تساؤلات

#تساؤلات | زوجة اخوي تجي بيتنا كثير تقريبا من مرتين الى ثلاث مرات اسبوعيا واذا جت تجلس تطول واحنا نتعب من الجلسه الطويله معها واحيانا اكون في غرفتي وما اجلس معها .. وامي تزعل مني اذا ما نزلت تحت وجلست معها وانا عندي شغل وارتباطات اسويها وش اسوي 😭

#تساؤلات | السلام عليكم ابغى شوركم في حيرتي… محتارة بين الطلاق والاستمرار. زوجي حنون وكريم وكويس معي، لكن الخيانة تكررت منه في زواج دام سنة ونص بس. ما بيننا اطفال، وهو عنده عيال من زواج سابق واشوفه اب كويس لهم. الامومة تهمني اكثر من الزواج، واحيانا اقول انجب منه، ولو انفصلنا بعدها ما ابغى اتزوج مرة ثانية. لكن اخاف تتغير رغبتي مستقبلا وابغى اتزوج، ويكون وجود الاطفال مصعب علي فرصة الزواج والبدء من جديد. وبالمقابل، اخاف انفصل بدون اطفال وما القى فرصة مناسبة للامومة، او اتزوج شخص يكون زوج سيء او اب سيء، واندم اني تركت شخص اعرف حنيته وكرمه واشوفه اب كويس رغم خيانته. هذا اللي مخليني مترددة: اخاف اظلم نفسي بالاستمرار، واخاف اندم على الانفصال. اللي مروا بحيرة مشابهة، ايش ساعدكم تحسمون قراركم؟

#تساؤلات | عند عقد القران، تظهر للزوج هوية الزوجة فقط، أم جميع الوثائق والبيانات المسجلة باسمها، مثل رخصة القيادة ورخصة السير والتأمينات وغيرها؟

#تساؤلات | السلام عليكم حابه استفسر عندي اشخاص اخذو فلوس مني عساس سلف ولا رجعوها وماطلو وابي اشتكيهم وين؟ كلهم عندي لهم حوالات ومحادثات بالانستا وحساباتهم البنكيه يمدي تطلع منها معلوماتهم؟

#تساؤلات | هل من الطبيعي أن تكون الأم هي أكثر شخص يحارب بداية ابنتها الجديدة؟ أنا امرأة مطلقة، ولم يكن طلاقي نهاية معاناتي، بل بدأت بعده معاناة من نوع آخر. والدتي تتحدث عني أمام الآخرين بطريقة تشوّه سمعتي، وتنقل عني كلامًا يؤثر على نظرة الناس لي، ولا تكتفي بذلك، بل أشعر أنها لا تريدني أن أتزوج مرة أخرى وأبدأ حياة مستقرة. أكثر ما يؤلمني أنني بدل أن أجد الاحتواء والسند من أمي بعد تجربة زواج صعبة، أصبحت أخاف من كلامها وتأثيره على مستقبلي وفرص زواجي. أنا لا أطلب منها أن تعيش حياتي مكاني، كل ما أريده أن تتركني أعيش بسلام، وأن يكون لي الحق في الزواج والاستقرار دون محاربة أو تشويه سمعة. هل يحق للأم أن تحرم ابنتها من بداية جديدة بسبب خلافاتها معها؟ وكيف تتصرف البنت في مثل هذا الوضع؟

#تساؤلات | السلام عليكم ورحمة الله وبركاته أنا بنت معي بكالوريوس الطب و الجراحة العامه بس ما قدرت اسوي امتياز بسبب الظروف المادية بحكم اني خارج دولتي و لازم ادفع فلوس عشان الامتياز اشتغل حاليا شغله بسيطة و راتبها ما يكفي وانا اللي اصرف على اهلي من جميع النواحي إذا في احد عنده فكره كيف ممكن أستفيد من شهادتي هذي الين الله يسهلها واسوي الامتياز وأقدر أمارس الطب ؟

#تساؤلات | السلام عليكم انا بنت عمري ٢٦ سنة وبكل مره يجي احد يخطبني ارفض او مايصير نصيب والرفض اللي يجي مني هو ان عندي ندبتين بصدري اثر عملية جراحية ومتخوفه من هالشي ايش اسوي ومابي هالشي يكون عائق لي بالمستقبل وماعاد صار عندي ثقه من هالموضوع هل الشي فعلًا ياثر مستقبلاً ؟ لو حصل نصيب بعدين وشافها ممكن بيحصل شي؟

#تساؤلات | السلام عليكم أنا عندي جوال ايفون ونسيت الرمز السري هل فيه حل غير اني أفرمت الجوال علشان فيه أشياء مهمة وضرورية؟

