Uyu munsi, Umuyobozi w'Akarere, @MukamanaSoline , ari hamwe n'Umuyobozi w'Akarere wungirije ushinzwe iterambere ry'ubukungu, Nshimyimana Jean Baptiste yakiriye uwari uhagarariye Ambasaderi wa Japan mu Rwanda, Shinsuke Saito, uhagarariye Ishami ry’Umuryango w’Abibumbye ryita ku Biribwa n’Ubuhinzi (FAO) mu Rwanda, Mohamed Aw-Dahir, Umuyobozi wungirije w'Akarere ka Rutsiro ushinzwe iterambere ry’ubukungu, Uwizeyimana Emmanuel n’Intumwa ya @RwandaEmergency , Adalbert Rukebanuka mu Murenge wa Gahunga ahabereye umuhango wo kwakira ku mugaragaro ibikorwa byagezweho mu mushinga ugamije kugabanya ingaruka z’imyuzure, kurwanya isuri no kongerera ubushobozi abaturage mu guhangana n’ibiza birimo kubaka umuyoboro w’amazi ufite uburebure bwa kilometero ebyiri n’ikiraro mu Kagari ka Kidakama byakozwe hagamijwe kugabanya ingaruka z’imyuzure no koroshya ingendo z’abaturage; icyo kiraro kikaba cyarasenywe n'ibiza byatewe n'imivu y'amazi menshi y’Imvura yaguye muri Gicurasi 2023. Ibyo bikorwa byubatswe ku bufatanye bw'Akarere ka Burera, @RwandaEmergency , @RwandaWater na @FAORwanda . Ibindi byakozwe mu Karere ka Burera ku bufatanye bw’izo nzego harimo kongera ubushobozi Inzego z’Ibanze binyuze mu mahugurwa, guhugura Abakorerabushake 50 bashinzwe gutabara mu gihe cy’ibiza, guhugura Inzobere mu bijyanye no kwitegura no guhangana n’ibiza n’imicungire ihuriweho y’umutungo kamere w’amazi. Mbere yo gutaha ibyo bikorwa, babanje gutera Ingemwe z’ibiti bya Avoka muri imwe mu mirima y’abaturage mu Kagari ka Rwasa, muri uwo Murenge wa Gahunga bizafasha gukemura ikibazo cy’imirire mibi n’igwingira ry’abana bato, binateze imbere abaturage. Abaturage bitabiriye icyo gikorwa bahawe ingemwe zo kujya gutera mu mirima yabo. Umuyobozi w’Akarere yashimye Guverinoma y’u Buyapani, FAO, MINEMA n’Ikigo cy’Igihugu gishinzwe Amazi n’abandi Bafatanyabikorwa n’Abaturage bagize uruhare mu ishyirwa mu bikorwa ry’uwo mushinga; aboneraho gusaba abaturage gufata neza ibyo bikorwa.