🇯🇵🇸🇦عبدالعزيز | HIROヒロ

卒業しちゃった🎓🧑🏻‍🎓🇯🇵 الحمدلله الذي بنعمته تتم الصالحات باليوم الوطني تخرجت ماجستير من جامعه طوكيو ياحبايبي🇸🇦. – at Shinjuku-ku, Tokyo

🇯🇵 رحت اليوم أستلم نسختي في يوم الإطلاق الرسمي باليابان للعبة Zelda: Ocarina of Time كنت حاجزها من فترة، واليوم أخيرًا استلمتها مع الهدايا اللي جت معها! 🔥 وبالمرة شريت كم غرض إضافي، وصورت لكم تجربة الاستلام وأجواء المحل. الصراحة شراء الألعاب في اليابان له متعة ثانية، خصوصًا في يوم الإطلاق! 🎮

🇯🇵🎮 قاومت كثير، بس بالنهاية خضعت وشريت السويتش 2! 😂🔥 وبالمرة سويت بري أوردر للعبة Zelda: Ocarina of Time 💚 اللي عجبني في اليابان طريقة الحجز! تاخذ علبة اللعبة من الرف وتحاسب، ويعطونك إيصال ترجع فيه يوم الإطلاق تستلم نسختك! وفوقها هدية بعد! 🎁😍 نشوفكم بكرا بستلمها الحماس مليون! 🔥

- شارك ب اسمك و بكتبه لك بالياباني 🇯🇵:

🚨 مقابلة مهمة عن مستقبل سلسلة Resident Evil! نُشر اليوم مقال ياباني يستعرض مقابلة أجرتها وكالة كيودو مع (جون تاكيوتشي)، أحد كبار المسؤولين التنفيذيين في كابكوم، واللي شارك في تطوير السلسلة من بدايتها. تكلم عن مستقبل السلسلة خلال العشر سنوات القادمة، والريميكات، وكشف بعض الأمور المثيرة للاهتمام. ترجمت لكم أبرز ما جاء في المقابلة من الياباني للعربي، ورتبته على شكل سؤال وجواب 👇 س: هل قصة Resident Evil قربت تنتهي؟ ج: قصة السلسلة ما كانت مخطط لها بالكامل من البداية، وكانت تتوسع مع كل جزء. لكن من وقت التخطيط لريميك RE2 وضعنا خطة تمتد لعشر سنوات، ومع إصدار Requiem انتهت المرحلة الأولى من الخطة. وأتوقع إن القصة توصل لنقطة حسم خلال العشر سنوات القادمة. س: طيب كم جزء جديد راح نشوف خلال هالفترة؟ ج: ما أقدر أحدد العدد حتى ما أحرق عليكم المفاجآت، لكن أقدر أقول إنها مو لعبة واحدة، بل عدة ألعاب. س: ليش اخترتم إصدار الريميكات بهذا الترتيب؟ ج: الترتيب مو عشوائي، وله معنى. أجرينا تغييرات بسيطة على قصص الأجزاء الأصلية، وهالتغييرات راح تتضح أهميتها مع الوقت. واللي يلعب جميع الريميكات ممكن يفهم سبب اختيارنا لهذا الترتيب. س: وش أخبار ريميك Code Veronica؟ ج: فريق تطوير RE4 Remake هو اللي يشتغل عليه، وتطويره صعب جدًا، واضطرينا نعيد العمل على بعض الأجزاء مرتين أو ثلاث. نعرف قد إيش اللعبة مهمة لجمهورها، وعشان كذا ما نقدر نقدم ريميك أقل من المستوى المطلوب. س: هل أحداث Code Veronica راح يكون لها دور أكبر بالقصة؟ ج: الجزء الأصلي كان أقرب لقصة جانبية، لكن مع الريميك راح يقدر اللاعبون يفهمون أهمية أحداثه وعلاقتها بالقصة الرئيسية بشكل أوضح. س: طيب وش سالفة سبنسر والتغييرات اللي نشوفها في الريميكات؟ ج: التغييرات اللي أضفناها على قصص الأجزاء الأصلية راح يكون لها معنى أكبر مع تقدم السلسلة، وممكن اللاعبين أخيرًا يتعرفون على حقيقة سبنسر. س: هل فيه أسرار ما انتبه لها اللاعبون في Requiem؟ ج: حرف Q في اسم Requiem يحمل معنى مزدوج، ومن ضمن معانيه الإشارة للرقم 9. وفيه أيضًا رابط بين أحداث Requiem وResident Evil 7، وهذا الرابط راح تكون له أهمية مع تطور القصة مستقبلًا. س: كيف كانت تجربة تطوير Resident Evil 7؟ ج: المشروع كان يواجه مشاكل، وفي يوم 4 يناير استدعاني رئيس مجلس الإدارة وطلب مني تولي مسؤولية التطوير. جمعت عددًا من المطورين اللي اشتغلوا على الجزء الأول، وكان هدفنا نرجع السلسلة لجذورها ونستعيد إحساس الرعب. وكنت مستعد أقدم استقالتي لو فشل المشروع، لهالدرجة كنت مؤمن بالتوجه الجديد. س: هل سبق وواجهتم اعتراضات داخل كابكوم على قرارات التطوير؟ ج: نعم، حتى التغييرات الكبيرة اللي حصلت في Resident Evil 4 واجهت اعتراضات داخل الشركة. س: وش رأيكم باستخدام الذكاء الاصطناعي في تطوير الألعاب؟ ج: ممكن نستفيد منه كأداة تساعدنا في عملية التطوير، لكن ما نبي نعتمد عليه في الجانب الإبداعي أو نخليه يتولى صناعة الألعاب بدل المطورين. وتطرق كذلك لكواليس تطوير الجزء الأول، وكيف استفاد فريق Requiem من تقنيات مسح الشخصيات وأساليب إنتاج مستخدمة في هوليوود. وبكذا انتهت أبرز التفاصيل اللي جاءت في المقابلة. اللافت بالنسبة لي كلامه عن إن ترتيب الريميكات مقصود، وإن التغييرات اللي شفناها راح يكون لها معنى مستقبلًا، خصوصًا مع حديثه عن سبنسر ونهاية القصة خلال عشر سنوات. وش تتوقعون كابكوم تخطط له؟ 👀 المصدر: وكالة كيودو اليابانية، والمقال المنشور في Horror Gate Magazine.

شكرا لتعليقاتكم الطيبة عن الفلوق الأخير 🇯🇵 والله يعني لي الكثير كلامكم الطيب و بأذن الله الوعد السنه الجاية في معرض TGS 🎮😍

محمد فلود، أمريكي مقيم في السعودية، أوصل رسالة قوية وكأنها من قلب سعودي. شكرا لك على نقل الحقيقة للعالم باللغة الإنجليزية 🇸🇦🇺🇸 Mohammed Flood, an American living in Saudi Arabia, delivered a powerful message straight from the heart of a Saudi. Thank you for sharing the truth with the world. 🇸🇦🇺🇸

اللهم احفظ وطننا الغالي من كل شر، وحسبي الله ونعم الوكيل في كل من يحاول المساس بأمنه. اللهم ارحم شهداءنا واشف مصابينا وصبر أهلهم، واحفظ السعودية وقيادتها وشعبها، ورد كيد من أراد بها سوءا في نحره 🇸🇦 #العقاب_قادم_ياحوثي