صالح عبدالله العثيم salehAlothaim

#قصيدة_جديدة #قصيدتي #هاوي #iglt «سيف السعودي» حنّا سيوف الوطن في الدِق و الجِلّه ما همّنا المعتدي لو حَرّك ارتاله سيفٍ ليا من غزا كبد العدا عَلّه يورد حياض المنايا و يقصف آجاله و ان ثار عجّ الدخن و الصدر به غِله الجيش يَقْدِم ْو كنّ الموت فنجاله و الطامع اللي يتهقوى ذلّنا .. نذلّه يرجع كسيرٍ يجرّ الويل و اذياله الجار نفداه و نرفّا عنَّه الزلّه و المعتدي نلطمه و نحطّم آماله حنّا هل الدين و التوحيد و الملّه نحمي ثرى الدار عن جهلٍ و جهَّاله سيلٍ تحدر على البيدا و منهلّه يجرف طوابيرهم و يشتّت اجياله هذي عوايد هل العوجا بلا خِلّه من نَشْبْ في نحرنا يا شين منزاله بامر المليك المفدّى سيفنا نسلّه سلمان راعي الحزم لا كبرت القاله و محمّد اللي سنام المجد يحتلّه ولي عهدٍ يهزّ الكون بافعاله سيف السعودي يِشُقّ الصَّفّ و يفِلّه حدَّه على الحوثي قيامه و زلزاله و عزم السعودي يهد الخصم و يشلّه يترك عدوّه دهور يعدد اهواله ____ عبداللطيف بن عبدالله آل الشيخ الرياض ٢١ أكتوبر، ٢٠٢٦م @Alshaikh2