د.نايف العيسى التميمي

قبل تستخدمون ابر الاوزمبك اقروا الثريد اللي تحت عشان تستفيدون من وجهة نظر تجميلية!خططوا كويس عشان تخففون من حدة وجه الاوزمبك اللي ممكن يصير

هذي ردة فعل قوية جدا بالصورة و احتمال تكون شرى Urticaria و الليزر قام بحثها. الانتفاخ اللي نشوفه بعد الليزر يكون اخف حده من كذا ودليل استجابه عند بعض البشرات وليس الجميع وعدم حدوثه لا يعني ان الليزر ما اشتغل او غير فعال 👍🏻

اوّل واهمّ خطوة تسوينها كامرأة عشان صحة شعرك وعشان صحتك: زوري طبيب/ة عائلة تأكدي ما عندك فقر دم نقص الحديد!!!!!!!! ثاني خطوة : اذا بالعائلة اشخاص عندهم صلع (الرجال صنادح والنساء يخف شعرهم اذا كبروا بالعمر): استخدمي مينوكسيدل موضعي على شعرك كل يوم حتى تتم الخطوة ٣. ثالث خطوة: احجزي موعد مع طبيب جلدية!

كريم مبيض ممتاز يستخدم فقط على البقع الداكنه وراح يفتحها. الاشياء اللي لازم ننتبه لها: أقول لمرضاي بالعيادة لا يستمرون عليه اكثر من ٣-٤ اشهر. السبب انه ممكن لا سمح الله يسبب تصبغات عكسية مثل الصور. وعلاجها صعب جدا. عشان كذا لازم يتوقف المريض فترة كل ٣ او ٤ شهور.

#هجرة_الفيلر: #فيلر_الشفايف من اكثر الاماكن اللي تصير له مشكلة الهجرة. تشريحيا مافيه فاصل بين جزء الشفة اللي بالجلد وجزء الشفة الموجود بالاغشية المخاطية (الاحمر). وهجرة #الفيلر اسبابها متعددة منها طريقة الحقن و كمية الحقن (او الحقن المكرر المبالغ فيه) و كثافة الفيلر المستخدم. اللي يصير ان الشفة منطقة حركية عاليه و الضغط من الحركة(الكلام)يزود داخل الشفة ويضطر الفيلر يتحرك عشان يروح لمكان الضغط فيه اقل. عشان كذا زيارة طبيب #جلدية و #تجميل عنده خبرة مهم جدا عشان يقلل من احتمالية حدوثها قدر الامكان بالتحكم باسلوب الحقن ونوع الفيلر وكميته.

تشقق القدمين حاله شائعة سببها الجفاف وعدم العناية بالقدمين. الترطيب المستمر مع استخدام كريمات ومنتجات تقشير(يفضل تحتوي على اليوريا او حمض السالسلك) جزء مهم من العلاج. احيانا تكون هناك طبقة غليظة جدا محتاجه ازالة بالعيادة عشان المنتجات الموضعية توصل

منتجات الترطيب بالاضافة الى مقشرات اللي تحتوي على Salicylic Acid و الأكرتين. الترطيب مهم جدا الاستمرار فيه. والمقشرات تكون مستمر عليها كل فترة. الابتعاد عن الاحتكاك بالركب (استخدام سجادة غليظة وتجنب الجلوس على الركب). حاجه مهمة جدا: الفرك بالسكرب اذا تم استخدامه لازم يكون خفيف لان الفرك القوي يسبب تصبغات و اسمرار عكسي. اذا صارت حساسية واحمرار من المنتجات توقف مؤقتا عن المقشرات كم يوم واستخدم فقط مرطبات بكثافة. اجراءات اخرى: التقشير الكيميائي وبعض انواع الليزر ممكن تساعد.

الهالات علاجها يختلف حسب مسببها. اذا الهالات سببها خسارة بالحجم وتراجع العظم مع التقدم بالعمر هذي تحتاج فيلر (يحقن عند طبيب متدرب متمكن لتفادي الحقن الخاطئ و هجرة الفيلر وتكون الاكياس تحت العين). اذا الهالات سببها ترهل شديد يتم استخدام نوع معين من انواع الليزر لشدّها باعدادات معينة او تحويلها لجراحة الاجفان السفلية اذا المريض يختار حل جراحي. اذا الهالات سببها لون (وهذا حلها اصعب قليلا) يمكن استخدام كريمات موضعية و احيانا نستخدم الليزر او حُقن حمض الترانكسيمك بفعالية متفاوته وحسب حالة المريض. طيب يا دكتور وش ممكن اسوي الين ما اشوف طبيب التجميل؟ خيارات متعددة من ضمنها الكريم اللي فوق او اي منتج موضعي يحتوي على مضادات اكسدة مثل فيتامين سي او Kojic Acid او Tranexamic acid او Niacinamide والافضل اذا كان كريم يحتوي على اكثر من ماده منهم.

