ليلى

#حقوق_الانسان_النسويه_ليست_جريمه أمن الدولة يوضح أن الفيديو الذي بثته إدارة مكافحة التطرف لم يوفق القائمون على اعداده، وأنه نتاج تصرف فردي، حيث ذُكر في الفيديو أن #النسوية تعتبر فكر متطرف، وهيئة حقوق الإنسان توضح: “النسوية في السعودية غير مجرمة”.

سنواتٌ خدّاعات! يا سبحان الله يا ذا العالم ... والله تحصل أي أحد يتكلم عن أي شيء، شفت واحد يتكلم عن علم ابن عثيمين وأنه مجرد قارئ وينقل الأشياء اللي قراها وهو حتى ما عنده شهادة أكاديمية تخوله! ابن عثيمين يا عالم! الإنسان اللي عكف على العلم، وتاريخه يشهد طبعًا .. يجي واحد كذا من طرف الشارع ويقول عنه كذا ... تدرون ايش كمان؟ يكذب أحاديث نبوية كثيرة ويكتب بالفصحى يعني إنه رهيب، ويقول إن كل أحاديث النبي ﷺ اللي تتنبأ بالمستقبل كلها ماهي صحيحة لأنه النبي ﷺ ما يقدر يتنبأ بما سيحدث في العالم، ويتجاهل بديهيات كثيرة تخص نبوة محمد ