Aysha Mrs.

Yari ya yi kira a samu ƙuri'a miliyan 1.2 ga shugaba Tinubu a jihar Ebonyi Darakta-Janar na kwamitin yaƙin neman zaɓen shugaban ƙasa na jam'iyyar APC, Sanata Abdulaziz Yari, ya yi kira ga al'ummar jihar Ebonyi da su samar da ƙuri'u miliyan 1.2 ga shugaba Bola Ahmed Tinubu a babban zaɓen shekarar 2027. Ya yi wannan kiran ne a yayin taron yaƙin neman zaɓen shugaban ƙasa na jam'iyyar APC a jihar Ebonyi. #ArewaForAsiwaju #A4A

JIGAWA, Farin Ciki Ta Mamaye Ko’ina! Daga gagarumar tarbar da aka yi jiya a jihar Ebonyi zuwa taron yau a Dutse, gangamin yakin neman zaben Shugaba Tinubu da Mataimakinsa, Kashim Shettima, na ci gaba da gudana cikin armashi! Shugaba Bola Ahmed Tinubu da Mataimakin Shugaban Kasa, Kashim Shettima, za su isa dandalin Mallam Aminu Kano Triangle da ke Dutse, domin halartar babban gangamin yakin neman zaben shugaban kasa na jam'iyyar APC a yau Talata, 10 ga Nuwamba, 2026. DUTSE, A SHIRYE KUKE? #ArewaForAsiwaju #A4A

Jihar Borno ta ƙaddamar da gangamin yaƙin neman zaɓen APC na shekarar 2027 a yau, 9 ga Nuwamba, 2026, domin sake zaɓen Shugaba Bola Ahmed Tinubu da kuma samun nasarar jam’iyyar APC a jihar. Manyan baƙi da suka halarci taron sun haɗa da Gwamnan Jihar Borno, Farfesa Babagana Umara Zulum, Mataimakinsa, fitattun mambobin Majalisar Dokoki ta Ƙasa, dattawan ƙasa, tsoffin Gwamnonin Jihar Borno, shugabannin siyasa, masu fatan alheri, shugabannin jam’iyya da dubban magoya bayan APC daga sassa daban-daban na jihar. Taron ya kasance wata babbar shaida ta haɗin kai, goyon baya da kuma ƙudurin bai ɗaya na jam’iyyarmu wajen samun nasara a zaɓe a dukkan matakai. #ArewaForAsiwaju #A4A

Ta ina ya kamata mu fara lissafa ayyukan da muke gudanarwa? Daga babbar hanyar Calabar–Ebonyi–Bende–Lagos–Nasarawa zuwa dimbin ayyukan raya ƙasa da ake gudanarwa a faɗin jihar, hujjoji suna nan a bayyane. Mun ware kuɗaɗe domin gudanar da ayyukan samar da wutar lantarki ta hasken rana a wurare takwas a faɗin Jihar Ebonyi, domin ƙarfafa harkokin kasuwanci da inganta rayuwar al'umma. Ta hannun shirye-shiryen NELFUND da TETFund, muna tallafa wa harkokin ilimi a faɗin jihar, tare da zuba jari a harkokin noma, kiwon dabbobi da gina hanyoyin karkara domin sauƙaƙa jigilar amfanin gona. Haka kuma, mun amince da kafa Kamfanin Zuba Jari na Kudu maso Gabas (South-East Investment Company) domin bunƙasa tattalin arzikin yankin. Ba ma ɗaukar goyon bayan da kuke ba mu da wasa. Mun ci gaba da jajircewa wajen inganta rayuwar al'ummar Jihar Ebonyi, tare da nuna godiya ga Gwamna bisa goyon baya da haɗin gwiwarsa. Cewar mataimakin shugaban kasa Kashim Shettima a wajen yakin neman zaben Shugaba Tinubu a Ebonyi. #ArewaForAsiwaju #A4A

