يا الله يا عالم خفايا الصدور
تفرج همومٍ في ضميري مقيمه
ضاق الفضا بي من ردى وقتٍ يدور
ومن ناسٍ، في عيني غلاهم عديمه
واللي ظلمني، جارت عليه الدهور
جاني يدوّر للسموحه وسيله
ما شمتّ به، لو خاطري منه مكسور
ادري الليالي للظلايم خصيمه
لكنّ نفسي عافت الدرب والجور
عجزت تسامح من سعى بالظليمه
يا ربّ هب لي منك راحه وميسور
واجبر كسورٍ في رجاك الكريمه
9
452
أتوق توق الريم والزين لي يلوق
بنت العرب وأهل الشرف والمقادير
أمشي بـعزّ النفس والهامة فوق
ولي هيبةٍ تسبق خطايا تباشير
طبعي جموحٍ ما يطاوع له الطوق
حرّة وأعرف بـعز قدري وتوقير
خلّ العواذل في حكاياهم حروق
ما هزّني حاسد ولا غيّر السير
ريمٍ بنظراته غدا ينهب الموق
يطغى على زين الخوافر وتأثير
ما أشبه أحدٍ لو غدا الكل مشفوق
نسخة فريدة ما لها أي تعبير
26
862