#تساؤلات | سلام انا مكسوررره مره بقول الموقف الي صار بعد نفاسي ب٣شهور سافرت مع زوجي وبنتي لمنطقه تبعد عنا٣٠٠ كيلو كنا جالسين بكوفي وقلت له برسلك صوره القهوه ابي اشوفها من عندك قال طيب قلت له فك الايدروب قال طيب المهم فجاءه جاني سناب؟!؟! الا هو وعلطول ناظرت له وكاانه خاف قال انتي؟ وبعدين طلعت من الكوفي وقلت ليش قدامي ليشش وقام يحلف انه مايعرف الايدروب ولايعرف يستخدم ولا يعرف من فين ينفتح سبحان الله الا من السناب؟؟ رغم انه حلف الاني كرهتتتته كرهته وش السواه؟وهل تحسون صادق ولا؟ ماني قادره اناظر بوجهه حقدت عليه كيف يروح للسناب ويرسل الباركود اخخخخخخ طيب الايدروب بكل مكان ليششش بالسناب؟ مفروض مايرسل بس يفكه وانا ارسل الصوره

#تساؤلات | انا شخص دخلت تمريض وندمت الان اشد الندم تاخرت 3 سنوات عن دفعتي بسبب محاولتي دخول لتخصص عمري 26 ومابعد خلصت الانترشب ياجماعه ندمان ولو عاد فيني الزمن مادخلته اذا مااقول لعيال عمي وخوياني يقولون انت محظوظ تخصصك مطلوب ويمديك تتطور فيه وتبني مسار مهني بس انا احس نكبت نفسي بسبب ذا التخصص ،،، وش شوركم علي ياجماعه الخير

#تساؤلات | السلام عليكم وش اسباب انه الزوج مايتواصل كثير وقت الملكه يعني نرسل ستريك وكلمه ورد غطاها ولايتغزل ولايقول كلام حلو ابدًا ولاييتصل من ملكنا ماعمره فكر يتصل علمًا انه لنا ٣ شهور مملكين ووش فيه مواضيع تفتحها الزوجه معه غير عن المستقبل وحياتهم لانه ماتحدد العرس وهل الزوجه تطلبه تطبيقات ثانيه يتواصلون فيها او لا

#تساؤلات | انا شاب تعبان على نفسي وعندي شركات و بنيت نفسي وعمري ٣٠ما ابي امدح نفسي بس كل شى كامل تزوجت وحدة وثاني يوم معها جاها بهاق و سكر نوع اول و تعب مب طبيعي انا كرهت العيشة ليه حظي كذا استحق وحدة جميلة ولا فيه شى والبنت الي عندي كاملة معدا الي قلت وش اسوي انا محتار حتى العلاقة اذا شفتها قلبي يوجعني تكفون لحد يزيدها علي عطوني رايكم

#تساؤلات | اعاني من ريحه الفم مع ان اسناني نظيفه ودايماً افرش اسناني ولساني ولكن مستمره وهذا سبب رفضي للعرسان هل هذا سبب مقنع 😔

#تساؤلات | اخوي تقدم لوحده مرتين ورفضوه ونفسه للحين فيها يبغاها بس خلاص هي تزوجت من سنوات لكن للحين ماخلفت !؟ واخوي تزوج وجاله ذريه من زوجته - تحسون سبب تأخرها بالحمل هو نفس اخوي فيها؟

#تساؤلات | انا واخواتي كبرنا ببيئة سامة الوالد يعنف الوالدة وبيت مرعب غير مستقر بسبب تصرفاته وكنا نخاف منه ومن صوته ونخاف نعبر عن احتياجاتنا بسببه وهو اساسا كان عازل نفسه عننا ولا قد حسينا بمعنى وجوده بحياتنا،لين كبرنا وهو شبه مختفي بعدين هو تعب بظهره وصار دايم بالبيت وصار فجاة يبي يصير قريب لكن محد مننا حاس بشعور اتجاهه ،اخواتي تزوجوا وصار عندهم اطفال فيشتاق للأحفاد واذا جو بيتنا يجلس بالصالة عشان يشوفهم المشكلة مو هنا المشكلة انه هو نفسه ماتغير، ينزعج من البكاء من الصراخ من اللعب من كل شي لدرجة فجاة يصرخ عليهم وصراخه يخوف يبيهم يستكون وهم اطفال ٧ سنين و٤ سنين وسنتين و٨ شهور الاطفال صاروا يخافون منه لانه شخص مايقدر يتحكم بانفعالاته وكأني اشوف الزمن يعيد نفسه معهم يبي يجلس بالصالة معهم بس يبيهم ساكتين وجالسين مكان واحد صار موقف حزني مرة ولد اختي عمره سنتين كان يبكي مرة يبي تفاح وهو صرخ صرخة هزت البيت عشان يسكت وهو سكت على طول بس ماسكت لأنه هدي سكت لأنه خاف رحمته مرة قلت الحين بيقمعهم ومايبيهم يعبرون عن مشاعرهم نفسنا .. المشكلة نقوله اذا ماتتحمل انزل تحت ويهاوشنا احنا ونحاول مانخليهم حوله لكن هو يجلس بالصالة بنص البيت .. ماعرف ايش الحل انا مابي اطفالنا يكبرون ببيئة مو متطمنين فيها ويخافون يعبرون ويلعبون ويبكون ويضحكون وش الحل معه؟ كأن المسلسل ينعاد بصورة ثانية

