Kunta Kinte

#UPDATES_KESI_YA_UHAINI Part 350 Upande wa Jamhuri wanaendelea kumfanyia cross examination, Naibu Katibu Mkuu wa CHADEMA Amani Golugwa Katuga: Utakuwa hujui aina za vikao vya aina za Chama. Golugwa: Ukitaka nikuelezee utofauti wa hilo utaelewa. Katuga: Lakini neno vikao vya Uchaguzi halipo na aina mbili hazipo. Golugwa: Kwa maana ya maneno hayo hapo hayapo lakini ukitaka kuelewa utaelewa na nitakuelewesha. Katuga: Umesema kwenye ushahidi wako neno Ushenzi mara nyingi sana. Kwahiyo ni sahihi wewe ni shahidi wa Ushenzi. Golugwa: Mimi ni shahidi niliyeelezea Ushenzi wa kweli uliofanyika kwenye chaguzi mbalimbali. Katuga: Mtu atakaetoa hoja specific atalazimika kuithibitisha kwa mujibu wa kifungu cha ushahidi? Golugwa: Mimi sio mwanasheria. Katuga: Hivi ulikuwa na wajibu wa kupokea report za kanda zingine? Golugwa: Niliratibu makatibu wa kanda zingine kujua maendeleo yao na sio kuzipokea. Katuga: Ulisema Freeman Mbowe alisema hatutakuwa tayari kwenda kwenye uchaguzi mwingine wowote kabla ya mabadiliko ya mifumo ya Uchaguzi? Golugwa: Alisema ndio. Katuga: Mbowe alisema hamtakuja kushiriki uchaguzi hadi hayo mabdiliko yafanyike kuna lingine tofauti? Golugwa: Niliyoyasema unayajua. Ingawa alisema mengi. Katuga: Maneno kwamba huu uchaguzi tunaenda kuuzuia kwenye maneno ya Mbowe yapo? Golugwa: Hayapo. Katuga: Tunaenda kukinukisha. Yapo au hayapo? Golugwa: Ukitaka neno hilo hilo hutaliona. Katuga: Shahidi Mwema sasa nisikilize Golugwa: Mimi mwema kwako. Hakuna wema wowote. Mimi sio shahidi mwema. Una roho mbaya hauwezi kusema mimi ni shahidi mwema. Katuga: Ni haki ya Kikatiba kushiriki uchaguzi? Golugwa: Ni haki. Katuga: Sio haki kumlazimisha mtu pia kushiriki uchaguzi na kumlazimisha ni kosa kisheria? Golugwa: Sasa kuwa kosa kisheria hapo ndio siwezi kusema. NB. NAAMBIWA NA WAKILI HAPA KUWA TOKA ASUBUHI HAYA MASWALI YA JAMHURI SIO KESI NI SIASA TU. Kesi ni Uhaini wa Kuchapisha na Kusambaza na kuitisha Serikali. Huko hatujafika kabisa. Katuga: Kwahiyo hizi Haki tulikuwa tunazungumzia za Katiba ya Chadema au ipi? Golugwa: Kwamba ulikuwa hujui tunazungumzia katiba gani? Ni ya Jamhuri ya Muungano wa Tanzania. Katuga: Jana ulisema kuwa wasimamizi wa Uchaguzi walishirikiana na wagombea wa CCM kubadili fomu za wagombea wa chadema, je ulikuwepo au hukuwepo? Golugwa: Nilikuwepo Katuga: Jana ulieleza mahakamani kama ulikuwepo ofisi yoyote ya uchaguzi na ukashuhudia msimamizi wa uchaguzi akibadili fomu ya mgombea wa chadema? Golugwa: sikusema Katuga: Je ulitaja jina la mtendaji au msimamizi wa uchaguzi aliyekuwa anabadili fomu za wagombea wa chadema? Golugwa: sikumtaja Katuga: Halafu unasema mimi nina roho mbaya? Golugwa: Ni kweli una roho mbaya na sura pia mbaya Watu kicheko😂😂😂😂😂 Katuga:Jana ulisema kuwa wasimamizi wa uchaguzi walikuwa wanafunga ofisi ili wagombea wa chadema wasipokelewe fomu zao, ulitaja ofisi au jina la msimamizi wa uchaguzi? Golugwa: Nilitaja matendo yao hao wasimamizi wa uchaguzi Katuga: Jana ulisema kuwa mawakala wa chadema hawakukuta viapo vyao kwenye vituo vya kupiga kura, na mawakala wa CCM pekee ndio walipewa viapo, uliiambia mahakama wakala fulani wa chadema hakukuta kiapo? Golugwa: Nilielezea matukio yote kwa ujumla ambayo mawakala wetu mambo ya kishenzi waliyokuwa wanafanyiwa na wasimamizi wa uchaguzi Katuga: Umesema wewe huna taaluma ya sheria lakini uligusia sheria za uchaguzi? Golugwa: Nilizigusia Katuga: Ulizigusia Kanuni zilizotungwa na waziri wa TAMISEMI? Golugwa: Nilizitaja na nikasema zilitungwa na mkwe Katuga: Ulitaja mapungufu ya Kanuni hizo? Golugwa: Sikuainisha moja moja ila nilitaja kwa ujumla Katuga: Chadema ilishiriki uchaguzi wa 2025? Golugwa: Haikushiriki Katuga: Ni sahihi kuwa Chadema haikushiriki kwasababu ya No Reforms No Election Golugwa: Ni sahihi na huo ndio msimamo wa Mkutano Mkuu mpaka leo Part 351 itaendele kwenye post inayofuata, Naomba Repost yako.

#UPDATES_KESI_YA_UHAINI Part 315 Jamhuri wanaendelea kumfanyia Cross examination Katibu Mkuu wa Chadema John Mnyika. Katuga: Mwenyekiti Lissu ana utii kwa Jamhuri ya Muungano wa Tanzania. Mnyika: Sijui Katuga: Yeye ni raia wa Tanzania. Mnyika: Ndio Katuga: Ulikuwa unaufuatilia Mkutano? Mnyika: Upi? Katuga: Huo wa tarehe 03 Mnyika: Sehemu kubwa niliufuatilia. Katuga: Je watia nia wote walifika? Mnyika: Sio wote ila siwezi kujua idadi ya waliofika. Katuga: Madhumuni ya kuwaita watia nia ni yapi? Mnyika: Kuwaeleza watia nia kama viongozi na wanachama kuwaonesha kwanini chama kilifikia msimamo wa No Reforms: No Election. Katuga: Waliandika waraka wa kutaka kugombea? Mnyika: Hapana, huo una maelezo yake. Katuga: Aliyemualika Mwenyekiti wa Chama ni nani? Mnyika: Alimpigia Amani Golugwa kumualika Mwenyekiti. Katuga: Akimualika Mwenyekiti? Mnyika: Alimualika Mwenyekiti na viongozi wengine. Katuga: Ulisema tulimuandikia risala ya kuja kuzungumza? Mnyika: Hilo sijasema. Katuga: Je nyinyi sekretarieti ndio mliyemuandikia cha kwenda kuzungumza. Mnyika: Msimamo huo ulishakuwepo zamani. Katuga: Hamjamuandikia risala? Mnyika: Mwenyekiti hatoi risala, Mwenyekiti anatoa hotuba inayoendana na maamuzi ya Chama. Katuga: Kwahiyo unamsemea? Mnyika: Namsemea kwasababu alichokisema ni msimamo wa Chama na alichokuwa anakisema pale ilikuwa ni kwa niaba ya Chama. Katuga: Kwenye hiyo Hotuba ile sehemu ya kwamba majaji ni maccm uliisikia? Mnyika: Sikusikia. Katuga: Mapolisi wanaingia na vibegi vya kura? Mnyika: Nilisikia Katuga: Tutaenda kuzuia uchaguzi Mnyika: Nilisikia Katuga: Tutahamasisha uasi? Mnyika: Nilisikia, hotuba nzima na alifafanua. Katuga: Kama hiyo hotuba umeileta hapa Mahakamani? Mnyika: Nimeileta kwa maelezo yangu ya mdomo. Katuga: Katiba yetu ya Chadema inatambua Demokrasia ya Vyama vingi si ndio? Mnyika: Ndio Katuga: Uchaguzi Mkuu upo kisheria. Mnyika: Uchaguzi mkuu halali. Katuga: Uko timamu shahidi? Mnyika: Wewe uko timamu? Katuga: Uchaguzi Mkuu wa Wabunge na Rais upo kisheria? Mnyika: Uchaguzi halali na wa haki upo kisheria. Katuga: Uchaguzi wa wabunge madiwani na Rais upo kisheria? Mnyika: Haupo muda wote. Bali unaitwa kwa mujibu wa sheria. Katuga: Unajua Uchaguzi Mkuu uko Kikatiba? Mnyika: Haupo bali umewekwa kwa mujibu wa Katiba. Katibu Mkuu wetu Mnyika anagonga kwenye ugoko tu mpaka Mzee wa Multiple choice anavuja jasho wakati feni iko on.