مو اي حبوب بالوجه هي حب شباب. الاكزيما الدهنية هي نوع من انواع الاكزيما اللي تصيب الوجه والفروة. من اشكالها تكون اما قشرة فقط او تكون حبوب مماثلة لحب الشباب وعادة حوالين الانف والفم وعلى الحواجب. (الصور للتوضيح). عادة تستجيب لكريمات او شامبو مضادات الفطريات (النيزورال). او الشامبو المضاد للقشرة. الصور للتوضيح. عشان كذا زيارة طبيب جلدية وتجميل متمكن مهمه جدا للتشخيص اولا وايجاد الحل المناسب.

انك تخلي البشرة بهالشكل هي رحلة. الرحلة هذي تتضمن تجربة منتجات مختلفة مع الوقت - اما غسولات خفيفه او مقشرة بمركبات فعالة مختلفة بالاضافه لمرطب بكثافة تناسب نوع البشرة ومنتجات تفتيح موضعية بمركبات ايضا مختلفة- لان كل بشرة لها طبيعة معينه وكل جسم له رد فعل يختلف مع كل منتج يستخدمه. الافضل برأيي ان تكون باشراف طبيب جلدية عشان يساعد المريض انه يتفادى المشاكل اللي ممكن تصير( اما حروق او تحسس بشكل كبير او يتدخل بسرعة اذا حب الشباب اخذ منعطف حاد لاي سبب كان). وايضا ممكن انه يتدخل باجراءات ليزر واللي اشوف انها ضرورية جدا على المدى البعيد للمحافظة على بشرة صحية ومنع التجاعيد و الاثار و التصبغات.

زيت اكليل الجبل كما وردت في دراسة واحده انه لا فرق بينه وبين محلول مينوكسيديل ٢٪ من ناحية تحسن تساقط الشعر. لكن يجب الاخذ بالاعتبار ان مينوكسيديل تركيز ٢٪ انا ما استخدمه بالعيادة ابدا لان تاثيره هو الاقل. لكني استخدم تركيز ٥٪ للنساء والرجال وتاثيره افضل وعادة يبدا بعد ٣ شهور. الافضل بالنسبة لتساقط الشعر الوراثي لدى الرجال والنساء واللي انا استخدمه شخصيا هو المينوكسيديل عن طريق الفم وجميع مرضاي يحبونه ويبدون يشوفون الفرق بعد شهر واحد.

لا مانع من استخدامهم سوا اذا كانت البشرة تتحمل. المنتجين كلاهما يسببون تحسس للجلد كما ينبغي (يعني ينشف الجلد وهذا جزء من تأثيره العلاجي عشان يمنع الحبوب). احيانا البشرة ما تتحمل ان كل المنتجين يتم استخدامهم مع بعض. عشان كذا انصح المرضى اما انهم يفصلون بينهم بنفس اليوم (بانوكسل الصباح وجلايكولك اسيد المساء) او ممكن تبدل بين استخدامهم يوم ورا يوم. اذا البشرة دهنية جدا و قادرة تتحمل المنتجين عليك بالعافيه! اما مادة فعالة ومادري ايش كلام غير مترابط وليس دقيق بالفيديو. (يمكن الشخص غير مؤهل او الهدف اعلان للصيدلية!). حب الشباب مرض من امراض الجلدية. #اختر_طبيبك_بذكاء وامش معاه تجربون منتج ورا منتج لين توصلون للمنتجات اللي تقدر تتحكم بحب الشباب عندكم! ولو لا سمح الله تفاقمت الحالة طبيب الجلدية حقك حيكون جاهز انه يعطيك حبوب او يسوي اجراءات تخفف من هجمات حب الشباب ومن اثارها.

١- جميع النساء لازم يتابعون مع طبيب عائلة لان اذا جسمك سليم بيصير شعرك سليم. اطباء العائلة بدورهم راح يسوون فحوصات روتينية عشان يتاكدون ان ما عندك فقر دم او مشاكل بالغدة الدرقية (فقر دم نقص الحديد سبب شائع لتساقط الشعر ). ٢- فيتامينات مكملة مثل البيوتين لكن يجب الاخذ بالاعتبار الجرعة اليومية وعدم تجاوز الحد الاعلى. ٣- اذا كان فيه تاريخ مرضي بالعائلة للصلع الوراثي(لدى الذكور يكون صلع نمطي بينما لدى الاناث يكون الشعر خفيف في هامة الرأس) يجب مراجعة طبيب جلدية لمحاولة ابطاء تساقط الشعر الوراثي اما عن طريق استخدام بخاخ المينوكسيديل او خيارات اخرى مثل حبوب تؤخذ عن طريق الفم. ٤- تساقط الشعر المؤقت قد يكون بسبب كورونا او مرض شديد تطلب الدخول للمستشفى او حتى ضغط نفسي كبير. هذا الشعر يرجع ينمو بعد زوال المسبب. البلازما و بخاخ المينوكسيديل قد يكون نافع لسرعة نمو الشعر من جديد.

