دائما ما اردد في دور المجموعات لاتشد حيلك داور قد ما تقدر وحافظ على نجومك من الإجهاد لذلك كان منطقي نشوف هذه المداورة بعد ايام سفر طويلة برا و بعد الفوز بقمم القادسية و الاتحاد والسد تواليا .. اي نتيجة بعد كل هذا ما تهم .. سواء فزت او خسرت لانك بتفوز بـ مباراة من اصل 5 قادمة وتصير 9 نقاط = ضمان التأهل لأن سنويا يتأهل الفريق اللي يملك 8 نقاط و اكثر وفيه حاله لفريق تأهل بـ7 نقاط .. وقتها كل شيء في دور المجموعات يصبح بلا قيمة لذلك الخسارة بحد ذاتها ماتعني شي في الموسم لكن فيه تفاصيل كانت تعني الكثير، مؤشرات المفروض ما تمر حتى وهي مباراة هدف قائمتها الاول إراحة نجوم الفريق ، المؤشرات اللي اعنيها : 🔹برهنت كل التجارب أن الكبتن محمد العويس حارس ممتاز في المنتخب، لكن في منظومة الهلال يقدم اسوأ وأضعف المستويات .. في كثير من الحالات تسجلت اليوم، وتسجلت قدام نيوم، لو كان الربيعي حارس ما استقبلها ، مع الاحترام والتقدير للاثنين، هل لأن الربيعي افضل؟ لا لكن في الهلال العويس أسوأ، لانه يكون في كل فرصة بتوهان ذهني غير مبرر ، وبردات فعل غريبة، والحارس الغير هادئ يخلي الفريق كله في حالة ذهنية سيئة. 🔹مراد هوساوي متأخر عن كل لاعب وسط في الهلال بخطوات للخلف، مراد اخذ فرص كثير من الموسم الماضي، ولم يقدم اي لمحة تخليه ينافس ناصر على المركز، هو بعيد كل البعد عن ذلك ، ومراد شارك في الثنائيات من نيفيز و سافيتش، ولعب متأخر مع كنو و سايمون، إلى الان كل ما قدمه هو اسوأ اداء للاعب وسط في الهلال، وتمر الايام، والمباريات، والفرص ، ومراد لا يتقدم خطوة أكيد ان المباراة فيها تفاصيل كثير نتعلم منها، لكن هذه اهم نقطتين كارثية أرى انها المفروض ما تتكرر، لان تكرارها بشكل مستمر مضيعة للوقت هاردلك لكل محبين الهلال خصوصا العشاق اللي سافروا الدوحة الله يعوضكم بليالي اجمل في قمم أهم💙