EL_Metwally 🦅🇵🇸

New pic 😉 لايك وانت معدي ♥️

بمناسبة الكلام ع الشباب : المواهب دي هتسمع اسمها قريب 3 لاعيبة زي ما قال الكتاب زياد ناجح مواليد 2007 لاعب خط وسط يوسف عبد الله مواليد 2009 جناح ايمن عبد العزيز خالد (ايفونا ) مواليد 2009 مهاجم صريح . الولاد دول لو اخدوا فرصة صدقني مش محتاجين صفقات .

هتيجي ان شاء الله يا صاحبي ..

لاعب يجبرك علي احترامه ❤👏 ..

افضل شوط للأهلي منذ تولي عموتة ، تنوع هجومي وضغط متواصل واستحواذ وضياع فرص وتسجيل في الدقائق الاخيرة، شوط نبني عليه كتير الفترة الجاية ..

طول ما بن شرقي في الملعب الاهلي يقدر يسجل طول ما بن شرقي في الملعب الاهلي بيكون خطير ، بن شرقي اهم لاعب في خط هجوم الاهلي السنة دي ولولاه مكنش هيبقالنا شكل هجومي خالص السنة دي ..

انا بحب ياسر ابراهيم وبثق في ياسر ابراهيم وبيبقي عندي اطمئنان في وجوده ، الراجل ده في اسوأ حالاته افضل من كل المدافعين الموجودين ، اتمني يكمل عشان كده هنكون بنستغني عن آخر قطعة امان في دفاعنا ..

يا جماعة الخير امام عاشور مستبعد لاسباب فنية يعني لسوء الاداء لكن الراجل معملش اي مشكلة اخلاقية ولا اعترض ،ايه الحملة المعمولة عليه وليه دخلنا الموضوع في الالتزام ؟ قول مقصر اه ومش في مستواه لكن تمشي مع موجة جماهير المنافس وتتسخن بالشكل ده علي لاعب عندك ؟!

عموتة مضغوط لدرجة انه معندوش رفاهية التجربة في اي بطولة ، بينزل بالاسكواد شبه الاساسي وعايز يكسب في كل البطولات اي ماتش ، جمهور الاهلي قالب الدنيا ع الراجل حرفيا وهو بيحاول ميخسرش حتي في الرابطة وده كويس ومفيد وهيخلينا نلعب علي كل البطولات المحلية الموسم ده .

هندعم كل عنصر في المنظومة لاعبين وجهاز فني وحتي مجلس ادارة ، الفترة الجاية مصيرية حتي لو مش عاجبنا الوضع او زعلانين ، هنقف مع فرقتنا ، عندنا اهم ماتش في الموسم ولحد الماتش ده لا هننقد ولا هنتكلم غير في ايجابيات ، الاهلي محتاج جماهيره واحنا في ضهر النادي ..

فزاعة وفقاعة صنعها الاعلام الرياضي المصري عشان بس يصدرولك انه مرعب ومش بيتغلب عشان ثقتك تتهز وتنزل خسران الهدف منذ انشاء النادي ده انه ياخد الدوري والمحاولات السنة دي هتزيد ، لو عندنا لاعيبة رجالة بجد ينزلوا ياكلوا الفرقة دي عادي عشان هي فرقة عادية ..

عشاق محمد هاني هيزعلوا مني بس التلاتة لعبوا مكان هاني ومحسيناش فرق كبير بينهم وبينه بالعكس ده فيه ناس تفوقت عليه دفاعيا وهجوميا ..

اللي بيعمله مجلس ادارة الاهلي حاليا هو الصح مافيش نادي بيدار بالجماهير ، لكن كان فين الكلام ده لما حضرتك سمعت كلام الجمهور ومشيت موسيماني وبعده كولر وبعدهم مرضتش تجيب البدري ؟ حضرتك حاليا بتعمل اللي كان المفروض يتعمل بس مع الشخص الخاطيء وفي الوقت الغلط ..

الراجل طلع يحلل لاعيبة الاهلي واحد واحد وينظر علي المدرب وحسسنا انه جوارديولا انهارده بياكل 3 عادي وولا شوفنا شلاطة ولا ابوسنة ، منه لله اللي كان السبب ..

تاني بكررها عموتة مش مدرب سيء وCV قوي وراجل حقق نجاحات في اغلب محطاته التدريبية لكن فلسفته مش ماشية مع هوية النادي ، بس الراجل مضربناش علي ايدينا ، حضرتك عارف اسلوبه وعارف طريقة لعبه وعارف انها مش هتعجب الجماهير وبرضو اختارته ! المشكلة عندنا صدقني ..

ولم نكن نعلم انها بداية اللعنة ...

عامل 25 دقيقة رائعة ضغط عالي ب3 لاعيبة في كل موقف وانتشار ممتاز واتقدمت بهدف . ايه اللي حصل بعد كده ؟! ايه التراجع الغير مبرر ده ؟ ليه شكلنا وحش كده ، ليه بنسيب الفرقة اللي قدامنا تمسك كورة وتلعب علينا بالطريقة دي ؟

مصطفي شوبير انقذ الدوري وانقذ عموتة وانقذ جمهور الاهلي من الجلطات ..

لا مش حظ ولا توفيق .. ده عمل علي ضهر جمل والجمل بيجري في الحبشة ومحدش عارف يوقفه !!!

فردة تقيلة اوي في مركز 10 .. نقطع الاعارةوينضم في يناير وياخد فرصة هنشوف عظمة ..

حتي لو الاداء مكنش احسن حاجة ، بس كل الدعم لو كملت في السكة دي يا عموتة ، احنا عايزين اللاعيبة اللي تموت نفسها مش شلة الموظفين وصدقني العدل اساس الملك . والنتايج هتتحسن والاداء كمان .. كمل يا عموتة واحنا معاك ...