ريم الحزوم

مرات أشعر إن انتقالي للرياض كان الخديعة الكبرى إحساس من استبدل الذي هو أدنى بالذي هو خير

احتمالية أن يتخلى عنك الجميع أعلى مما تظن

خسرت واجد.. ويا خوفي بعد أخسر حزين يا وجهي اللي منكسر باسه إنسان ياما انكسر لكن عجز يكسر خواطر أحبابه اللي حوله وناسه كبر على كل شي.. وما قدر يكبر على أمانيه اللي شيبت راسه تايه وباهت ووجه الأمنيات أقفر ويحن للماضي ويسهر مع ياسه يا زحمة الذكريات بوحدة المجبر على الحنين وتعبه وكثرة نعاسه يا طول بال السهر والدمع ما يقصر يا وسع هذا المكان..وضيق جلاسه لو ما زرعتك عمر وشلون راح أثمر؟ لو ما نزفتك حبر.. بيمل كراسه المنتظر جف ما يدري متى تمطر لو للوصل كف كان المنتظر باسه..

فيه شيء مغفول عنه بالزواج، وأظنه من أهم أسرار نجاحه بعد توفيق الله وهو القبول ثم التعايش، ثم التأقلم مع الطبع الشين من صاحبك لا تحسب إنك بتلقى آدمي كل طباعه على ما تشتهي.. كل إنسان به طبع شين، وبه خصلة ما تجوز لك وبه عوج ما يستقيم على مزاجك.. وأنت بعد مثله ولا يشترط للوفاق التشابه، ممكن يختلف زوجين في أكثر الخصال، ويكون بينهم من الألفة وحسن العشرة ما لا يكون بين المتشابهين لأن العبرة بحسن التعامل مع الاختلاف ثم يلي ذلك، معرفة الوزنة.. ومقتضاها أن تعرف حدود صاحبك فلا توصله إياها تعرف وين يعصب ووين يزعل ووين يتوقف خاطره فتتقي الوصول به وبنفسك إلى تلك الحدود وما يصح كلما عرفت مدخل يضيق صدره دخلت منه ولا كل ما قدرت تستفزه استفزيته ولا كل ما صار بينكم خلاف اختبرت صبره وحديته على أقصاه أيضًا، مهم معرفة أن الزواج ما يقوم على فكرة غير ناضجة في إن كل واحد يستوفي حقه إلى آخر حد.. هذا جنون ترى! ولا ينبغي ولا هو من البر والإحسان والمودة ومستحيل أن تستقيم معه الحياة طبعا بديهيات مضطرة أذيل بها: إنه هذا كله في حدود المعروف وليس في الظلم والإهانة والأذى

في كل مكان بالعالم العميل أولًا إلا عندنا.. عندنا مشكلة حقيقية في التعامل مع العميل من أكبر الشركات المطروحة إلى صاحبة مشروع الطهي المنزلي الإيقو عند بعض أصحاب المشاريع أكبر من حرصهم على رضا العميل، وأي ملاحظة أو انتقاد يدخلهم في دوامة دفاع وهجوم مستميتة ليش طيب؟ من اللي تبيه يرشدك ويوجهك غير العميل المجرب؟

لا صار في عمري حظوظ وتوافيق أنــــت أجمل حظ عشته وجاني❤️

سلام يا بشر

سقاك الله يا يوم التلاقي على سيف الغرام اللي مشيته

مادري وراي استانست وحشن الغبار اللي كذا

عندي نكتة إذا أكلنا بمطعم مب زين أقول أحلى شي الكولا والكل يضحك لي❤️ بكل مرة❤️ يحترونه أظنهم❤️