#تمہارے_بعد کبھی میرا نہ ہونا تمہیں محسوس ہوگا کسی خاموش لمحے میں کوئی بچھڑی ہوئی ساعت تمہارے دل کے دروازے پہ دستک دے کے پوچھے گی وہ شخص اب کہاں ہوگا جو تمہاری خامشی کو بھی بغیر کہے سمجھتا تھا تمہاری آنکھ کے پیچھے چھپے ہر درد کو پڑھتا تھا کبھی بارش کی بوندوں میں مری آواز گونجے گی کبھی تنہائی کی شب میں مری یادوں کا اک جگنو تمہارے پاس بیٹھے گا تمہیں وہ سب پرانی باتیں بہت بے چین رکھیں گی جنہیں تم نے کبھی ہنس کر بہت معمولی سمجھا تھا تمہیں محسوس ہوگا تب کہ کچھ رشتے بچھڑ کر بھی دلوں سے دور کب ہوتے ہیں کچھ لوگ چلے جائیں تو گھر ویسے ہی رہتے ہیں مگر کمروں کی دیواریں اداسی اوڑھ لیتی ہیں کسی دن میرا ذکر آئے تو لہجہ ڈگمگائے گا تمہاری آنکھ میں شاید کوئی آنسو ٹھہر جائے گا مگر میں لوٹ کر آؤں یہ ممکن تو نہیں ہوگا کہ وقت کے سمندر سے کوئی لمحہ نہیں پلٹتا فقط اتنا رہے گا یاد کہ اک شخص تھا دنیا میں جو تم کو اپنی دنیا سے زیادہ چاہتا تھا وہ تمہاری ایک مسکراہٹ پر اپنے غم بھلا دیتا تمہاری ایک خاموشی پہ خود سے روٹھ جاتا تھا اور جب تم کو لگے گا کہ کوئی تم سا نہیں چاہے گا تو میری یاد کہے گی پھر محبت مر نہیں سکتی بس اپنے چاہنے والے کی صدا سننے کو ترستی ہے۔ ازقلم : انجینئر_کاشف_عباس_کاشی #قافلہ_ادب #سرمایہ_زیست