Andy Samir

والله حصل ده لو الواحد بقى بيشوف مورستان على السوشيال ميديا

اعتقد على ماهر اقل cv درب منتخب مصر سواء مصريين او اجانب يعنى لما تبص على حسام حسن. حسام كلاعب كان نجم تاريخى لمنتخب مصر ومدرب درب الزمالك وقدم موسمين افضل ما يكون رغم انه محققش بطولة لكن انتشل الزمالك من مراكز الهبوط ونافس اقوى نسخة للاهلى فى تاريخه وكان اقرب لدورى على الاقل فى الموسمين لولا تحكيم مشبوه بامتياز. درب الاسماعيلى ودرب المصرى وحقق مع المصرى افضل سنواته لدرجة انه صعدهم للكونفدرالية ووصلهم سيمى فاينال كمان وفرض المصرى كواحد من رباعى القمة فى مصر ودرب منتخب الاردن ولعب ماتش فاصل ع التاهل لكاس العالم لولا حظه انه وقع ضد أوروجواى فى اقوى أوقاتها كمان وقت كافانى حسام البدرى يمكن من افضل المدربين الى دربوا الاهلى والراجل حتى معظم رحلاته نجاح اخرها حاليا فى ليبيا ايهاب جلال الله يرحمه وصل المقاصة دورى ابطال أفريقيا فى انجاز مش هيتحقق تانى. درب الزمالك ودرب الاسماعيلى شوقى غريب له ارث كبير مع منتخب الشباب وكراجل تانى مع حسن شحاتة المدرب المصرى الانجح مع الجوهرى الله يرحمه فلما تبص على مشوار على ماهر هتلاقيه حرفياً اقل من اى مصرى تولى منتخب مصر مش هتكلم على الاجانب. اكبر ناديين دربهم المصرى وسيراميكا لم يتولى تدريب نادى قمة كمدير فنى وهو لاعب ماكنش لاعب كبير ولا يتصنف دولى اختيار عجيب جداً يدل ان الرياضة بتدار بالعلاقات فقط لا غير لان بعيد عن اى انتماء او مشاعر مفيش شخص بالcv ده يتولى تدريب منتخب مصر إلا لو الموضوع بشكل موقت وده بعيد عن انى شايف ان حسام حسن هو الى وصل نفسه للنقطة دى ولم يظلم بالرحيل

الواحد نفسه رايحة يرجع يتابع هارى بوتر زى زمان

حسام حسن أتغضب عليه بعد التوكيل الى عمله لسى الذكر ومن اهم اسباب رحيله من المنتخب كانت الخطوة دى

هو ليه لازم مدير فنى منتخب مصر يبقى محلى؟ ما تروحوا يا جماعة للمدرب الاجنبى هو اتحاد الكورة فقير؟ الاهلى وبيراميدز بيدفعوا ٢٠٠ الف دولار شهرى لمدربين اجانب ازاى اتحاد البلد يكون افقر من الاندية بتاعته

Power of money ايلون واصل لمرحلة ان لو النظام كله من الديمقراطين مش هيعرفوا يهزوا فى شعرة ملهوش ماسكة

التايملاين مليان صور جميلة من اسكندرية

ما تحترموا نفسكم بقى من الهطل انت عمرك قولت البوق ده على الاهلى

المهدى بردو لازم يقلق على المركز بتاعه. لازم يعرف ان لعبه اساسى مش مضمون وعواد وعمر عبدالعزيز ياخدوا معاه ماتشات .

مش بس ناصر منسى لان اللاعيبة كلها كان عندها لامبالاة رهيب. بس بختص ناصر منسى عشان حركة اعتراضه على كابتن معتمد فى ماتش الجيش الرواندي. وبعيد عن انه اخطا واخد عقابه وخلصنا الحركة دى بتاعت لاعب حاسس انه كان مظلوم بعدم اللعب. طيب بذمتك يا ناصر مستواك الحالى ده انت راضى عنه؟ بتثبت فى الملعب فعلا انك مظلوم وبتحرج المدير الفنى بتاعك؟ انت عندك قد كدة مليون مرة يا ناصر وانت خلاص من اللاعيبة الكبيرة فى الفرقة لازم تفوق نفسك قبل الى جاى

الواحد بردو بيحمد ربنا ان الماتش عدى على خير. بعد جول التعادل بتاعهم قولت خلصت كدة. احنا طول الماتش ضايعين وكملت كمان ان التعادل جاى والاتنين الوحيدين الى بيقدموا خطورة شوية عبدالله واحمد شريف خرجوا لا ومنزلين سيف جعفر جول ادم كايد ده هدية وكرم من ربنا

انا بحب وبقدر كابتن معتمد وشايل له اغلى دورى عاصرته فى تاريخ تشجيعى للزمالك. ومقدر كمان ان الزمالك اصعب نادى تشتغل فى بالدنيا سواء نقص اسكواد او عدم دعم ادارى ومادى ومشاكل خارج عن ارادته لكن مباراة انهاردة دى كارثة متكاملة. مستحيل مصر للتامين يبقى عندها اسكواد افضل منى عشان بردو يكونوا الطرف الأخطر طول المباراة. السماح لشيكو بنزا بالسفر قبل الماتش. انهاردة تغيير سيف جعفر ده انا مش قادر استوعبه لحد دلوقتى. لاعب كلمة ملط عليه قليلة بيلعب أصلا فى الرابطة مع عيال صغيرة بيكون اسوا واحد فيهم. مباراة كاس مفيهاش تعويض انزله ازاى كابتن معتمد رقمياً ناجح جدا بس الواحد بجد مباريات الزمالك بقت صعبة على قلب الواحد اوى ومش لدرجة قاعد على أعصابى طول الماتش قدام مصر للتامين كمان

معتمد بعد الماتش ده ايا كانت النتيجة شكرا خلاص

فخور انى كنت ضد ان الشخص البذيء سليط اللسان يكون مرتبط بكرسى رئاسة نادى الزمالك. النادى الى مر عليه حيدر باشا وحسن حلمى زامورا ونور الدالى وحسن عامر وكان رئيسه الشرفى فاروق الاول ونجيب محفوظ لا يمكن باى شكل من الاشكال ان ده يكون ممثله. مفيش بنى ادم سوى ممكن يرضى بكدة تحت اى ظرف. ولو رجع بيا الزمن مليون مرة هكون فخور بموقفى.