😂😂😂 Jaji Ndunguru kwahiyo umeuliza nini? Mhe. Lissu: Swali limeulizwa na limejibiwa. Katuga: Uchaguzi mkuu unaexist kwa mujibu wa Katiba? Mnyika: Umewekwa kwa mujibu wa Katiba. Katuga: Nitakuwa sahihi nikasema kwakuwa uchaguzi huo upo kikatiba Una haki ya kuamini kuchaguliwa na kushiriki uchaguzi huo? Mnyika: Ukiwa huru haki na halali. Katuga: Kwa mujibu wa Katiba ya Chadema mtu yeyote ana haki ya kushiriki kwa Chama chochote mbali na Chadema kushiriki uchaguzi wa haki na halali. Mnyika: Kwenye uchaguzi wa haki na halali ana haki ya kushiriki. KAZINI KWA KATUGA LEO KUNA KAZI. ANACHEKACHEKA TU. Katuga: Kwahiyo haki anayo au hana? Mnyika: Ukiitishwa uchaguzi huru na haki. Katuga: Demokrasia ya Vyama vingi ni haki kwa mwanachama wa Chadema kuuzuia uchaguzi uliopo Kikatiba? Mnyika: Katiba ya Chadema inatoa wajibu kwa wanachama kupambana na ukandamizaji wa kila aina ikiwemo uonevu. Kwahiyo ni Haki kwa Mwanachadema kupinga uchaguzi wa hovyo. Katuga: Muasisi alikuwa Mbowe ulisema wa No Reforms: No Election? Mnyika: Muasisi sio mtu ni kikao. Katuga: No Reforms: No Election ulitafsiri vipi? Mnyika: Bila Mabadiliko hakuna Uchaguzi. Katuga: Kwenye hayo maneno kuna neno kwamba tutahamasisha uasi? Mnyika: Hakuna hayo maneno ila huo uasi ni maana ya huo msimamo wetu. Katuga: Ila ya nini tena? Mnyika: Usikasirike sasa, mimi akupa maudhui Mnyika leo kaamua kumpandisha Katuga kisukari mpaka amekasirika 😂😂😂😂😂 Part 316 itaendelea kwenye post inayofuata, Naomba Repost

#UPDATES_KESI_YA_UHAINI Part 312 Katibu Mkuu wa Chadema anaendelea kutoa ushahidi wake. Mnyika : Matendo aliyotuhumiwa nayo hayajawahi kutokea na DPP alipeleka hati ya kutokuwa na nia ya kuendelea na kesi hiyo na kesi ilifutwa na Mwenyekiti Mbowe alikutana na Rais Ikulu. Toka kuwa mtuhumiwa wa UGAIDI hadi MAPOKEZI IKULU. Watu wanacheka.😂😂😂😂😂 Na Lissu anasema kwa kejeli kwamba na Mimi itakuwa hivyo hivyo?😂😂😂 Mhe. Lissu: Hayo makesi yote na hii yangu vina uhusiano gani? Mnyika: Hizi kesi zote ni mwendelezo wa kupambana na Chadema kwa kutumia Mahakama kukwamisha mapambano ya kudai demokrasia ya kweli na mabadiliko katika mifumo ya Uchaguzi. Haya ni matumizi yasiyo ya haki dhidi ya wapinzani ambao ni CHADEMA kutoka kwa Chama dola ambao ni CCM. Lengo lao ni kukwamisha mabadiliko tunayohitaji. Hivyo huu ni mwendelezo wa mambo mabaya ambayo yamekuwa yakifanywa na hawa serikali dhalimu. Anataka kusimama Ajuaye. Mhe. Lissu: Subiri namaliza muda sio mrefu. Umenifahamu lini? Mnyika: Toka 2003 tukiwa wote kwenye sekretarieti, baadae Kamati Kuu na Baadae Bungeni miaka 23 nakufahamu. Mhe. Lissu: Huyu mtu ni mtu wa aina gani ambae umemfahamu kwa miaka 23? Mnyika: Toka mwaka 2003 tulipoenda kule Kwembe, nimekufahamu kama mtaka mabadiliko, ni mtu mkweli ambae siku zote umekuwa ni mtu unayetaka mabadiliko. Mimi naamini MASHITAKA HAYA NI GHARAMA UNAYOLIPA KWA KUWA MKWELI NA KUTAKA MABADILIKO NDANI YA TAIFA HILI. Mhe. Lissu: Mheshimiwa Jaji nimemaliza kwa shahidi huyu. Maneno aliyomalizia JOHN JOHN MNYIKA yamewafanya akina Mama waliopo humu MAHAKAMANI WATOE MACHOZI. Yamekuwa ni maneno mazito sana na yenye ujumbe mzito, watu wamesikitika sana.🥹 Majaji wanaandika na kwa muda tulionao. Tutakwenda break na kurudi kwenye Cross Examination ya upande wa Jamhuri. Naomba Repost yako.

#UPDATES_KESI_YA_UHAINI Part 310 Katibu Mkuu wa Chadema anaendelea kutoa ushahidi wake. Mhe. Lissu: Kitu gani kilitokea baada ya mimi kukamatwa na kushitakiwa kwa uhaini? Mnyika: Siku ile ile Tar. 09/04 zilisainiwa nyaraka za kukishitaki Chama na kutaka kizuiwe kufanya kazi zake na kesho yake Tar. 10/04 mahakama ilitoa zuio hilo la kukizuia chama kufanya shughuli zake na matumizi ya mali za Chama. Pia Msajili wa Vyama vya siasa alikuwa ametuandikia Barua ya kujieleza juu ya uhalali wa Katibu Mkuu wa Chama na Wajumbe wa Kamati Kuu ambao walikuwa wamethibitishwa kwenye Baraza Kuu na baada ya majibishano ya Barua. Aliandika barua na kusambaza kwa umma ya kutotambua uteuzi wa Katibu Mkuu, manaibu wake na sekretarieti ya Chama. Huyu Msajili pia alituandikia barua ya kuzuia Ruzuku ya Chama na kipindi hicho hicho Tar. 12/04/2025 Mkurugenzi wa Tume ya Uchaguzi na Mwenyekiti wa Tume ya Uchaguzi alisema CHADEMA haitaruhusiwa kushiriki uchaguzi kwasababu hajasaini fomu za maadili ya Uchaguzi. Mhe. Lissu: Nini kiliendelea? Mnyika: Msajili alituandikia barua ya kutaka maelezo kuhusu kauli za Mwenyekiti hizo za Tarehe 03/04 na aliandika Sisty Nyahoza kwa niaba ya Msajili wa Vyama vya siasa. Mhe. Lissu: Barua ya Sisty ilisemaje kuhusu uhaini wa maneno ya Mwenyekiti Lissu? Mnyika: Hakukuwa na chochote kwenye barua ya Sisty kuhusu maneno ya Mwenyekiti kuwa ni ya kihaini? Mhe. Lissu: Ulichukua hatua gani baada ya hapo? Mnyika: Tuliwaandikia majibu kuwa jambo hilo tayari linashughulikiwa na mamlaka nyingine kwahiyo tusubiri matokeo ya mamlaka zingine. Mhe. Lissu: Umesema ni mashitaka ya uongo waeleze Majaji kwanini? Mnyika: Umetuhumiwa kwa uhaini kusema maneno ya kawaida ya kisiasa, wanasema uliitisha mkutano wakati hukuitisha wewe niliitisha mimi na sekretarieti, unatuhumiwa kuchapisha maneno hayo wakati maneno hayo hukuchapisha wewe walichapisha waandishi wa habari. Unatuhumiwa kwa kuwa na nia ya kutenda kosa hilo wakati ulichokifanya ni kutekeleza maazimio ya vikao halali vya Chama na kwanini utuhumiwe peke yako na sio na viongozi wengine. Unatuhumiwa kuhamasisha watanzania kutumia mamlaka yao kudai uchaguzi huru, haki na halali dhidi ya wanaoasi na kuhaini mamlaka ya wananchi ya kuchagua viongozi wanaowataka. Baada ya hili jibu watu wote wametabasamu. 