Pinned Tweet
﴿ رَوحٌ و رَيحَانٌ وجَنَّةُ نَعِيمْ ﴾
رحَم الله راحَلِينْ طَاب ذَكرهُم وَ حَسُن أثَرهُمْ
اللهُّم ارحَم مُوتَانا وَ اغَفِر لهُمْ وَ أنِر قَبُورهِمْ
انا نويت اشرح لك الوضع كله
واحط لك خطين تحت العباره
لان السكوت عن الخطا شبه عله
و انا ما احب الخطا برّه و داره
ودين الهوى مافيه مذهب ومله
حتى الكلام الزين رهن الاشاره
اخّيه من حب يجي فيه ذله
يحط من قدر المحب ووقاره
من لا يرى في عشرتي مكسب له
فـ انا ماشوف في فراقه خساره
اشتقت لـ أوّل شعور ولهفة أوّل لقى
مابين رجفة عظام ، وبين ربكة كلام
يوم السهر كان ضحكتنا .. بليّا شقى
يوم : الأغاني .. رسايلنا قبل لا ننام !
هجرت من بعدك الأحباب والأصدقا
كلّ العلاقات مرّتني " مرور الكرام " !
ماعاد يغري شعور ، ولا بصدري بقى
سواك ذكرى حزينه ماانتهت بالسلام
من الأيام أخذت الضيق كله يا نهار السبت
حسافة / ليه ما خلّيت ضيق لبكرة أضيقه؟
جعل فيك الله من الريب و من الحزن و من الكبت
ما لا ربي جعل في وجه غيرك من مخاليقه
ياعنك إنّي ليا من وايقت شمسك علي ارتبت
ما كنّي غير من يدرا الخناجر عن معاليقه
يصبرني على وجعاك سجّاتي فـ بطن الخبت
و غروٍ جعلني ما اعتاض في صافي عسل ريقه
أبو عودٍ لو يتوب الهوى عن الهوى / ما تبت
من مجاذب ثماريه المراديم و مواريقه
ياكثر الرزق في وجهه وكثر الما و كثر النبت
ويا كثر القلوب المرجهنّة في صناديقه
صدفته في دروب العابرين و رحت له ما هبت
واخذته من عشاشيق الزمان و من مطاليقه
تعللنا بدايات الصبابة لين شاب و شبت
على الحب العفيف اللي تشوف النفس توفيقه
أنا لولاه ما غنّيت ما أغنّيه و لا جبت
من طروق المحبة طرق يالولا طواريقه
خذاني لين صار إن غاب عنّي / عن حياتي غبت
عسى لا غاب / همّي تقدر الأيام تفريقه
يكفيني من الضيقات ضيقي في نهار السبت
حسافة ليت خلّا ضيق لا جا بكرة أضيقه
@sultan_alhawali
طاري الشوق وش غير المسا و النسايم
يشعب اركاب .. زفرات الضلوع النحيله
التعابير كنها .. في وجيه الصتايم
التضاريس في روس الجبال المهيله
ما يغطي ملامحها بياض العمايم
خل عاد المقام و خل عاد القبيله
اتقيّد بـ سجن الليل لا حل دايم
و اتحرر .. لا قام يبدد النور حيله
غبت و الغيبه اللي ما وراها غنايم
ما تبرر غياب ولا تكمّل حصيله
يم سود الوجيه و يم سود اللثايم
اقترابي فشيله و ابتعادي فضيله
وين اسوق القصيد و وين اسوق التهايم
بين ناقض عهود و بين ناقض جديله
كل ما تهت من طيشي و عوّدت شايم
قلت ما يستحق الشعر غير الجميله
اتّفرق .. مغاديق الهوى و تلايم
حوم كبدي على براقها يوم اخيله
مهرةٍ رابيه بين الترف و النعايم
و مربطٍ ما نعرفه بس ندري بـ خيله
الجرايم توقف في ظهور الجرايم
من قوامٍ قصير و من رقبةٍ طويله
يفطن الحب قلبٍ داله و راس نايم
لين يعرف مضاريب الرموش الظليله
صرت اوّقف لـ وجه معاتب و وجه لايم
و كنّي اوّقف الحجّه بـ وجه الرذيله
شايمٍ عن مطارد فارعات القوايم
و بايع العمر و الدنيا على شان شيله
عند عينٍ تجريني لـ خوض الهزايم
ولا عنقٍ بـ اداعب طلته و انثني له
غايةٍ دونها عمر و طموح و عزايم
لين عجزت عليها مخرجات الوسيله
139
55
4,366

