المدرج الأهلاوي

محمد بركات عن أبو تريكة مع الإعلامي عبد الرحمن مجدي🗣: 📍إحساس اللعب مع أبو تريكة حاجة عظمة والله عبد الرحمن🗣: بس أبو تريكة دايما واخد النجومية كلها بركات🗣: 📍ياخد اللي ياخده الراجل ده يستاهل ياخد كل حاجة حلوة بصراحة، إنك تبقى لاعيب كويس وبالتواضع ده وبالأدب ده وبالسيرة ديه، ما فيهوش أي حاجة وحشة غير إفيهاته، يعني لو بعدت إفيهاته على جنب، والله متكامل بنسبة 100%.😂 لكن لو حطيت إفيهاته هتحتاج توزنه كلاعب كرة أصلا 📍أبو تريكة حاجة جميلة أنا دايمًا بقول هو الملهم بتاع الجيل بتاعنا، كلهم كانوا لاعيبة جامدة وكلهم نجوم وماقدرش أقلل من أي واحد فيهم، كل واحد فيهم أبو تريكة في مكانه لكن هو كان شخص قريب من ربنا قوي، وكان برضه يلمنا في قراءة قرآن وحاجات بتبقى محتاجها كفرقة. 📍على الناحية الفنية بقى، يجيب جول، يوديك للجون، ويفهمك وهو مديك ضهره! الخارجي بتاعه الغريب ده قعدت 100 سنة أقول له أنت بتعمل الخارجي ده إزاي! نجوميتي فاقت نجومية أبو تريكة في وقت من الأوقات؟ "لأ لا لا"