😂😂 Na mimi nimeanza kutafakari Rozali aliyovaa John Mnyika, nitakuletea uchambuzi wake muda sio mrefu kutoka kwa mseminari niliyenae hapa. Mhe. Lissu: Unafahamu vitendo ambavyo nimewahi kufanyiwa kihistoria? Mnyika: Nafahamu umefunguliwa makesi mengi toka utawala wa Rais Mkapa, Kikwete, Magufuli na Samia. Na nakumbuka Tar. 11/08/2024 tulipigwa na kufanyiwa matendo mabaya na jeshi la Polii, sina neno zuri la kuelezea lakini tukiwa ofisi za Chadema Mbeya walituvamia na kutupiga na kuturudisha Dar es salaam, waliongozwa na kamanda wa oparesheni Awadhi na RPC. Walinisafirisha hadi Njombe na baadae hadi Dar es salaam na waliponifikisha Dar es salaam nikiwa nimejeruhiwa waliniambia nijidhamini na wakaninipeleka hadi nyumbani na kwakuwa nilikuwa nimeumia nikaenda hospitali kwa ajili ya matibabu. Mhe. Lissu: Nini kiliendelea kwangu mimi na Sugu ambae unasema pia ilikuwaje? Mnyika: Na nyie mlisafirishwa hadi Dar es salaam. Sasa nimemaliza kuelezewa maana ya rozali aliyovaa Katibu Mkuu wa Chadema. Pata huu uzi wakati Majaji wanajadiliana jambo kidogo. Pale Kizimbani JOHN JOHN MNYIKA. Shahidi Na. 02 wa Utetezi anaonekana amevaa kitu kama Rozali hivi ina msalaba lakini sio Rozali ya kawaida. Nimemuuliza mchambuzi mmoja hapa anasema: Rozali ile ni rozali za shirika la wafransisko wanazovaa wakatoliki (Franciscans) Unaambiwa Kuna aina maalumu zinazohusishwa na utamaduni wao wa Kifransisko, ingawa si kwamba kila rozari ya Kifransisko ni tofauti kabisa na Rozari Takatifu ya kawaida. Part 311 itaendelea kwenye post inayofuata, Naomba Repost yako.

#UPDATES_KESI_YA_UHAINI Part 309 Katibu Mkuu wa Chadema anaendelea kutoa ushahidi wake. Mhe. Lissu: Kuhusu Jumuiya ya Kimataifa je? Mnyika: alitembelea balozi mbalimbali ikiwemo ubalozi wa Marekani. Sina orodha yote hapa. Mhe. Lissu: Ikawaje? Mnyika: Baadae tuliitwa ofisi za Msajili wa Vyama vya Siasa hapa Dar es salaam. Tulipofika tukamueleza maana ya No Reforms, No Election na tukamueleza kama oparesheni yetu hiyo inaendana na sheria za vyama vya siasa. Maana alituhoji kutaka kujua maana ya No Reforms: No Election. Msajili wa Vyama vya siasa akasema haoni shida yoyote ya kisheria na baadaye akaja kutoa kauli kwa umma mbele ya vyombo vya habari Tarehe 10/02/2025 kuwa No Reforms: No Election ni kauli mbiu ya kisiasa haikiuki sheria yoyote. Mhe. Lissu: Hiyo Tarehe 17/03/2025 nje ya Delegation yako nani mwingine alihudhuria? Mnyika: Namkumbuka Sisty Nyahoza? Mh. Lissu: Shost Nyahoza? Mnyika: Anarudia mara nne nne.. Sisty Nyahoza, Sisty Nyahoza. Mhe. Lissu: Nilisikia vibaya kama umesema Shost Nyahoza. Basi sawa, waeleze Majaji utekelezaji wa maazimio kwa upande wa umma ilikuwaje? Mnyika: Tulipanga Mikutano ya Hadhara kanda ya Nyasa yenye mikoa ya Mbeya, Iringa, Njombe, Songwe na Rukwa na mkutano mkubwa wa ufunguzi ulifanyika Mbeya Tar. 23/03/2025. Mhe: Lissu: Hiyo Ziara ilikuwa hadi lini? Mnyika: Iliendelea kuanzia hiyo Tar. 23/03 hadi Tarehe 02/04 tulipopanga kikao na watia nia wa uchaguzi wa Chama. Mhe. Lissu: Nini kiliendelea baada ya Mkutano wa watia nia? Mnyika: Tulipanga ifanyike Mtwara, Lindi na Ruvuma. Misafara ya maandalizi ikaanza. Makamu Mwenyekiti wa Chama John Heche alikuwa mmoja wapo hadi Tar. 09/04 kule Mbinga, Ruvuma. Mhe. Lissu: Sasa ule mkutano na watia nia ulikuwa na utofauti gani na mikutano mingine ya hadhara? Mnyika: Msimamo wa Chama wa No Reforms: No Election na hoja zetu zilikuwa ni zilezile. Isipokuwa kabla ya Mkutano wa Tar. 03/04/2025 nilikuwa nimepokea waraka wa baadhi ya watia nia waliokuwa na mapendekezo ya kutaka chama kibadili msimamo wake. Kwahiyo katika mkutano wa Tar. 03/04/2025 hoja hizo hizo zilizosemwa kwenye mikutano ya hadhara zilitumika kutoa majibu na kukumbusha juu ya msingi wa msimamo wa Chama wa No Reforms: No Election. Mhe. Lissu: Nafikiri nikurudishe tena kwenye hayo maneno wanayosema ni uhaini wewe unaelewa nini? Mnyika: Hayo ni maneno ya kisiasa yanayotumika kuhamaisha umma ili ukatae kwa maana ya kuasi, umma uone uchaguzi una uozo mkubwa, unanuka na umma uwezo kukataaa. Uchaguzi uweze kuharibika, na umma uchukue hatua za kuzuia uchaguzi usio wa halali. Mhe. Lissu: Waeleze Majaji baada ya huo mkutano wa Tar. 03/04 ulilijulisha jeshi la Polisi kuhusu maneno hayo? Mnyika: Sijawahi kuwaambia chochote. Mhe. Lissu: Je ulitoa maelekezo yoyote kuhusu tuhuma hizi kwa maafisa wa Chama? Mnyika: Sikutoa kabisa. Mhe. Lissu: Je jeshi la Polisi limewahi kukuhoji chochote kuhusu maneno hayo? Mnyika: Sijawahi kuhojiwa lolote na jeshi la Polisi. Mhe. Lissu: Je una ufahamu wowote wa hatua alizochukuliwa yeyote kati ya wale waliokuwepo pale makao makuu? Mnyika: Hakuna mtia nia yeyote aliyekamatwa wala kuhojiwa na Polisi. Mhe. Lissu: Je ufahamu wako kuhusu hatua alizochukuliwa mwandishi wa habari yeyote? Mnyika: Sina taarifa za kwamba kuna mwandishi yeyote alichukuliwa hatua kwa jambo hilo kwa hiyo naweza kusema hakuna mwandishi aliyekamatwa wala kuhojiwa kuhusu kutenda makosa ya kusambaza na kuchapisha picha taarifa za mkutano huo. Mhe. Lissu: Unasema ulipanga huo mkutano, ulitoa pesa na kusimamia maandalizi yote. Walichukua hatua gani polisi dhidi yako? Mnyika: Hakuna hatua yoyote dhidi yangu au mtu mwingine yeyote ndani ya sekretarieti ambae alikamatwa au kuhojiwa kuhusu taarifa hizi au kuandaa mkutano na kikao hicho. Mhe. Lissu: Je kuna mtu yeyote aliyeshitakiwa kwa kushiriki mkutano, kupanga au kuhusika na mkutano huo wa Tar. 03/04 hayupo huyo mtu mwingine. Part 310 itaendelea kwenye post inayofuata, Naomba Repost yako.