#تساؤلات | تزوجت ولا كنت اكلم بنات ولا اعرف عنهم شي وتوني متزوج وزوجتي صغيرة ماتعدت ال ٢٠ سنة هل البنات يتغيرون شكلياً بعد المراهقة مثلاً تتفتح بشرتهم لان بياضها مو مره ويزينون لما ينضجون والله اني حابها الحمدلله ومرتاح معها ومتقبلها بكل حالاتها لاني اعرف الزواج ارقى من كذا لحد يتهجم و افيدونا

#تساؤلات | السلام عليكم ابغى استشيركم أنا ولله الحمد متزوج ليا اربع سنين و الحمدلله ربي رزقني ببنوته المهم و زوجتي اموت فيها وهي تحبني وتحاول بقدر المستطاع تعطيني الي أنا ابغاه منها في الفترة الأخير صارت تتعب و اصبر عليه و اعالجها وتتحسن وضعها لكن تتهرب من العلاقة!! بحكم انها مافيها حيل تتروش و حتى قلتها ياليت تتزيني كأنك رايحة عرس وفوق كذا تتجاهلني!! والله اني افكر اتزوج زوجة ثانية ؟ لاني والله تعبت من الانتظار هل تأيدوني؟؟

#تساؤلات | اذا الخطيب ماعطى رد وقال الله يوفقنا وياكم نهاية الشوفه وش معناته؟

#تساؤلات | تزوجت معدد بعد طلاقي من معدد رفض الإعلان ..المعدد الثاني اعلن ورزقني الله منه طفله .. لكن اكتشفت انه لم يقل الحقيقه في عمره وحالته الصحيه والاجتماعيه .... المهم / اهلي في منطقه اخرى وانا اشترطت السفر لهم مرتين بالسنه وحسب الحاجه .. وطبعا رفض واشترطت العدل وكان لا يعدل ( بيتي كله من الحراج ومكسر وحالته حاله ومليان وزغ رفض يقفل الاماكن اللي تدخل منها ) وبيوته الثانيه اثاث من اجمل شي.. الخروج ممنوع والسوق ممنوع حتى للضروره .. والنت ما يدفعه لي ويجبرني انظف مجالس الضيوف.. إلى جانب الاهانه والسب والضرب واحيانا يقفل علي الشقه بالمفتاح وياخذه .. طبعا الطلب من المطاعم ممنوع . ( يقول اختبرك) يطلب من زوجته اكل في ليلتي بحجة ان ماعندي طلبات ( وانا اطلبه الطلبات وما يوفر إلا الأساسيات فقط) يقول أنا حر في تصرفاتي اطلبها في ليلتك عادي( علما أنا يمنعني ارسل له في ليلتها) وفي ليله طلب زوجته اكل وهو عندي فقلت خلاص اجلس عندها وودني لاهلي.. فصفقني واخذ جوالي مني ٤ ايام وهجرني طبعا وطلبته جوالي ورفض.. فهربت للشرطه بدون بنتي واستدعوه ورجع جوالاتي وتعهد بعدم التعدي علي.. ولكن بعدها هجرني ٣ اسابيع لا يكلمني ولا يقسم لي ليلتي والشقه فيها وزغ وخفت على نفسي وبنتي فخرجت وسافرت لاهلي .. ولي تقريبا ٤ اشهر ما سال عنا .. برأيكم ماذا افعل؟ طبعا ما يريد احد يتدخل من اهلي ويهدد وهل ممكن يتحسن الوضع او ماذا افعل ، ؟ اشعر بالذنب اتجاه بنتي مالها ذنب وفي نفس الوقت اتعرضت للاهانه منه كثير والضرب وعلى امور تافهه. هل ارفع في تراضي؟ او ادخل بيننا مصلحين اجتماعيين او ارفع فسخ ؟ لكن متردده عشان البنت ولان عمري كبير واحتاج عيال .عمر الزواج سنتين ونص علما تاثرت نفسيا وصحيا وكنت حزينه دائما عنده لانه قاسي ويكذب علي كثيير

#تساؤلات | قريباً سأتملك ،، في فترة الملكة . كم عدد الزيارات اللي المفروض ازورها في بيتها او اطلع معه كفي او مطعم ؟