Mallam Kabiru ya yi kira ga Najeriya da ta hanzarta amfani da iskar CNG a motoci, kasancewar ta fi man fetur arha sau uku, kuma ta dace sosai da motocin da ake amfani da su wajen kasuwanci. #ArewaForAsiwaju #A4A

Gwamnan Jihar Jigawa tare da mambobin kwamitin yaƙin neman zaɓen Shugaba Tinubu na ci gaba da shirye-shiryen tarbar Shugaban Ƙasa, Bola Ahmed Tinubu, zuwa jihar domin gudanar da gangamin yaƙin neman zaɓensa a yau. #ArewaForAsiwaju #A4A

Yadda al’ummar jihar Jigawa suka mamaye kan titunan jihar domin jaddada goyon bayansu ga Shugaba Bola Tinubu a gangamin yakin neman zabensa na 2027. #ArewaforAsiwaju #A4A

An gudanar da tattakin nuna goyon baya ga Shugaba Tinubu da Yahaya Bello gabanin zaɓen 2027 Tattakin ya samu halartar dimbin jama'a daga sassa daban-daban na Kogi ta Tsakiya, domin nuna goyon bayansu ga Shugaba Bola Ahmed Tinubu da tsohon Gwamnan Jihar Kogi, Alhaji Yahaya Bello, wanda ke neman kujerar Sanata a zaɓen 2027. Tattakin ya haɗa da maza da mata da matasa da kuma shugabannin al'umma, ƙarƙashin jagorancin wasu manyan jami'an gwamnati da shugabannin siyasa, ciki har da Akanta-Janar ta Jihar Kogi, Hajiya Habibat Onumoko, da Kwamishinan Harkokin Ƙananan Hukumomi da Sarakunan Gargajiya, Hon. Abdullahi Bello. Mahalarta tattakin sun yi kira da a gudanar da harkokin siyasa cikin lumana, tare da mutunta ra'ayoyin juna da fifita muradun al'umma. Sun kuma bayyana goyon bayansu ga Shugaba Bola Ahmed Tinubu da takarar Sanata Yahaya Bello a zaɓen 2027. #ArewaForAsiwaju #A4A

Mataimakin Shugaban Ƙasa, Kashim Shettima, ya bar birnin tarayya Abuja zuwa Dutse, babban birnin jihar Jigawa, domin haɗuwa da Shugaban Ƙasa Bola Ahmed Tinubu a gangamin yaƙin neman zaɓen shugaban ƙasa wanda ake gudanarwa a yau, Talata, 10 ga Nuwamba, 2026, a filin Mallam Aminu Kano Triangle. Jihar Jigawa ta samu kulawa ta musamman a ƙarƙashin gwamnatin Shugaba Tinubu, inda ake ci gaba da gudanar da ayyukan raya ƙasa da suka haɗa da Babban Shirin Samar da Ruwan Sha na Dutse (Greater Dutse Water Supply Scheme), titin Kwanar Danja–Tsalle–Hadejia, titin Kunya–Kanya–Babura–Babban Mutum, da kuma layin dogo na Kano–Maradi. Waɗannan ayyuka na da manufar inganta samar da ruwan sha, sauƙaƙa zirga-zirga da haɗa al'ummomin manoma da kasuwanni, tare da bunƙasa harkokin kasuwanci a faɗin yankin Arewa maso Yamma. Tawagar Tinubu–Shettima na sake komawa jihar ne domin nuna godiya ta musamman ga al'ummar jihar bisa goyon baya da amincewar da suka nuna, tare da fatan ci gaba da samun haɗin kai a shekaru masu zuwa. #ArewaforAsiwaju #A4A

Jihar Jigawa ta shiyar tsaf domin tarbar Shugaba Bola Tinubu da Mataimakinsa, Kashim Shettima yayin da za su gudanar da gangamin yakin neman zabe na 2027 a jihar. #ArewaforAsiwaju #A4A

