أحوّل الأفكار إلى منتجات AI أشارك أدوات وتجارب عملية في الذكاء الاصطناعي، بناء المشاريع، والتسويق بدون تنظير AI • No-code • SaaS https://nitter.gq/t.co/FoQLGOd0AG
المدينة المنورة
Joined August 2020
- Tweets3.4K
- Following186
- Followers7.8K
- Likes4.9K
Pinned Tweet
بعد شغل أكثر من 12 ساعة متواصلة، اليوم نطلق لكم قصاص 🚀
منصة سعودية B2B تخدم المقاولين والموردين وشركات الصيانة والتشغيل وتنظيم الفعاليات، وكل شركة تدور عملاء ومشاريع جديدة.
وش تقدر تسوي في قصاص؟
🔹 تبحث عن الترسيات وتعرف الشركات الفائزة وقيم المشاريع
🔹 تكتشف بيانات التواصل التجارية للشركات وتوصل لعملاء محتملين
🔹 تحلل بيانات الشركات بالذكاء الاصطناعي وتحدد أفضل الفرص لك
🔹 تنشر طلبات توريد وخدمات وتوصل للموردين المناسبين
ملاحظة للبحث عن الترسيات:
اكتب كلمات مثل «صيانة، مقاولات، تنظيم فعاليات» وحدد مدينتك عشان تظهر لك النتائج المتاحة
قصاص اليوم في بدايته، وملاحظاتكم بتساعدنا نطوره
جربوا المنصة وعطوني رأيكم 👇
qassasapp.com
#قصاص #ريادة_الأعمال #B2B
أنت وكيل متخصص في البحث عن العملاء المحتملين (Lead Generation).
مجال عملي: [اكتب مجالك]
الخدمة اللي أقدمها: [اكتب خدمتك]
المدينة أو السوق المستهدف: [حدد السوق]
نوع العملاء: [أفراد / شركات]
مهمتك:
ابحث في المصادر العامة المتاحة لك، بما فيها X ومواقع الشركات، عن عملاء محتملين يحتاجون خدمتي.
ابحث عن مؤشرات احتياج حقيقية، مثل طلب خدمة، شكوى من مشكلة، توسع شركة أو بحث عن مزود.
لا تخترع أسماء أو بيانات أو احتياجات غير مثبتة.
رتّب العملاء حسب قوة فرصة البيع من 100، ووضح سبب التقييم.
أعطني اسم العميل، رابط المصدر، مؤشر الاحتياج، وتاريخ المعلومة إن توفر.
اكتب لي رسالة تواصل قصيرة ومخصصة لكل عميل بدون مبالغة أو ادعاءات.
استبعد النتائج المكررة والقديمة وغير المرتبطة بخدمتي.
اعرض النتائج في جدول واضح، وابدأ بأفضل 10 فرص موثقة.
إذا كانت أدوات البحث أو الجدولة غير متاحة، وضّح ذلك ولا تدّعي أنك نفذت البحث أو فعلت المتابعة.
اقترح طريقة لتكرار البحث يوميًا وإظهار الفرص الجديدة فقط.
استغليت ميزة Lovable الجديدة مع Parallel وفعلتها بمحرك التسويق.
الحين المحرك يبحث بالإنترنت، يحلل الشركات والمنافسين، ويحوّل النتائج لأفكار محتوى وحملات تسويقية.
النتائج الأولية ممتازة.
#Lovable #AI
اشتغلت على محرك مخصص لشخص يدير براندات وحملات تسويقية وحسابات سوشال ميديا.
كان التحدي عنده كثرة العملاء والتاسكات وتشتت الشغل بين أكثر من مكان.
فجمعت له كل شيء بمحرك واحد، من إدارة البراندات والتخطيط للحملات إلى صناعة المحتوى وجدولته ومتابعة الأداء.
كل براند له مساحته وشغله الخاص، والهدف ما تضيع منه أي مهمة أو تفاصيل مع كثرة العملاء.
#الذكاء_الاصطناعي #SaaS
اشتغلت على محرك مخصص لشخص يدير براندات وحملات تسويقية وحسابات سوشال ميديا.
كان التحدي عنده كثرة العملاء والتاسكات وتشتت الشغل بين أكثر من مكان.
فجمعت له كل شيء بمحرك واحد، من إدارة البراندات والتخطيط للحملات إلى صناعة المحتوى وجدولته ومتابعة الأداء.
كل براند له مساحته وشغله الخاص، والهدف ما تضيع منه أي مهمة أو تفاصيل مع كثرة العملاء.
#الذكاء_الاصطناعي #SaaS
زعل
استثمارات مصعب اختفت 🤣
nitter.gq/musaabhakami/status/21…
أتفق معك إن الحوكمة مهمة، لكن المشكلة إن كثير من التجاوزات تصير قبل ما تبدأ العلاقة الاستثمارية أصلاً.
رائد الأعمال الصغير يدخل يتفاوض مع مستثمر عنده خبرة ومحامين وعلاقات، والطرفين مو بنفس القوة.