راح اعلق بموضوعية على النصائح لاني ما سمعتها تقول هذا سبب ان بشرتها كذا. بالاضافة انه ما نقدر نقيم بشرتها من فيديو عشان الفلاتر والميك اب اللي حاطته + احتمالية انها مسوية علاج بالليزر للبشرة او حتى ابر نظارة. ١) غسول لاروش بوساي : اذا قصدها ال Effaclar رائع جدا كغسول يومي تقشيرة خفيف جدا ويمنع حب الشباب للبشرات المعرضة لحب الشباب. ٢) كريم هايكوين ٤٪ : كريم يحتوي على مبيض. يستخدم للتخفيف من التصبغات. نصيحتي لمرضاي بالعيادة ما يستخدمونه لاكثر من ٣ اشهر مستمرة (لازم فترة توقف) والسبب انه ممكن يسبب نتايج عكسية بتصبغات دائمة اذا استخدموه اكثر من هالمده. ايضا هالكريم المفروض يستخدم على التصبغات فقط وما يستخدم على الجلد اللي لونه طبيعي. ٣) فيتامين C: رأيي الشخصي ممتاز كـ Serum بسبب فعاليته المضادة للاكسدة وممكن يخفف من التصبغات. اذا بتاخذ فوار ممكن يؤخذ لكن ضروري الالتزام بحد الجرعه اليومية اللي محتاجه الجسم عشان ما ترتفع ويسبب تسمم فيتامين سي. (الاحتياج اليومي ٧٥مج للمرأة و ٩٠مج للرجل. الحد الاعلى ٢٠٠٠مج للسليمين و ١٠٠٠مج للي عندهم امراض بالكلى او الكبد). #اختر_طبيبك_بذكاء

طبعا لازم واقي الشمس يترك على البشرة! نقاط لازم تعرفها عن واقي الشمس: ١. مفعوله يمتد الى ساعتين بالكثير ولازم اذا الشخص بالشمس يرجع يحطه مره ثانيه. ٢. اذا واقي الشمس غير مقاوم للماء عند الخروج من المسبح او البحر لازم تحطه من جديد. ٣. استخدام SPF 30 على الاقل. الدراسات لم تثبت فرق بين واقيات الشمس اكثر من ٣٠ في منع سرطان الجلد لكن وجدوا انه كل ما ارتفع الرقم صارت نسبة حدوث حروق الجلد اقل. انا شخصيا استخدم ٥٠. ٤. يوجد واقيات شمس معها لون داكن لاصحاب البشرة الداكنة اللي ما يحبون البياض اللي يتركه واقي الشمس العادي. ٥. البراند المفضل عندي isdin واستخدمه شخصيا. ايضا Neutrogena عندهم واقيات شمس بدرجات حسب لون بشرتك زي كريم الاساس. – at New York, NY

عملية شفط دهون الذقن رائعة وفعالة. لكن يجب التنويه ان فيديو المريضة هنا قبل الاجراء كان بعد حقنها بالتخدير الموضعي (عشان كذا الذقن منتفخ ومبين ضخم لهالدرجة لانه مليان ومحقون بكمية كبيرة بالتخدير الموضعي عشان ما تحس بشي) لكن صورتها قبل التخدير ما كانت موجودة يعني هذا قبل وبعد مغشوش يبغاله كرت احمر. شوف الصور تحت من فيديو في النت وحدة قبل بداية الحقن التخديري والثانية بعد التخدير فقط يعني حتى ما بدوا شفط دهون للحين. المفروض اسوي هيئة مكافحة الغش التجميلي في تويتر 😂 – at New York, NY

لازم نفهم كل أثر وكيف نقدر نتخلص منه! مافيه علاج موضعي او جهاز يعالج كل شي بنفس الفعالية. كل نوع من انواع الاثار له طريقة فعاله انها تحسن منها. تقسيمة الاثار اللي تصير على البشرة: ١) تصبغات. ٢) ندبات. التصبغات لها انواع وكذلك الندبات لها انواع حسب العمق والشكل والسبب. التصبغات: كريمات التفتيح والتقشير بوصفة طبية تساعد على سرعة التخلص منها. بعض انواع الليزر الحديثة تساعد في انواع التصبغات كذلك (يعتمد على عمق التصبغات) والتقشير الكيميائي ايضا. الندبات: فيه انواع منها وكل نوع يستجيب بطريقة مختلفة بعضها صعب جدا التخلص منها لكن بالامكان تحسينها والبعض يتحسن كثير. طبعا للندبات مافيه علاج موضعي فعال افضل طريقة هي الليزر(اختيار الجهاز يكون على حسب نوع الندبات + طبيعة بشرة المريض). * تذكر: فهم الخطة العلاجية نصف العلاج. * تذكّر: قد ماهو مهم ان السيارة في السباق تكون سريعه الأهم ان السوّاق ماهر ويعرف يستخدمها عشان يفوز في السباق. الليزر كذلك محتاج طبيب ماهر عشان يجيب نتائج! #اختر_طبيبك_بذكاء #ليزر #جلدية #تجميل