2027: Dubban al'ummar Lafia sun gudanar da tattaki domin zaman lafiya a harkokin siyasa Fiye da mutum 5,000 daga Ƙaramar Hukumar Lafia ta Jihar Nasarawa sun gudanar da tattakin nuna goyon baya, inda suka yi kira da a gudanar da harkokin siyasa cikin zaman lafiya gabanin babban zaɓen 2027. Maza da mata, matasa da kuma shugabannin al'umma ne suka halarci tattakin, inda suka bukaci 'yan siyasa da magoya bayansu su guji tashin hankali, su mutunta ra'ayoyin juna tare da fifita muradun Jihar Nasarawa a kan son kai ko na jam'iyya. Mahalarta tattakin sun yaba wa shugabancin Gwamna Abdullahi A. Sule, musamman kan ayyukan raya ababen more rayuwa, bunƙasa ilimin jama'a da samar da damammakin tattalin arziki. Sun kuma bayyana goyon bayansu ga takarar Sanata Ahmed Wadada Aliyu a matsayin gwamnan jihar a zaɓen 2027, tare da bayyana fatansu na ganin ya ci gaba da ayyukan ci gaban jihar. Haka kuma, sun yi kira ga mambobi da magoya bayan APC a ƙananan hukumomi 13 na jihar da su kasance masu haɗin kai tare da gudanar da harkokin siyasa cikin lumana. Sun jaddada cewa bambancin ra'ayin siyasa bai kamata ya haifar da gaba ko rikici tsakanin al'umma ba, domin zaman lafiya da zaman tare su ne ginshiƙan ci gaban Jihar Nasarawa. #ArewaForAsiwaju #A4A

NELFUND: Samar da damar samun ilimin gaba da sakandare ga ɗaliban Najeriya Shirin NELFUND na gwamnatin tarayya na taimaka wa ɗaliban Najeriya da suka cancanta wajen biyan kuɗaɗen karatu da kuma samun tallafin kuɗin gudanar da rayuwa yayin karatu. Bisa bayanan da ke cikin hoton, an riga an fitar da naira biliyan 372.26 ƙarƙashin shirin, wanda ya shafi manyan makarantu 319 a faɗin ƙasar, yayin da aka sarrafa buƙatun neman rance sama da miliyan 1.66. Haka kuma, bayanan shirin sun nuna cewa sama da ɗalibai 150,000 sun samu biyan kuɗi a zangon karatu na 2025/2026 zuwa watan Janairu 2026. NELFUND shirin rancen karatu ne, ba tallafin kyauta ba. Manufarsa ita ce rage nauyin kuɗaɗen karatu ga ɗalibai da iyalansu tare da faɗaɗa damar samun ilimi. #ArewaForAsiwaju #A4A

Jihar Jigawa na shirin tarbar Shugaba Tinubu, Gwamna Namadi ya duba wuraren taron Gwamnatin Jihar Jigawa ta ƙara ƙaimi wajen shirye-shiryen ziyarar Shugaban Ƙasa, Bola Ahmed Tinubu, da ake sa ran zai kai jihar a ranar Talata, 10 ga Nuwamba, 2026. Gwamna Umar Namadi ya duba wuraren da aka tanada domin ƙaddamar da ayyuka da kuma gudanar da babban taron APC a birnin Dutse. A yayin ziyarar, ana sa ran Shugaba Tinubu zai ƙaddamar da wasu muhimman ayyuka guda huɗu, tare da ƙaddamar da rabon taraktoci sama da 400 da injinan girbin amfanin gona guda 60 ga manoma, domin tallafa wa harkokin noma da bunƙasa samar da abinci. Daga cikin ayyukan da aka shirya ƙaddamarwa akwai cibiyar koyar da sana'o'i ta Bola Ahmed Tinubu Multipurpose Skills Acquisition Centre, cibiyar Renewed Hope Technical Services da kuma faɗaɗa hanyar Garu zuwa hanya mai layuka biyu a kowane ɓangare. Ziyarar za ta kuma ƙunshi babban taron yaƙin neman zaɓen shugaban ƙasa na APC a filin wasa na Dutse Township Stadium. #ArewaForAsiwaju #A4A