وجود جهة مستقلة تراقب وتوثّق بدون ما تتدخل بالقرار ما أشوفه تعقيد، أشوفه حماية للطرفين.
والحوكمة والتوثيق ما تتعارض مع وجود رقابة مستقلة، بالعكس تكمل بعضها.
أتفق معك أخوي عبدالله في أهمية حماية رائد الأعمال، لكن أختلف معك في آلية الحماية.
الإشكالية في رأيي ليست غياب طرف ثالث عن الاجتماع، بل غياب إطار واضح ينظم العلاقة من بدايتها.
وجود لجنة تراقب كل اجتماع قد يخلق تعقيدات أكثر مما يحل، خصوصًا فيما يتعلق بسرية المعلومات وسرعة اتخاذ القرار.
الأجدى هو تعزيز حوكمة العلاقة الاستثمارية من خلال توثيق مراحل التفاوض، وتحديد حدود الإفصاح، وتنظيم استخدام المعلومات المتبادلة، مع وجود آلية مستقلة للفصل في النزاعات.
الحوكمة الجيدة لا تعني أن نضع رقيبًا خلف كل قرار، بل أن نبني إجراءات تحفظ الحقوق وتحدد المسؤوليات دون أن تعطل الأعمال.
وحماية رائد الأعمال والمستثمر ليست مصلحتين متعارضتين، بل أساس لبيئة استثمارية أكثر نضجًا.
غيرنا اسم التطبيق وقلنا نسوي حركة تشويقية
أعلنا إن التطبيق خلاص بيقفل، وجانا تفاعل رهيب من العملاء
وبعدها صدمناهم بالاسم والهوية الجديدة
حركة تسويقية عادية جدًا، بس الانتشار ما توقعناه
أحيانًا أبسط الأفكار تجيب أقوى النتائج
ومحسوبكم بسوق الشركات الناشئة من 2017، وكل يوم أتعلم شي جديد.
#تسويق #تطبيقات #ريادة_الأعمال
ودي تكون فيه لجنة مستقلة تراقب اجتماعات رواد الأعمال مع المستثمرين، سواء ملائكيين أو شركات أو صناديق استثمارية.
تحضر بصمت، توثّق كل اللي يصير، وتكون مرجع للطرفين عند أي خلاف.
مو معقول رائد أعمال صغير يدخل اجتماع مع مستثمر يملك المال والخبرة والنفوذ، وما فيه أي جهة تحميه من الاستغلال أو سرقة الأفكار أو الوعود الوهمية.
لازم نوقف التلاعب والجشع وتضييع وقت الناس، ونخلق بيئة استثمارية فيها شفافية ومحاسبة حقيقية.
حماية رائد الأعمال مو ضد المستثمر، بالعكس، هي حماية للسوق كله.
#ريادة_الأعمال #الاستثمار #الشركات_الناشئة #رواد_الأعمال
قاعد أجرب أبني تجربة تسوق تفاعلية باستخدام Codex وGPT Image.
تختار البلوفر وتسحبه على الموديل، وتشوف كيف يطلع عليه.
تخيلوا لو متاجر الملابس والعبايات عندنا توفر هالتجربة، العميل يقدر يشوف القطع على الموديل قبل يطلب، بدل ما يعتمد على صور المنتجات بس.
تجربة ممكن تسهّل قرار الشراء وترفع التحويلات للمتجر.
باقي عليها شغل، لكن الفكرة تستاهل.
#AI #Codex
أفضل طريقة تستخدم فيها قروك بوت إنك ما تحمل بوت واحد كل الشغل.
خل واحد للبحث، والثاني للمبيعات، والثالث للمحتوى والإيميلات.
واربطهم ببوت رئيسي يوزع المهام ويتابع شغلهم، وتقدر تخلي كل واحد يشتغل تلقائيًا بدون ما تتدخل كل مرة.
الفكرة كلها بتقسيم الشغل وتنظيمه،لا تعتمد على بوت واحد يسوي كل شيء.
#Grok #AI
اللي يشتغلون في التسويق العقاري، ليش ما تستفيدون من قروك بوت في إعلاناتكم؟
هذا مجرد نموذج سريع جربته، أرض فاضية تتحول لفندق كامل خلال ثواني.
تخيل تعرض على العميل تصور لمشروعه قبل ما يبدأ البناء، وبجودة ترفع مستوى المحتوى التسويقي عندك، وبدون تكاليف إنتاج عالية.
#Grok #AI #التسويق_العقاري
لاحظت إن بعض أصحاب المشاريع يهتمون بشكل لوحة التحكم أكثر من طريقة استخدامها.
تلقى الداشبورد مليان أرقام ورسوم بيانية، لكن صاحب المشروع ما يقدر يطلع منها بقرار واضح.
إذا الرقم ما يساعدك تفهم مشكلة أو تتخذ قرار، وش الفايدة من عرضه؟
#SaaS #ريادة_الأعمال