجهما رسميًا سنة 1974، لكن العلاقة بينهم ما انتهتش! فاتن اتجوزت الدكتور محمد عبدالوهاب، والغريب إن عمر كشف إنه كان بيزورها هي وزوجها، وإن علاقة صداقة طيبة كانت بتجمعه بالاتنين. أما هو، فرغم علاقاته العاطفية بعد الانفصال، ما اتجوزش مرة تانية، وفضل يؤكد إن فاتن كانت الست الوحيدة اللي حبها بجد. وفي مايو 2015، كشف ابنه طارق لصحيفة «إل موندو» الإسبانية إن والده أصيب بألزهايمر، وإنه بقى بيواجه صعوبة في تذكر أشهر أفلامه، وكان بيسأل عن فاتن حمامة، ناسي إنها رحلت في يناير من نفس السنة! وبعد رحيل فاتن بحوالي 6 شهور، رحل عمر الشريف في يوليو 2015، لتنتهي حكاية اتجمعت فيها الشهرة والحب والفراق، ودفع فيها عمر ثمنًا كبيرًا مقابل وصوله للعالمية!
2
1,229
«أنا مكسوف لك!».. بالكلمات دي واجه والد الفنانة إلهام شاهين بنته، لما راحت تصالحه بعد سنوات من الخلاف بسبب دخولها مجال التمثيل. لكن المفاجأة إنها اكتشفت إن والدها كان محضّر لها شريط فيديو جمع فيه مشاهد من أفلامها علشان يواجهها بيها! فإيه اللي حصل بين إلهام شاهين ووالدها؟ وليه فشلت كل محاولاتها لمصالحته حتى آخر يوم في حياته؟ الحكاية كشفت تفاصيلها إلهام في مارس 2021، خلال ظهورها مع الإعلامية وفاء الكيلاني في برنامج «السيرة»، لما رجعت بذاكرتها لبداية مشوارها الفني. إلهام حكت إن والدها اختار لها كلية اللغات والترجمة بجامعة الأزهر، لأنها كانت قريبة من البيت والدراسة فيها غير مختلطة، لكنها قررت تلتحق بمعهد الفنون المسرحية، وأقنعته إنها هتشتغل بالإخراج مش التمثيل. وبالفعل، نجح الفنان كمال ياسين في إقناع والدها بمشاركتها في أحد العروض المسرحية، والمفاجأة إن والدها فرح جدًا لما شافها على المسرح وهي بتقدم دور ملاك. لكن الخلاف الحقيقي بدأ لما إلهام وافقت على المشاركة في أول فيلم سينمائي من غير علمه، واضطرت تسافر الإسكندرية للتصوير برفقة والدتها، رغم اعتراضه. وبعد رجوعهم، قرر والدها يسيب البيت من غير ما يطلق والدتها، واتجوز بعد كده وأنجب أولادًا. ومع مرور السنين، قررت إلهام تزوره في بيته الجديد وتتناول الغداء معاه، على أمل إن الخلاف بينهم ينتهي. لكن بعد الغداء، فوجئت بوالدها بيشغّل شريط فيديو جمع فيه مشاهد ليها وهي بترقص، ومشاهد بملابس النوم، ومشاهد مع زملائها من الممثلين! إلهام قالت إنها حاولت تفهمه إن المشاهد دي جزء من أحداث الأعمال الفنية، وإن اقتطاعها من سياقها بيغيّر معناها، لكن المواجهة انتهت بانصرافها وهي غاضبة منه. والمؤلم إن الخلاف استمر حتى آخر يوم في حياته! إلهام حكت إنها حاولت تطعمه أثناء مرضه، لكنه رفض ودفع طبق الجيلي في وجهها، وبعدها فضلت قاعدة جنب سريره، مستنية يصحى علشان تصالحه، لكنه رحل قبل ما تحصل اللحظة اللي كانت بتتمناها. ورغم كل اللي حصل، إلهام أكدت إنها عمرها ما ندمت على اختيارها للفن، وإنها كانت بتحب والدها جدًا، لكن كان نفسها تسمع منه كلمة واحدة قبل رحيله.. إنه سامحها!
1
2,030
اهي دي شكل العلاقات اللي بتقدمك خطوات لقدام ❤️
1
1
6
1,434
العروسة ما رمتش بوكيه الورد كالعادة! نادت على اصدقائها واعطت لكل واحدة وردة
2
12
2,289
بلاغات وتحقيقات وشهادات من داخل الوسط الفني.. قضية مرتضى منصور تدخل مرحلة جديدة، وأسماء نجوم كبار تظهر في التفاصيل! القصة المرة دي مش مجرد خلاف أو تصريحات متبادلة على السوشيال ميديا، إحنا أمام قضية وصلت للتحقيقات، وفيها أسماء فنية معروفة وشهادات بتكشف تفاصيل جديدة عن واقعة «البث المباشر». المفاجأة إن محامي الفنان دان أدم كشف لاحد المواقع تفاصيل قرار إحالة المستشار مرتضى منصور للمحاكمة، موضحًا أن جهات التحقيق استمعت إلى أقوال عدد من الشهود، من بينهم الفنانة إلهام شاهين، والكاتبة فاطمة ناعوت وآخرون. وكمان جهات التحقيق استمعت لأقوال الفنان حسام حسن في واقعة التعدي، واللي قال، بحسب ما ورد في الصورة: «لحظة غضب وتنازلت رسميًا». والقضية، بحسب تصريحات المحامي، شملت شهادات من جميع من وردت أسماؤهم في اللايف، كما أشار إلى أن النيابة استجوبت مرتضى منصور خلال جلسة تحقيق مطولة. وبكده القضية دخلت مرحلة جديدة، وسط ترقب لما ستكشف عنه جلسات المحاكمة وما ستسفر عنه الإجراءات القانونية.