#UPDATES_KESI_YA_UHAINI Part 308 Katibu Mkuu wa Chadema John Mnyika anaendelea kutoa ushahidi wake. Mhe. Lissu: Baada ya hapo nini kilitokea? Mnyika: Tarehe 10 December, 2024 tuliitisha Mkutano na waandishi wa Habari Makao Makuu ya Chama Mikocheni ambapo aliyekuwa Mwenyekiti wa Chama, Freeman Mbowe aliyatangaza maazimio hayo kwa umma. Mhe. Lissu: Nini kilitokea baada ya hapo? Mnyika: Chama kiliingia katika maandalizi ya Mkutano mkuu wa Chama na kupokea mpango wa chama kwa miaka mitano. Na Tar. 20/01/2025 nilipeleka taarifa ya Kamati Kuu kwa Baraza Kuu la Chama iliyopendekeza pamoja na mambo mengine maazimio yale 10 ikiwemo la No Reforms: No Election Mhe. Lissu: Ili iweje? Mnyika: Ili maazimio yale yasiwe tena ya Kamati Kuu bali yawe ya Baraza Kuu. Pia, Baraza Kuu liyapeleke kwenye Mkutano Mkuu ili maazimio hayo yawe ni maazimio ya Mkutano Mkuu wa Chama na sio ya Baraza Kuu pekeee. Na Baraza Kuu la Tarehe 20/01/2025 liliridhia mapendekezo yote mawili. Lissu: Baada ya Baraza Kuu nini kiliendelea? Mnyika: Tar. 21/01/2025 Niliwasilisha taarifa ya Baraza Kuu kwa Mkutano Mkuu juu ya utendaji wa Chama kwa miaka mitano. Na ndani ya taarifa hiyo nilipeleka mapendekezo ya Baraza kuu ambayo yalihitaji kwenda kupata Baraka za Mkutano Mkuu. Anaendelea JJ. Mkutano Mkuu kupitisha maamuzi ya kutaka kufanyika mabadiliko ya Kisheria na Kikatiba kabla ya Uchaguzi wa 2025 yenye kuwezesha kuwepo na uchaguzi huru na haki na kwamba bila mabadiliko hayo hakuna Uchaguzi. No Reforms: No Election. Mhe. Lissu: Nani aliyekuwa Mwenyekiti wa Vikao vyote hivyo? Mnyika: Mwenyekiti Freeman Mbowe wa wakati huo ndio aliongoza vikao vyote hivyo. Mhe. Lissu: Nini kilitokea baada ya Mkutano Mkuu kupitisha azimio hilo? Mnyika: Iliendelea agenda ya Uchaguzi Mkuu wa Chama ambayo iliendelea hadi Tarehe 22/01/2025 na katika Uchaguzi huo alichaguliwa Mwenyekiti Mpya wa Chama, Tundu Lissu na Makamu Wenyeviti Wawili ambao ni John Heche, Makamu Mwenyekiti Bara na Makamu Mwenyekiti Zanzibar Said Mzee Said. Mhe. Lissu: Mkutano Mkuu uliamua nini kuhusu utekelezaji wa maazimio yake? Mnyika: Utekelezaji uanze mara moja baada ya uchaguzi kukamilika. Mhe. Lissu: Nini kilifuata? Mnyika: Siku hiyo hiyo ya Tar. 22/01 Baraza Kuu lilikaa na Katibu Mkuu wa Chama, John John Mnyika aliteuliwa na manaibu katibu wakuu wote waliteuliwa. Na Baraza kuu lilipokea mapendekezo pia ya wajumbe wa Kamati Kuu wa kuteuliwa na Mwenyekiti na kuthibitisha uteuzi wao. NB. JOHN JOHN MNYIKA ni Maktaba inayotembea yani Mhe. Lissu hakukosea kumteuwa kuwa Katibu Mkuu wa Chama, anateleza kama hataki tu. Mhe. Lissu: Nini kiliendelea sasa kuhusu maazimio ya No Reforms, No Election? Mnyika: Niliitisha retreat na vikao vya sekretarieti, Viongozi wakuu na Kamati Kuu ya Chama vilivyofanyika Bagamoyo kuanzia Tar. 31/01 hadi 04/02 kwa ajili ya utekelezaji wa azimio hilo la No Reforms: No Election. Mhe. Lissu: Waeleze majaji mpango wa utekelezaji mlioufikia kwenye vikao hivyo? Mnyika: Tulipitisha mpango wa kutoa elimu kwa umma kupitia mikutano ya hadhara katika maeneo mbalimbali ya nchi, tulipitisha mpango wa kuwatembelea viongozi wa dini, sekta binafsi na taasisi zingine za kijamii. Tulipitisha mpango wa kuzungukia vyombo vua habari na kukutana na wahariri wa vyombo vya habari, tulipitisha mpango wa kushawishi jumuiya za kimataifa na jumuiya za kikanda, tulipitisha mpango wa kukutana na wadau mbalimbali ndani ya Chama. Mhe. Lissu: Utekelezaji ukawaje huo? Mnyika: Mwenyekiti alianza ziara akiambatana na viongozi wengine. Mfano alikutana na Shekhe Ponda Issa Ponda. Kwa watu mashuhuri alikutana na Jaji Joseph Sinde Warioba na kwa upande wa kuvihusisha vyombo vya habari Mwenyekiti alifanya mkutano mwezi February kuelezea maazimio ya Kamati kuu ya Bagamoyo na Baadae Tarehe 02 March alikutana na Wahariri wa Vyombo vya habari. Part 309 itaendelea kwenye post inayofuata, Naomba Repost yako.

