وصالك يحيي عروق الغلا اللي كلها يبّـاس
وهجرك . . يذبح عروق الغلا اللي مالها والي
تراني عايش في غيبتك بين الامل والياس
اعلّـق فيك أمور ما تعلّق غير بـ الغالي
لي اكثر من سنه ما جبت لي بيتٍ حديث الناس
وصادفتك وصادفت القصيد اللي على بالي
ــ مطرف بن شارع
« عسى الله يجيبك و أترك الشعر لـ الشعار
و لا عاد أقول إلا - لك السمع و الطاعة -
يقول الزمان . . فراقنا له سنة من صار
و دمعي يقول فراقنا . . صار له ساعة »
— العنود الواصلية
حتى لو ان الغلا فيني واصلٍ حده
لي عقل يدرك حدود الشوق ويكابر
قياس عمق الجرح يحدد المده
مده تحولك من غالي الى عابر
لاشفت مركب غلاي رياحك تضده
بيصير مالك مكان وقيمه ودابر
كسرت لك خاطر ومديت لك صده
والخاطر اليا انكسر معاد له جابر