Deepaksays

అనంతపురం జిల్లా, రాప్తాడు జిల్లా పరిషత్‌ ఉన్నత పాఠశాలలో పదవ తరగతి విద్యార్థినిపై ఏకంగా తరగతి గదిలోనే పిల్లలంతా చూస్తుండగానే అత్యంత అనాగరికంగా చైన్ రంపంతో జరిగిన దాడి, రాష్ట్రంలో ఈ వెన్నుపోటు పార్టీ ప్రభుత్వంలో పూర్తిగా దిగజారిన శాంతి భద్రతలు జంగిల్‌రాజ్‌కు అద్దం పడుతోంది. ఒక దుండగుడు యథేచ్ఛగా ప్రభుత్వ పాఠశాలలోకి చొరబడి, తరగతి గదిలో బాలికపై ఇంత దారుణంగా ఎలా దాడి చేయగలిగాడు? విద్యా సంస్థల్లో పిల్లలకు తగిన భద్రత కల్పించడంలో వెన్నుపోటు పార్టీ ప్రభుత్వం ప్రదర్శిస్తున్న తీవ్ర నిర్లక్ష్యానికి ఈ ఘటన ఒక నిదర్శనం. ఆ దాడిని అడ్డుకునేందుకు ప్రయత్నించిన మరో విద్యార్థిని కూడా గాయపడటం అత్యంత దురదృష్టకరం. పాలనను పక్కన పెట్టి రాజకీయ కక్ష సాధింపులు, ‘రెడ్‌ బుక్‌’ పాలనకే ప్రాధాన్యం ఇస్తే, నేరస్తులు ఇలాగే చట్టమంటే ఏ మాత్రం భయం లేకుండా చెలరేగిపోతారు. గాయపడిన విద్యార్థినులకు అత్యుత్తమ వైద్య సేవలందించాలి. వారి కుటుంబ సభ్యులకు పూర్తి భరోసా కల్పించాలి. దాడికి పాల్పడిన వ్యక్తిని వెంటనే అరెస్టు చేసి, పారదర్శక దర్యాప్తు ద్వారా న్యాయస్థానం ముందు నిలబెట్టాలని డిమాండ్‌ చేస్తున్నాం. రాష్ట్ర వ్యాప్తంగా పాఠశాలల భద్రతా విధానాలను అత్యవసరంగా సమీక్షించాలి. ఈ ఘటనకు @ncbn, @naralokesh పూర్తి బాధ్యత వహించాలి. #CBNJungleRaj