#UPDATES_KESI_YA_UHAINI Part 307 Mhe. Lissu: Msimamo huu unaashiria uasi maana yake ni nini? Mnyika: Niliwahi kusikia maneno ya Mwalimu Nyerere akisema Taifa linahitaji vijana waasi dhidi ya mifumo kandamaizi na sijawahi kusikia ameshitakiwa kokote kwa Uhaini wala Ugaidi kwahiyo sioni kama kuna kosa lolote kwenye maneno hayo. Mhe. Lissu: Kuna shida gani mtu kuhamaisha uasi? Mnyika: Hakuna tatizo lolote maana sisi Kidemokrasia maana yake ni kuhamasisha watu kukataaa, kupinga mambo fulani. Mhe. Lissu: Kuna shida gani mtu akisema tutazuia uchaguzi? Mnyika: Hakuna shida maana mtu anaweza kutumia njia mbalimbali za kidemokrasia mfano kushinikiza mamlaka kuahirisha uchaguzi. Kuna njia ya kususia Uchaguzi yaani watu wasiposhiriki, uchaguzi unakuwa haupo na haujafanyika ni njia ya kidemokrasia pia niliwahi kusoma wakati naanza Mhe, Lissu: Acha huko kwanza. Mtu akisema wanasema msimamo huu unaashiria uasi ........ uchaguzi huu tutauvuruga hapa anakuwa ameitishiaje serikali??? Mnyika: Sijaona mahali ambapo Serikali imetajwa kwahiyo sioni ni kwa namna gani serikali inaweza kuwa imetishwa hapo Mhe, Lissu: Huu msimamo wa kuzuia uchaguzi ulitokea wapi? Mnyika: Baada ya kukwama katika mazungumzo ambayo nilisema hapo awali na serikali. Walipeleka miswada mitatu ya sheria na miwili inahusu Uchaguzi. Tarehe 09/01/2024 nilitumwa na Kamati Kuu ya Chama kwenda mbele ya Kamati ya Bunge ya Katiba Sheria na Utawala iliyokuwa na jukumu la kupokea maoni kuhusu miswada hiyo ya sheria. Ambapo tulipeleka msimamo wa Chama wa kutaka marekebisho ya Kikatiba na kisheria kuwezesha Chaguzi za 2024 uchaguzi wa Serikali za mitaa na ule Uchaguzi Mkuu 2025 kufanyika katika mazingira huru na haki. Mhe. Lissu: Nini kilitokea? Mnyika: Mapendekezo yote kuhusu Katiba nilizuiwa kuzungumza na nilizimiwa kipaza sauti. Na mapendekezo ya sheria kwa sehemu kubwa yalikataliwa. Baada ya hapo ulifanyika uchaguzi wa Serikali za mitaa kwa kanuni zilizotungwa na Waziri mwenye dhamana ya TAMISEMI ambae ni Mchengerwa. Na mnyororo mzima ulihusisha watumishi wa TAMISEMI ngazi mbalimbali na serikali kuu hali iloyopelekea sehemu kubwa ya wagombea wa Chadema kuondolewa na hujuma zingine mbalimbali. Mhe. Lissu: Unamaanisha nini? Mnyika: Zaidi ya asilimia 90 walienguliwa kwenye kinyang'anyiro na wagombea waliobaki waliondolewa na Polisi na matokeo. Na kulikuwa na matukio kwa baadhi ya maeneo watu kukamata masanduku ya kura kukamata kura ambazo zimeshapigwa. Mhe. Lissu: Sababu za kuondolewa hao wagombea ilikuwa ni nini? Mnyika: Wagombea waliambiwa hawajui kusoma na kuandika na wengine sio wakazi wa eneo husika? Mhe. Lissu: Nini kilifuata baada ya hapo? Mnyika: Tarehe 02 na 03 December 2024 tuliitisha Kikao cha Kamati kuu kutathmini yaliyotokea kwenye uchaguzi wa serikali za mitaa 2024 Mhe. Lissu: Nani alikiitisha uwe specific? Mnyika: Nilikiitisha mimi Katibu Mkuu wa Chama mara baada ya kushauriana na Mwenyekiti Freeman Mbowe kwani yeye ndie Mwenyekiti wa Kikao. Tukakubaliana ndio tukaitisha kikao cha dharula. Kikao hicho kilipokea taarifa, kikajadili na kikapitisha maazimio 10 na nitasema machache tu. 1. Kwa yaliyotokea November 27, 2024 hakukuwa na uchaguzi huru wala halali wala wa Haki wa serikali za mitaa vijiji na vitongoji. 2. Hakuna tena uwezekano kwa mazingira yaliyopo ya Katiba na sheria wa kuwa na uchaguzi huru na wa Haki Tanzania. 3. Chama kiwaunganishe Watanzania kutaka mabadiliko na marekebisho ya Kikatiba na Kisheria kabla ya Uchaguzi wa Udiwani, Ubunge na Urais wa mwaka 2025. 4. Na kwamba bila mabadiliko hakuna Uchaguzi. No Reforms, No Election. Part 308 itaendelea kwenye post inayofuata, Naomba Repost yako.

#UPDATES_KESI_YA_UHAINI Part 302 Majaji wanaingia. Ajuaye anasema wako tayari kuendelea wao upande wa Jamhuri. Jaji Ndunguru anamuuliza Mh. Lissu nae anasema yuko tayari kuendelea. Na shahidi wake anaitwa JOHN JOHN MNYIKA. Katibu Mkuu Mhe. John Mnyika anaitwa na anapanda kizimbani amevaa Shati nyekundu ya Chama. Anafuatwa na Karani wa Mahakama wanateta na Mnyika anacheka. Jaji: unaitwa nani? Mnyika: John John Mnyika, Jaji: umri wako? Mnyika: Miaka 46 Jaji: Kazi yako Mnyika: Katibu Mkuu wa Chadema. Jaji: Dini yako? Mnyika: Mkristu Jaji: haya muapishe. Mimi John John Mnyika naapa ushahidi nitakaotoa utakuwa wa kweli, ukweli mtupu na Mungu anisaidie. Sasa Mhe. Lissu anaanza. Mhe. Lissu: Nitakayokuuliza uyajibu kwa utaratibu maana Majaji wanaaandika na mimi nafahamu una sauti nzuri tu. Sasa waeleze majaji umeshikilia nafasi hii ya Chadema kuanzia lini? Mnyika JJ: Kuanzia 2019 mimi ni Katibu Mkuu. Mhe. Lissu: Kabla ya hapo ulikuwa na nafasi yoyote nyingine? Mnyika JJ: Kabla ya KM nilikuwa Mkurugenzi wa Vijana Chadema Taifa kuanzia 2003 hadi 2011 wakati naishikilia nafasi hiyo mwaka 2007 niliteuliwa kuwa Mkurugenzi wa habari na uenezi hivyo nilishikilia nafasi mbili kwa wakati mmoja. Nafasi ambayo niliitumikia mwaka 2014. Na wakati huo huo kati ya mwaka 2009 hadi 2011 nilishikilia nafasi ya Mkurugenzi wa mambo ya nje na uhusiano wa Kimataifa wa CHADEMA. Na Mwaka 2014 niliteuliwa kuwa Naibu Katibu Mkuu wa Chadema Taifa nafasi ambayo niliishikilia hadi 2019 nilipoteuliwa kuwa Katibu Mkuu. Nilipokuwa mbunge pia Mhe. Lissu: Huko tutakwenda pia bado subiri. Nafasi nyingine je? Mnyika: Nilikuwa Mwenyekiti wa Chama Mkoa wa Kinondoni kwa vipindi viwili. Mhe. Lissu: Nafasi nyingine? Mnyika JJ: Nilikuwa Katibu wa Wabunge wa Chadema Bungeni kati ya mwaka 2010 mpaka 2015 na nikawa tena Katibu kuanzia mwaka 2016. Jaji ulikuwa mbunge wa? Mnyika: Nilikuwa Mbunge wa jimbo la Ubungo 2010 hadi 2015 na baadae Jimbo la Kibamba 2015 hadi 2020. Mhe. Lissu: Nafasi ya Katibu Mkuu wa Chadema ni nafasi ya aina gani katika uongozi wa Chama. Mnyika: Ni nafasi ya Mtendaji Mkuu wa Chama ambae ni Mwenyekiti wa Sekretarieti ya Chama na ni msimamizi mkuu wa rasilimali, utawala, uendeshaji wa Chama. Na Katibu Mkuu ndie msimamizi mkuu wa utekelezaji wa maamuzi na maelekezo ya vikao vya juu vya Chama ambavyo ni Kamati Kuu, Baraza Kuu na Mkutano Mkuu wa Chama. Mhe. Lissu: Taratibu tararibu. Mnyika anapeleka moto kwa kasi 😂 Vilevile ni msimamizi mkuu wa wafanyakazi wa Chama na waliopo makao makuu ya Chama ikiwemo pia makatibu wote wa Chama. Mhe. Lissu: Sasa nisubiri mimi. Eheee Sasa shahidi naomba waeleze Majaji kama Chama Chako huwa kinafanya vikao au mikutano ya Chama na utaratibu wake ukoje? Mnyika: Chama huwa kina mikutano ya aina mbili kuu ambazo ni Mikutano ya ndani. Usiposikia Jaji amesema Mhhhhhhh ndo uendeleee. Mnyika: Kuna Mikutano ya hadhara na mikutano ya ndani. Jaji Ndunguru : Sio lazima niseme mhhhhhh naweza sema endelea. 😂😂😂😂 kicheko. Mnyika: Kwa mikutano ya ndani ngazi ya utendaji chombo husika ambacho ni sekretarieti kinakaaa kikao cha ngazi ya Kitaifa chini ya Katibu Mkuu na kufanya maandalizi ya kikao hicho. Na majukumu yanagawanywa ya maandalizi yake. Mhe.Lissu: Hapohapo. Subiri. Sasa waeleze majaji nani ni wajumbe wa hiyo sekretarieti? Mnyika: Ni Katibu Mkuu wa Chama Taifa ambae ndie Mwenyekiti wa Sekretarieti. Manaibu Katibu wakuu wawili. Mmoja wa Zanzibar na Mwingine wa Bara, Wakurugenzi wa Kurugenzi za Chama Taifa, Wataalamu na Katibu wa Sekretarieti anayeteuliwa na Katibu Mkuu na Makatibu wa Mabaraza ya Chama kwa maana ya Baraza la Wazee, Baraza la Vijana na Wanawake. Anataja na vifupi vyake BAZECHA, BAWACHA na BAVICHA. Part 303 itaendelea kwenye post inayofuata, Naomba Repost yako.

