gejyuve

✏ Submit Your Op-Ed Шинжлэх ухааны сэдэвтэй шүүмж, үзэл бодлын нийтлэл хүлээн авч байна! Unread Media болон Gej Yu Ve суваг хамтран шинжлэх ухаан, танин мэдэхүйн “Гэж Юу Вэ” сэтгүүлийн хоёр дугаарыг эрхлэн гаргаад байгаа билээ. Сэтгүүлийн 3 дахь буюу 2026 оны хаврын дугаар ирэх 5-р сард Номын баяр болон SciCon 2026 арга хэмжээг угтан хэвлэгдэх гэж байна. “Үлэг гүрвэл” сэдвийн хүрээнд бүтээгдэх уг дугаарынхаа “Зөгийн хор” буландаа шинжлэх ухааны шүүмж, үзэл бодлын нийтлэл (op-ed)-үүдийг хүлээн авч эхэллээ. 🌐 Өмнөх дугаарууд: unread.today/c/magazine-gejy… unread.today/c/magazine-gejy… Зөгийн хор булан нь шинжлэх ухааны сэдвээр баримтад тулгуурласан санал, шүүмжээ хуваалцахыг хүссэн эрдэмтэн, судлаач, шинжлэх ухаан сонирхогч хэн бүхэнд нээлттэй. Хэрэв та монголчуудын оюуны цар хүрээг тэлэх, шинжлэх ухаанч сэтгэлгээг түгээн дэлгэрүүлэх хүсэлтэй бол бидэнд нийтлэлээ ирүүлээрэй. Сэдэв, салбарын хувьд ямар нэг хязгаарлалтгүй бөгөөд доорх шаардлагуудыг хангасан бүх төрлийн нийтлэлийг хүлээн авна. ✍️ Нийтлэлд тавигдах шаардлага: Монгол хэлээр бичигдсэн, 600-900 үгтэй Өөр хэвлэлд нийтлэгдэж байгаагүй Гаднын эх сурвалжаас хуулаагүй, хиймэл оюунаар бичүүлээгүй Баримтад тулгуурласан, логик дэс дараалалтай, шийдэл эргэцүүлэлтэй 📩 Дээрх шаардлагыг хангасан нийтлэлээ өөрийн товч намтар, хэрэв сэтгүүлд хэвлэгдвэл ашиглаж болох зургийн хамт [email protected] цахим шуудангаар 4-р сарын 15-ны дотор ирүүлээрэй. Ирүүлсэн мэйлд бид хоёр долоо хоногийн дотор хариу илгээх болно. Шинжлэх ухаанч сэтгэлгээг түгээн дэлгэрүүлэхэд хувь нэмрээ оруулж буй танд баярлалаа.

🗞️ ШИНЭ ДУГААР: Квантын эринд тавтай морил! Ертөнцийг бүрдүүлэгч хамгийн жижиг хэсгийг олж нээн, түүнтэй танилцаж, түүний хүчийг ашиглах гэсэн хүмүүний хүсэл хэдэн мянган жил үргэлжилжээ. Ингэж явсаар XX зууны эхэн үед даацтай нээлтүүд тохиож, квант эрин хэмээн тодорхойлж болох цаг үеийн эхлэлийг тавьсан юм. Квант физикийн ачаар өдгөө бид өөрсдийгөө болон хорвоо ертөнцийг илүү сайн ойлгож, лазераас эхлээд супер компьютер хүртэлх олон олон “ид шид”-ийг эзэмшиж чадлаа. Бид кванттай илүү дотно танилцаж, зөвөөр ойлгох цаг үе хэдийн иржээ. Ийм ч учраас манай эртний хамтрагч @GejYuVe энэ жилийн SciCon арга хэмжээгээ “Квантын эрин” хэмээн нэрлээд буй. Түүнчлэн бидний хамтран бүтээж буй шинжлэх ухаан, танин мэдэхүйн сэтгүүлийн эхний дугаарын сэдэв ч мөн “Квантын эрин”. Квантаар амьсгалах энэ долоо хоногийг угтан уншигч таныг ч мөн квант ертөнцөөр аялуулахаар энэхүү дугаарыг бэлдлээ. Мэдээж та энэ талаар илүү ихийг мэдэхийг хүсвэл 4-р сарын 20-нд SciCon 2025 арга хэмжээнд хүрэлцэн ирэх эсвэл Гэж Юу ВЭ? сэтгүүлийг уншиж болох юм. Даваа гарагт дандаа гарчигла! 🌐 Сонин түгээгдэж буй цэгүүдийг харах болон цахимаар шууд унших бол newspaper.mn/ сайтаар зочлоорой.