2
8
1,698
التيك توكر شاكر بأول خروجة بعد خروجه من السجن
1
1
7
2,908
أول تعليق لـ إلهام شاهين بعد إحالة مرتضى منصور للمحاكمة الجنائية العاجلة
تصعيد جديد في الخلاف بين مرتضى منصور وإلهام شاهين.. والموضوع وصل للمحكمة الجنائية! تطور قانوني جديد يشعل الأزمة بين المستشار مرتضى منصور والفنانة إلهام شاهين، بعدما تقررت إحالته للمحاكمة الجنائية، على خلفية اتهامه بسبّ وقذف الفنانة. القضية دخلت مرحلة جديدة بعد تحريك الإجراءات القانونية، لتتحول الخلافات والتصريحات المتبادلة إلى مواجهة أمام القضاء. لكن مرتضى منصور مسكتش، وقال إنه هيقدم 140 بلاغًا ضد إلهام شاهين، وإن القضايا هتبقى قصاد بعض! والآن، الأنظار متجهة إلى جلسات المحاكمة وما ستسفر عنه من تطورات، في انتظار كلمة القضاء النهائية في الاتهامات المنسوبة لمرتضى منصور. فهل تنتهي الأزمة داخل ساحات المحاكم، أم تشهد الأيام المقبلة مفاجآت جديدة؟
2
1
1,729
إيناس الدغيدي: اتجوزت بعد علاقة 9 سنين وكان مسيحي
6
24
9,048
وفاء عامر: ميصحش حد يتنمر او يتريق على حاجه زي دي😥
البلوجر مي فكري: بجد انا مكنتش عايزه كده ❌❌❌ ملحوظة: لآخر لحظة قبل ما أنشر الفيديو دا كنت بتمنى من قلبي الدكتور يحذف الفيديو بتاعه وعفى الله عما سلف بس للأسف هو محصلش .عشان كده حبيت امشي الإجراءات القانونيه لاني حرفيا انا مدمـ ـره نفسياااا و تعابنه و ده بيضر حالتي النفسيه اكتر
3
5
1,951
بعد طلاقها ثم رجعوها! يارا تامر تجاوب على سؤال: إزاي انفصلت أنا ومسلم؟
1
2
10
2,111
أغنية «حقيقتك» جديد المطربة شاهيناز
2
5
1,776
سارة طولان: التقارب العاطفي والحميمية ممكن يثيروا لدى بعض الأشخاص الخوف من الرفض، أو الخوف من فقدان المساحة الشخصية والاندماج الزائد مع الطرف الآخر، أو حتى الشعور بالخجل. مش بس كده، لكن كمان المشاعر العميقة تجاه الشريك ممكن تشكل تهديدًا للشخص صاحب نمط التعلق التجنبي الرافض. لما نسمح لأنفسنا باختبار هذا الشعور بعدم الارتياح بجرعات صغيرة، مع توفير الدعم والأمان لأنفسنا، بنبدأ نتحرك تدريجيًا نحو نمط تعلق آمن، وعلاقة أكثر أمانًا مع أنفسنا ومع الآخرين، وقدرة أكبر على الاستمتاع بالقرب العاطفي.
1
1
1,291
إسراء عبدالفتاح من مناسك العمرة: جولة تسوّق بسيطة في أبراج أفينيو 🤍✨ اكتشفت حاجات جميلة كتير في مكان واحد!
1
10
1,894
«طب أنا أعمل إيه!».. رد فعل كريم محمود عبد العزيز لما معجبة قالت له: «كل ما أتصور معاك الصورة تطلع مش حلوة».
2
5
2,024
أكبر صدمة في 2026! طبعًا الكل فرح وقال: «ياااه، أخيرًا أحمد الفيشاوي ربنا كرّمه ببنت الحلال واتجوز بقى ولقي نصه التاني»، لكن المفاجأة إنها مش مراته.. أيوه، دي صاحبته! والفيشاوي هو اللي قال كده بنفسه من كام ساعة، خلال لقائه مع الإعلامي معتز الدمرداش، لما سأله: «أنت سنجل ولا متجوز؟». فرد وقاله: «لا، أنا مصاحب»، يعني هما مع بعض من غير جواز رسمي، رغم الحب الكبير اللي بينهم، واللي باين عليهم في الصور زي ما أنتوا شايفين.
الصحفي خالد شاهين: أحمد الفيشاوي قال إنه مصاحب واحدة ومش متجوزها .. شفتوا وصلنا لإيه؟!.. الموضوع بقى يتقال في البرامج عادي!!
16
7
4
46
176,236