#UPDATES_KESI_YA_UHAINI Part 259 Baada ya Mapumziko mafupi Tundu Lissu amepata angalau nusu saa ya kuzungumza na Mawakili na mashahidi wake ambao ni Makamu Mwenyekiti John Heche, Katibu Mkuu John Mnyika, Naibu Katibu Mkuu Amani Golugwa na Brenda Rupia. Mawakili wake ambao alikuwa nao kwenye mashauriano ni Dr. Nshala Mwanasheria Mkuu wa Chama, Deogratias Mahinyila, Paul Kisabo na Edward Heche. Inapigwa Courrrrrt Majaji wanaingia Mawakili wa Serikali wanasema wako tayari na Mhe. Lissu anasimama anasema Waheshimiwa majaji kabla hatujaendelea ninaomba maelekezo ya Mahakama kuhusu mashahidi wangu wa Chama maana wote wamo humu ndani je watoke nje au wabaki? Jaji Ndunguru anajibu kuwa wanatakiwa watoke nje wataitwa wakihitajika kutoa ushahidi. John Heche, John Mnyika , Amani Golugwa na Brenda Rupia wanatoka nje Jaji Ndunguru anamwalika Tundu Lissu kwenda kwenye kizimba cha mashahidi maana alichokaa ni cha watuhumiwa Tundu Lissu anahamia kizimba cha mashahidi wakati anaenda namuona anashikana mkono na dada ake na wapendwa wake huku akitabasamu, lakini akiwa anasindikizwa na maaskari magereza wa kutosha wasiopungua 8. Jaji Ndunguru anamuuliza Lissu majina yake, umri wake miaka 59 na dini yake ni Roman Catholic Jaji Ndunguru anamwambia tunaamini unatoa ushahidi wa kiapo? Mhe. Lissu anajibu ndio Mhe. Jaji ila sijawahi kutoa ushahidi ingawa nimeshtakiwa mara nyingi sana ila sijawahi kufikia hatua hii Watu wanacheka😂😂😂😂😂😂 Anaongozwa kuapa na ameapa. Mhe. Tundu Lissu anaendelea kuhusu kazi yake amesema ni wakili na kiongozi wa kisiasa, ni Mwenyekiti wa CHADEMA Taifa. Nilichaguliwa na kutangazwa kuwa Mwenyekii wa CHADEMA Taifa Januari 22, 2025. Kabla ya hapo Mimi nimekuwa Makamu Mwenyekiti wa CHADEMA Taifa, Mbunge wa vipindi viwili na nilishambuliwa kwa risasi Septemba 7, mwaka 2017 lakini pia nimewahi kuwa Mkurugenzi wa Sheria CHADEMA, Ex Official Member wa Chama, Mwaka 2010 nilichaguliwa kuwa Mbunge wa Jimbo la Singida Mashariki (siku hizi linaitwa Ikungi Mashariki) na nilichaguliwa kwa tiketi ya CHADEMA, na mwaka 2015 hadi 29 Juni 2019. Sasa ilikuwaje nikaishia 29 June 2019?? Nawarudisha Septemba 7, 2017 ambapo nilifuatwa kwenye makazi yangu Dodoma na kushambuliwa kwa risasi na watu ambao Serikali ya Tanzania inawaita watu wasiojulikana. Waheshimiwa majaji nilikimbizwa kwa ndege hadi Nairobi hospital hadi Tarehe 4 Januari 2018 na baada ya hapo nilipelekwa Ubeligiji kwa Matibabu zaidi katika hospital ya chuo kikuu cha Leuven. Nilitibiwa hadi Januari 2022. Kati ya Nairobi na Leuven nilifanyiwa operation 25 (operation 17 Nairobi Hospital, 8 Leuven). Waheshimiwa majaji mkiona navuta mguu ni kwasababu ya matukio hayo. Nikiwa hospital tarehe 29 June 2019 aliyekuwa Spika wa Bunge Job Ndugai (marehemu sasa) alinifuta ubunge kwasababu alisema nilikuwa mtoro, alikuwa hajui niliko. Licha ya kuwa Mbunge na kuumizwa vibaya sana nikiwa kazini Bungeni, Bunge na Serikali ya Tanzania ilikataa kulipa gharama ya matibabu yangu, sikupewa hata senti moja, licha ya Sheria ya Bunge inayosema kwamba mbunge akiugua atatibiwa kwa gharama za bunge lakini mimi kwangu walikataa katakata kabisa. Nikiwa Bungeni kipindi chote nilikuwa Mnadhimu wa Kambi rasmi ya upinzani Bungeni yaani ni kiongozi wa pili kwa viongozi wa kambi rasmi ya upinzani Bungeni. Part 260 itaendelea kwenye post inayofuata, Naomba Repost yako.

#UPDATES_KESI_YA_UHAINI Part 256 Anaendelea Mhe. Lissu Waheshimiwa majaji kwa mujibu wa kifungu cha 192 cha CPA mahakama inaweza kukitumia kuamuru proceedings to be held in camera kama ushahidi utakuwa ni prejudicial to the public interest. Huo ndio utaratibu uliotumika hata kwenye kesi ya Mataka na Hatibu Ghandi Kuna hoja imeletwa na wakili wa serikali Katuga kuwa eti mashahidi wa jamhuri wametoa ushahidi kwaniaba ya Serikali kwasababu tu ni watumishi wa serikali, hoja hii haina msingi wowote wa kisheria au kimantiki. Kama ingekuwa ni kweli kwamba wafanyakazi wa serikali wakitoa ushahidi wanatoa kwaniaba ya serikali, simply sheria ingesema hivyo. Hii dhana kwamba watumishi wa umma wakitoa ushahidi ni kwamba Rais anakuwa ametoa, maana yake ni nini? Wakili wa Serikali Katuga amesema mara kwasababu watumishi wa serikali wametoa ushahidi Rais hatakiwi kutoa ushahidi, Mara anasema Rais hawezi kutoa ushahidi, so which is which? Mahakama kicheko😂😂😂 Mhe. Lissu anaendelea kusema kuwa hao mashahidi na viongozi wa serikali wanakuja kutoa ushahidi kama wajumbe wa Baraza la Usalama wa Taifa na hawaji hapa kama wateule wa Rais bali kama Wakuu wa hivyo vyombo Mkuu wa Jeshi la Polisi atatoa ushahidi kama mtu ambae jeshi lake limenikamata na mjumbe wa sekretarieti ya Baraza la usalama wa Taifa. Majaji Katuga anasema msiite mashahidi blindly kuna siku atamuita Samia Mungu na Rais sio Mungu hivyo anaweza kuja kutoa ushahidi, kama nyie mawakili wa Serikali mnadhani Rais ni Mungu kama alivosema yule Profesa basi ni nyie na sio sisi. Marehemu Rais Mkapa alitoa ushahidi kwenye kesi ya Costa Mahalu kama Mkapa alitoa ushahidi kama Rais kwanini MPANGO asije.?? Katuga anasimama tena anasema waheshimiwa majaji Lissu analeta vitu vipya kama hivyo vya Mkapa basi na sisi tupewe haki ya kujibu Mhe. Lissu anasema wewe huna unachokielewa. Mimi najibu pingamizi lako na wewe kama unataka kufanya rejoinder