𝐦𝐨𝐡𝐚𝐦𝐦𝐞𝐝

أمس في المستشفى استنيت مع أمي ثلاث ساعات. جت وحدة من المعارف، عدت الناس، وقالت للموظف: أنا مستعجلة ودخلت قبلنا. أمي ما تكلمت وأنا سكت عشان ما أحرجها. الحين انا نادمة إني ما قلت شيء. مين انحط بنفس موقفي وكيف التصرف اللي يريحك وماتخالف اخلاقك؟

أخوي يبي يتخصص بشيء يحبه، وأبوي يبي له تخصص يضمن له وظيفة ومستقبل. جلست ساعتين أحاول أوفق بينهم، وكل واحد يطلب مني أوقف معه. إذا وافق أخوي وهو غير مقتنع ممكن يكره الدراسة ويتركها، وإذا رفض قد يعتبر عاصيًا. أنا ما أبي أكون بينهما.. وش تنصحوني؟

اشتريت أرض قبل سنة، بنية اني أبني عليها، والحين ارتفعت الأسعار وصار عرض علي بمبلغ مغري. بس أخاف أبيع وأتندم بعدين إذا صعدت أكثر، وفي نفس الوقت محتاج السيولة. أحد عنده تجربة مشابهة ؟

قبل أسبوع اكتشفت إن زميلتي في الشغل تسرق أفكاري وتقدمها للمديرة على أساس إنها منها. لما واجهتها ضحكت وقالت الشغل شغل، والمديرة بعد ما اقتنعت. الحين أحس إني أشتغل وأتعب عشان غيري. هل في احد مر بنفس موقفي، وكيف أتصرف بدون ما أخرب سمعتي بالشركة؟

ياشباب تكفون اللي معة حل يعلمني. أخوي الصغير دخل الجامعة وطلب مني أدفع رسومه كاملة، وأنا مرتبي بالكاد يكفي بيتي. أهلي يقولون أنت الكبير وواجب عليك، وهو يصرف على الجوال والمطاعم أكثر من دراسته. صرت محتار بين ضميري ووضعي المادي، ما اعرف ايش اتصرف!

من يوم نقلت الشقة الجديدة والجيران فوقنا يسهرون لين الساعة 3 الفجر، موسيقى وضحك وصراخ أطفال. كلمتهم مرتين بأدب وقالوا: احنا أحرار في بيتنا، وأنا دوامي الصبح وصرت أنام ساعتين بس. وش أسوي بدون ما أصير عدو لهم؟

صح ان العمر كما يقال مجرد رقم لكن مش هكذا 🥲 اليوم اكتشفت إن أهلي يعرفون عني أشياء أقل مما كنت أتوقع. جونا من التعداد السكاني، أخذوا البيانات. ولما وصلوا عند اسمي سألوهم: مواليد كم؟ قالوا بكل ثقة: مواليد ٢٠٠٠. وأنا مواليد ٢٠٠٢. يعني يا جماعة الخير أنا مش شخص غريب، أنا أخوكم الكبير. عايش معكم كل هالسنين، وسنة ميلادي عندهم تقديرية… زي سعر التوصيل 😂

تركيب الكانيولا مش إدخال إبرة فقط. الشغل يبدأ قبل ما تلمس يد المريض. اولا عرّف بنفسك واشرح للمريض وش بتسوي؛ إذا المريض توتر، الوريد يختفي. تأكد إن الأدوات كلها جنبّك، لا تقوم في نص الإجراء تدور على شيء. اغسل يدك، وخلي ذراعه مرتاح مو معلقة. اربط التورنيكت وافحص الوريد، البس الكفوف، نظّف الجلد بالكحول واتركه ينشف. لا تلمح الكانيولا وتلمس النيدل. تأكد إن البروب سليم: النيدل يدخل ويطلع بدون تقطيع. شد الجلد باتجاهك عند الإدخال، ادخل بزاوية قريبة من ٣٠، قدم شوي، واستن الدم يبان في بداية الكانيولا. بعدين قدم حوالي ٢ ملم، ثبت النيدل وادفع الكانيولا لحالها للأخير. ثم بعدها فك التورنيكت، اضغط على الوريد، اسحب النيدل، ركب السدادة، وارمي النيدل في علبة الحاد. ثبت الضماد كويس، وجرب بنورمال سلاين إذا ماشي بسلاسة، تمام، اخلع الكفوف واغسل يدك. الكانيولا الناجحة مش اللي دخلت بسرعة. بل اللي دخلت وأنت مرتب امورك، والمريض فاهم، والوريد محفوظ.

لكل ممرض وممرضة، فيه شعور ما تعرف قيمته إلا بعد ما تخلص ورديتك وأنت عارف إنك ما قصّرت. يمكن تكون تعبان، واقف من ساعات، وودك ترجع البيت وتنام لكن لما تخلّص شغلك بأحسن صورة، وتشوف مريض ارتاح بسببك، أو تسمع دعوة من قلبه، تحس إن التعب كان له وزن. ترتاح النفس لما تعرف إنك أدّيت الأمانة مثل ما ينبغي، ودعوة صادقة من مريض أو أهله تقدر تعدّل شعور وردية كاملة. يمكن أنت تنسى الموقف بعد فترة. هو يمكن ما ينسى إنك كنت الواقف معه وهو محتاج أحد. الحمد لله على كل دعوة وصلت لنا، والحمد لله على مهنة أثرها في الناس قبل ما يكون في ورقة الدوام.