Ministan Ayyuka ya yaba wa Shugaba Tinubu kan ayyukan hanyoyi a Ebonyi Ministan Ayyuka na Tarayya, Sanata David Umahi, ya yaba wa Shugaba Bola Ahmed Tinubu bisa ayyukan raya ababen more rayuwa da ake gudanarwa a Jihar Ebonyi. Da yake jawabi a babban taron kamfen na APC a Ebonyi, Umahi ya bayyana cewa Shugaba Tinubu ya ƙaddamar da ayyukan hanyoyi masu tsawon kilomita 140, da kuma faɗaɗa wasu hanyoyi, waɗanda kuɗinsu ya kai naira biliyan 184. Ya kuma bayyana cewa al'ummar Ebonyi sun nuna goyon bayansu ga tafiyar Shugaba Tinubu, yana mai cewa Shugaban Ƙasar ya nuna kulawa ga jihar tare da aiwatar da ayyukan da suka daɗe ana buƙata. A cewarsa, Shugaba Tinubu shi ne jagoran da ya tsaya tsayin daka wajen tallafa wa al'ummar jihar, don haka ya kamata su ci gaba da mara masa baya. #ArewaForAsiwaju #A4A

AN GIRMAMA MATAIMAKIN SHUGABAN ƘASA, KASHIM SHETTIMA, DA SARAUTAR GARGAJIYA A JIHAR EBONYI. "Na yi tafiya daga yankin Arewa maso Gabas mai nisa zuwa Kudu maso Gabas, amma ga shi na tsaya a nan cikin 'yan'uwa maza da mata. Kakanninmu sun fahimci cewa zumunci ba ya da iyaka, yana iya ketare koguna, duwatsu da masarautu. Sun san cewa baƙon da aka tarbe shi cikin ƙauna ba da daɗewa ba zai zama ɗan gida. Wannan ita ce Najeriya da ya kamata mu kiyaye." — Wani ɓangare na jawabin Mataimakin Shugaban Ƙasa, Sanata Kashim Shettima, bayan Majalisar Sarakunan Gargajiya ta Jihar Ebonyi, ƙarƙashin jagorancin Shugabanta, Mai Martaba Eze Charles N. Mkpuma, Ezegburugbala III na Masarautar Ezzama, ta karrama shi da sarautar gargajiya mai taken “Aka Ekpuchi Ọnwa” (Hannu Ba Ya Iya Rufe Wata). An gudanar da bikin ne yayin ziyarar da ya kai Abakaliki, babban birnin Jihar Ebonyi, a ranar Litinin, 9 ga Nuwamba, 2026. #ArewaForAsiwaju #A4A

Gwamnan Jihar Ebonyi, Francis Nwifuru, ya roƙi Shugaba Bola Ahmed Tinubu da ya taimaka wajen magance matsalar wutar lantarki da jihar ke fuskanta, tare da jaddada cewa Ebonyi jiha ce ta APC. Ya kuma bayyana kwarin gwiwar cewa Shugaba Tinubu zai samu kashi 80% na ƙuri'un al'ummar jihar a zaɓen 2027. #ArewaForAsiwaju #A4A

Jihar Ebonyi ta amsa kiran shugaba Tinubu. 2027 sai Jagaban! #ArewaForAsiwaju #A4A

Senata Adams Oshiomole yace Shugabancin Shugaba Tinubu ya shawo kan matsalolin da suka shafi ginshikin Najeriya a wa'adinsa na farko; a ba shi wa'adi na biyu domin ya karfafa wadannan gyare-gyare, ta yadda 'yan Najeriya za su ci moriyarsu. #ArewaForAsiwaju #A4A