utaomba nafasi. Katuga anasimana anasema wewe ndio huelewi. Mhe. Lissu anamuuliza Katuga nyie mnasoma sheria wapi? Jaji Ndunguru anamwambia Katuga babu tulia, mwenzako amalize na nyie mtakuja kujibu anachoongea Lissu. Watu wanacheka 😂😂😂 Mhe, Lissu anaendelea kuwa kwa mujibu wa Sheria za Tanzania, hakuna utaratibu wa kutoa ushahidi kwa niaba ya mtu mwingine, hakuna utaratibu wa ushahidi wa Rais kutolewa na mtu mwingine kwaniaba ya Rais. Hivyo hakuna vicarious testmony katika sheria za Tanzania. Ushahidi wa Mapolisi akina Amin Mahamba na wengine ulikuwa wao personally na sio kwaniaba ya mtu mwingine. Kuna kesi wakili Mrema wa serikali aliitaja hapa (kesi ya Jacobo) inahusu mahakimu, sasa nyie ni majaji yeye ameleta kesi ya mahakimu , nyie inawahusu nini? Watu wanacheka😂😂😂😂😂 Mhe. Lissu anaendelea, kanuni iliyopo kwenye hiyo kesi ni kuwa hakimu anaweza kukataa ushahidi ambao hauna uhusiano na kesi husika. Sasa swali kwenu waheshimiwa majaji mashahidi na viongozi wa serikali ushahidi wao hauna uhusiano na kesi ya uhaini???? Hii ndio hoja ya mawakili wakuu wa serikali. Kesi ya Jacob haina uhusiano na kesi hii, sababu mashahidi niliowataja wana uhusiano wa moja kwa moja na kesi hii. Kuna hoja aliisema wakili Mrema eti nataka taarifa, jibu langu ni jepesi tu kuwa nataka ushahidi na sio taarifa kama kweli kuna kesi ya uhaini hapa na sio ya kutunga tunga kama alivyosema JajiChande kwenye ripoti yake. Waheshimiwa majaji naomba nimalizie kuwa hakuna sheria inayozuia mashahidi kupelekewa summons hata Rais anaweza kupelekewa summons akikataa ni jambo jingine Pili ushahidi wao ni muhimu katika kesi hii, kama kweli kulikuwa na hayo matishio yanayodaiwa Rais, Makamu na Waziri Mkuu lazima wawe wanajua. Part 257 itaendelea kwenye post inayofuata, Naomba Repost yako,

#UPDATES_KESI_YA_UHAINI Part 252 Jaji Ndunguru anaendelea kusoma uamuzi. Mahakama hii baada ya kupitia hoja za pande zote mbili Mahakama inajiuliza je jamhuri kwa ushahidi wao kama wame establish endapo kama mshtakiwa ana kesi ya kujibu au lah Hakuna ubishi kuwa maneno hayo yalitamkwa kwenye Mkutano na mbele ya vyombo vya habari na ushahidi unamzungumza, mshtakiwa na shahidi wa 17 alieleza kuwa maneno hayo yalitolewa na mshtakiwa na yeye alikuwepo na mbele ya watu wengine. Hivyo Mahakama hii haingalii uzito au kuaminika kwa ushahidi, na kwasasa mahakama hii imeona kuwa kuna kesi imekuwa established na hivyo Mshtakiwa ana kesi ya kujibu dhidi ya ushahidi ulioletwa na upande wa mashtaka. Jaji Ndunguru anaeleza zaidi kuwa Mshtakiwa ana haki kwa mujibu wa kifungu cha 312 cha Sheria ya Mwenendo wa Makosa ya Jiani , ana haki ya kutoa ushahidi wake mwenyewe; haki ya pili ni kuita mashahidi wake au pia mshtakiwa ana haki ya kukaa kimya. Mhe. Lissu anasimama na kueleza kuwa nitajitetea mimi mwenyewe kama shahidi wa kwanza, nitaita wafuatao ambao Mahakama naomba iwapelekee summons; 1. Samia Suluhu Hassan (popote alipo apelekewe summons) maana ni mwenyekiti wa Baraza la Usalama wa Taifa tunataka tujue kama wana taarifa za uhaini unaodaiwa. 2. Philip Isdor Mpando mwaka jana alikuwa Makamu wa Rais na Mjumbe wa Baraza la Usalama wa Taifa naamini anaushahidi kuwa haya maneno ni ya kutunga tunga tu. 3. Kassim Majaliwa ambaye wakati matukio haya yanatokea alikuwa Waziri Mkuu na kiongozi wa shughuli za serikai na mjumbe wa Baraza la Usalama wa Taifa; 4. IGP Camillius Wambura na Mjumbe wa Sekretariati wa Baraza la Usalama wa Taifa, 5. General John Mkunda Mkuu wa Majeshi na mjumbe wa sekretariati ya national security counsel, 6. DG wa Idara ya Usalama wa Taifa na Ujasusi (Mkuu wa TISS) tunataka DG aje aseme kama hili kosa kubwa katika Jamhuri ya Muungano lilifanyika au maneno tu, 7. DCI Ramadhani Kingai nataka aje anitetee maana alitajwa tajwa na mapolisi mashahidi Naona sasa Lissu anaihamishia serikali Mahakamani.😂😂😂 Wengine waheshimiwa majaji naomba wafuatao pia wapelekewe summons 8. John Mnyika, katibu mkuu wa CHADEMA, 9. Amani Sam Golugwa huyu ni naibu katibu mkuu wa CHADEMA, 10. John Heche Makamu Mkt CHADEMA na vilevile alikuwepo kwenye mkutano wenyewe ni shahidi wa kuona na kusikia; 11. Brenda Rupia ushahidi ulitolewa hapa na watu wa jambo tv kuwa ndiye aliyealika waandishi, hawa ndio mashahidi wa kuanzia ila kukiwa na haja ya kuongeza nitawaomba mniruhusu niongeze mashahidi. Kabla sijakaa naomba niongeze jambo hapa kuwa nimekuwa na matatizo makubwa sana ya mimi kukutana na Mawakili wangu na mashahdii wangu; hawa viongozi wa CHADEMA niliowataja tangu Novemba mwaka 2025 wamepigwa marufuku kunitembelea gerezani. Hili suala Waheshimiwa Majaji nililileta kwenu mapema sana na mliniahidi kuwa wakati ukifika nitapata nafasi ya kuonana na kuzungumza nao, hivyo naomba mtoe amri kuwa mazungumzo yangu na mashahidi wangu yasisikilizwe na watu baki , watu baki ni maafisa Magereza na watu wote wa Serikali tofauti na hapo hii itakuwa sio Mahakama itakuwa ni kangaroo court. Waheshimiwa majaji naomba mtoe amri hiyo vingenevyo hii habari ya fair trial vinginevyo itakuwa ni maneno tu. Mhe. Lissu anasema niko tayari kuanza utetezi wangu kwa muda ambao na nyie mtakuwa tayari Mahakama imepoa sana kiukweli baada ya uamuzi, huzuni imetawala hapa ndani ya chumba cha Mahakama. Part 253 itaendelea kwenye post inayofuata. Naomba repost yako.

