メロー | ميروو

عزيزي صانع الأفلام، مو بس في السعودية، بل في العالم العربي وباقي دول العالم؛ هذي رسالة من شخص يحب السينما من يوم كان عمره 9 سنوات الى الان (32 سنة) السينما لها روح، وهذه الروح تتكون من مجموعة عناصر مترابطة ما تقدر تفصل واحد منها عن الاخر: السيناريو، النص، الحبكة، الحوارات، الإنتاج، الإخراج، التصوير، الأنيميشن، التحريك، الموسيقى التصويرية… إلخ إذا تخاذل واحد من هذه العناصر، طبيعي راح ينعكس هذا الشيء على جودة الفيلم ككل فكيف إذا استخدمت الذكاء الاصطناعي بطريقة تقتل روح العمل من الأساس؟ وفوق هذا كله تقول للمشاهد إن العمل إنتاج 3D؟ معليش، لكن جمهور اليوم، سواء متابعين الأفلام أو مترددين السينما، صاروا أكثر وعيًا وذكاءً من إنك تقدر تكذب عليهم حرام إن عمل بهذا المستوى يحصل على الضوء الأخضر، ويتم انتاجه ثم يحصل على رخصة عرض في السينما ولا أحد يجي يقول لي: “لكن هذه إحدى الطرق لتقليل ميزانية صناعة الفيلم” بعيدًا عن المقارنات، الأستاذ الرائع (مالك نجر) قدر يصنع “مسامير” بميزانية محدودة، وقدم لنا واحدًا واذا ما يكون أفضل الأعمال المهمة في تاريخ الأنيميشن السعودي الموضوع مو ميزانية فقط؛ الموضوع كيف تستغل الإمكانيات الموجودة عندك وتطلع منها أفضل نتيجة ممكنة وأيضاً مسألة: “المنتج محلي وسعودي، لازم ندعمه” هذي من أكثر النقاط اللي تستفزني وما أتفق معها أبداً إذا المنتج سيئ، ليش أدعمه من البداية؟ لأنك إذا دعمت المنتج السيئ فقط لأنه محلي، المستثمر ممكن يشوف إن هذا هو المستوى اللي الجمهور راضي فيه، وبالتالي تستمر الأعمال بنفس الجودة أو حتى أسوأ خلونا نبسطها بمثال: لو فيه مطعم يقدم أكل بجودة سيئة، هل المفروض ندعمه فقط لأنه مطعم محلي؟ طبعًا لاء لأن استمرار دعمه يعني استمرار تقديم نفس المستوى السيء للناس والي ممكن يسبب تسمم غذائي ليش ما نطبق نفس المبدأ على صناعة الأفلام؟ وأكثر شيء يستفزني هو استخدام “الوطنية” كسلاح ضد أي شخص ينتقد عمل محلي يا إخوان ويا أخوات؛ حبي لبلدي ووطني الغالي ما يقاس بمدى حبي أو دعمي لمنتج ما يسوى حتى ريال واحد، الوطنية ما هي إنك تجبر الناس على التصفيق لأي منتج محلي مهما كان مستواه ونسكت أي انتقاد، ونقول للي ما يدعم منتجًا رخيصًا: “أنت مو سعودي” أو “أنت ما تحب بلدك”… اتركوا عنكم هذي الأسطوانة اللي ما لها أي علاقة بقيمة الإنسان كمواطن وتذكروا يا أحبتي؛ "النقد هو أساس النهضة" ✅