أحبّك .. كثر ما قالوا هَنيك يا خلي البال
وأحبّك كثر ما أخفيتك عن رُبوعي وعذالي
حفظتك سِر ما يظهر على العالم ولا ينقال
زرعتك بين تنهيد الضلوع وبين غربالي
لك الله مال غيرك فالحَنايا والضمير ظلال
أقرب من قريب الخلق وأقرب لي من ظلالي .
وشلون تقطعني بـ سيف البعد قطاع الوصال
وأنا لو أقطع عرق قلبي ما قطعت وصالها
وشلون ماتشتاق ماترحم ماتذكر ما تسال
وشلون ما تطلق يدين كبلت بـ اغلالها
احفظ لها قيمة غلاها وأنتظرها من شمال
وإذا نستني هذي الدنيا وهذا حالها .
« أمّا أني أنساها نسى اللّٰه من نسى ذاك القبال »
استأذن العصر وانقادت خيوط الظلام
والليل تو ما استوى بشته على منكبه
الليل ستر الفضاء والطيب ستر النظام
والصمت ستر الشعور الا على المنتبه
الناس تطربهم القمرا وصوت الحمام
وانا الوحيد اللي - الثنتين ما تطربه .
والله إني شاري قدرك على حبٍ يدوم
لو يميل الوقت فينا ما يميل بي غلاك
كلما ضاقت بي الدنيا وهزتني الهموم
ما أتحرا غير قربك والسعادة في رعاك
ليه تكثر بيننا سود الظنون بلا علوم
وأنت تدري كيف قلبي بالحشا عايش معاك
بيننا عتب وتوضيح وسواياها تهون
ليه نشعل نار شكٍ ما لقى صدفه معاك؟
تخافين و أنتي في حماي؟ و على يمناي؟
هذا والله اللي ما توقعت نوصل له
عمومًا أنا آسف إذا متَّ يا نجواي
شجاعة " محب " وموتةٍ في سبيل اللّٰه
رفضنا نعيش بـ خوف نتأمل اللي جاي
ورضينا " نعيش الحب " والأرض محتَّلة .
الصمّت يكفي ويشفي صدر راعيه
لا صار كل الحكي ماله معاني
والقلب ما عاد تعنيه المشاريه
والعين ماعاد تغريها الأماني
والخاطر العمس من يقدر يسليه
الناس ، ولا الشعر ، ولا الاغاني .
عطيتك زمام القلب في زحمة الخطار
و من كثر ما أهاب الجفى صاير أهابك
على نايف الأشواق و الليل له سمّار
سريت بـ خيالي لين عانقت مرقابك
عطيتك مواثيق الغلا والسلام الحار
و لا جابك التقدير والشوق ما جابك
حفظت العتب و الحب و الجرح و الأسرار
أخاف المشاعر .. من مفارقك تغتابك .