#UPDATES_KESI_YA_UHAINI Part 249 Wakili wa Serikali Katuga anasema pia case ya DPP MorganMalk vs 2013 ambapo ilisema Mahakama ya rufani iliendelea mbele kwa kuifafanua hii principle ya primafacie case kwa kuangalia ushahidi uliotolewa, unajitosheleza kumtia hatiani mshtakiwa kwenye shtaka dogo au kosa analoshtakiwa nalo, ukiangalia kiini cha kosa kwenye mashtaka Je mshtakiwa ni mwenye utii? Je mtuhumiwa alitengeneza nia? Je alidhihirisha nia yake kwa kufanya kitendo? Waheshimiwa majaji, viini vya kosa ya uhaini vilishaainishwa kwenye case Grey Likungi Matata , elements zilizoainishwa ni kama zile alizoanisha mtuhumiwa tofauti ya viini ni kidogo ukilingqnisha na mazingira ya kosa Aina ya kwanza, mshtakiwa awe mwenye utii, ya pili mshtakiwa awe ameonyesha nia, ya tatu amedhihirisha nia yake kwa kuchapisha. Kiini cha tatu cha kudhihirisha kina utofauti kidogo kwakuwa kimechaguliwa kimoja cha kufanya, imebaki na manifestation of deed, kwahiyo upande wa Jamhuri walipaswa kuthibitisha manifestation of deed, siyo overt act siyo kuchapisha. Section 13 ya Interpretation Act inaonyesha kuwa maneno haya hayako similar unless kuwe na neno similar mbele ya hayo maneno. Mtu hatokuwa sahihi kama mtu ataonyesha neno moja likatumika kati ya hayo, au mtu akatumia neno lingine lisitumike, hakuta kuwa na nyingine litakaloladhimisha Jamhuri lithibitishe overtact na siyo deed. Upande wa Jamhuri kupitia mashahidi wake 17 unathibisha kuwa umeonyesha viini vya kosa la uhaini, nikianza na kiini cha kwanza; kuhusu kiini kuwa yeye ni mtiifu na raia wa Tanzania ambapo mtuhumiwa alikiri ye ni raia hoja hii tunaiweka pembeni kiini kimekuwa proved. Ukija kiini cha pili, cha kutengeneza nia, naomba tuangalie maneno yaliyotumika "ALITENGENEZA NIA" Case ya Mahendra KCV Vs KarmaTaka, 1238/20 (case ya India) Inasema uchochezi ni kushawishi, kushauri na yaweze kusababisha consequences kwa tafsiri hii maneno yaliyotumika kwenye hati ya mashtaka bila ya kufanya hajitetee yanaonyesha wazi yana suggest consequences, kwahiyo Mahakama kutompa mshtakiwa haki ya kujitetea yanaweza yakamtia hatiani. Maneno yamethibitishwa na mashahidi wote akiwemo PW17 ambaye yeye alisikia kwa ukaribu kabisa. Maneno ya kutishia serikali yanaweza kuthibitishwa kwa vyombo mbalimbali; Kutishiwa/ vitisho imetafsiriwa kwenye Oxford dictionary 2nd Edition (anasoma) Kwa mujibu wa kifungu cha 39 2 (d) mtu yeyote atakae tengeneza nia kwa nia ya kuitisha Serikali basi utakuwa umetenda kosa. Hivyo, upande wa Jamhuri kiini cha nia ya kuitishia serikali tunasemq kimethibitishwa na ushahidi wa Pw1, Pw16 & Pw3. Ambapo Pw1 na Pw16 wamesema maneno yaliyochapishwa yalikuwa na lengo la kuitishia Serikali na wakasema kuitishia Serikali ni kuvunja sheria ambapo serikali ni kwa ajili ya kutimiza majukumu kwa mujibu wa sheria. Pw3 anasema walipanga kupiga watu mawe. Hoja kuwa Serikali imetajwa au la, serikali imetajwa constructively kupitia hoja ya constructively kilichotajwa ni serikali, halijatishwa Bunge wala Mahakama kwahiyo tunasema primafacie imekuwa established, kupitia hoja hiyo ya to intimidate ambayo imekuwa proved. Waheshimiwa Majaji, upande wa Jamhuri umeleta mashahidi wengi ambao wanaonyesha walichocheka na uchochezi wa mtuhumiwa. Kitendo cha kuyatoa na kuchapisha ndo kinaonyesha manifestation with deed, unlike case ya Agrey likungi matata, unlike case ya Khatibu Gandi na hapa ndiyo utaona kila kesi inaamuriwa kutokana na mazingira yake. Cross examination haikupinga maneno ilijikita kuhoji je maneno yale ni uhaini? Mashahidi wamethibitisha kuwa mshtakiwa alitoa maneno yale, hivyo upande Jamhuri inaona imethibitisha kwa kuwa haijawa crossexamined. Waheshimiwa suala la kuchapisha limezungumzwa na mashahidi upande wa Jamhuri, kwamba waliona You tube kwenye account ya Jambo Tv Part 250 itaendelea kwenye post inayofuata Naomba Repost yako.

#UPDATES_KESI_YA_UHAINI Part 248 Mhe. Lissu anasema Waheshimiwa Majaji ni muhimu kukumbuka kuwa, mimi ni mshtakiwa pekee katika kesi hii na ikumbukwe katika kesi ya Khatibu Gandi inasema maneno ya mtu mmoja, hayatengenezi uhaini, kwa ushahidi uliotolewa haujathibisha nia ya kutenda kosa la uhaini then on the basis kuwa kusipokuwa na primafacie case nitaitwa nijitetee kwa kipi? Ni ushahidi gani nisipojitetea utanitia hatiani? Ushihidi ukoje kuhusu publication ya reasonable act? Lazima kuwe na ushahidi wa machapisho au matendo ya wazi wakati wa pre trial Upande wa Mashtaka wanasema mimi nilichapisha maneno kwenye mtandao wa Jambo TV, hivyo uthibitisho wa haya maneno ulitakiwa uwepo Jambo Tv. Sasa Waheshimiwa Majaji naomba niwaelekeze ukurasa wa 185 wa record za Mahakama, upande wa mashtaka ulionyesha ushahidi wa nyaraka 9 na aina 2 za vielelezo ikiwemo Video clips, hawajaleta hata moja. Shahidi PW 17 ni shahidi pekee wa eye witness aliyenishuhudia kwenye mkutano, testimony ya mashahidi, shahidi PW 17 ndiyo shahidi mwenye ushahidi mzito, alisema yeye na wenzake watano ndiyo waliorecord na kurusha, amesema kwa maneno yake na kwa maandishi kupitia kielelezo D16 na ni shahidi wao, Kwahiyo kama ni tuhuma ya publication siyo yak wangu, aliyepublish ni PW 17 na amesema mpaka leo vipo kwao. Ushahidi wa nani aliyechapisha hawajaujibu. Waheshimiwa Majaji, walidai ooh wewe ndiye uliyeitisha Mkutano, shahidi wao PW 17 amesema mwaliko waliupata kwa afisa habari wa Chadema anaitwa Brenda Rupia, na nikamuuliza uliniona mimi nikifanya maandalizi nikipanga viti akasema, hakuna. Kwenye hili suala la tatu hawajathibitisha kabisa kosa la kuchapisha maneno. Naomba nimalizie, Kama hakuna proof ya kucommint treason act, hakuna intention maana yake ni kuwa hakuna primafacie case, na kama hakuna primafacie case mkiruhusu nijitetee mtakuwa mnafanya makosa ya kisheria. Sasa Waheshimiwa majaji msipokubali mnafanyaje? Mnafanya kile ambacho sheria imewataka mfanye kwa mujibu wa kifungu cha 312 (1) kufanya finding ya kuwa hakuna case ya kujibu. Waheshimiwa Majaji naomba kama mtatoa huo uamuzi muutoe leo, kama mnaridhika na hoja hii, reason ruling mtatupa baadae, hakuna haja ya mimi kurudishwa Ukonga leo. Hili ni la pili; La 3 lipo kwenye kifungu cha 367 cha CPA (Sheria ya Makosa ya Mwenendo wa Jina), kama mashtaka ni ya uonevu ya kusingizia mnaweza kuamuru mtuhumiwa alipwe fidia, haya maumivu yangu na familia yangu nani atafidia?? mashahidi wote 17 mmewasikia. Hivyo naomba iamriwe kuwa sina kosa la kujibu pia ipangwe tarehe nije kuthibitisha madai/ fidia yangu. Naomba niwape Waraka wa kikosi kazi wa Umoja wa Mataifa, uamuzi wa tarehe 23/2/2026 unaosema niachiwe mara moja na kulipwa fidia. Hivyo Waheshimiwa Majaji msimamo ni kuwa hakuna primafacie case na kwakuwa hakuna Primafacie case, sheria inawataka muandike findings ya NO CASE TO ANSWER Waheshimiwa majaji ya kwangu ni hayo tu. Mhe. Lissu anamaliza na kuketi. Jaji Ndunguru : Ehee Jamhuri ? Wakili wa serikali Katuga anasimama anasema Upande wetu kwanini tunaona mshatikiwa ana kesi ya kujibu ni kutokana na makosa aliyoshtakiwa nayo kwa mujibu wa kifungu cha 39 (2) (d) Anasoma kosa kama lilivyoainishwa katika hati ya mashtaka na anaainsha maneno ya uhaini... "WANASEMA KITU KIMOJA SAHIHI HAPA, WANASEMA TUTAHAMASISHA UASI, NI KWELI TUTAHAMASISHA UASI, TUTAKINUKISHA VIBAYA......" Waheshimiwa DPP Vs Philipo Joseph Mtonda, 217 Rufaa ya jinai, Tanzlii 2021.... case hii ili cite case Tambaklal na ikarudia maneno ya hiyo Landmark cases ya Tambklal case. Part 249 itaendelea kwenye post inayofuata, Naomba Repost yako.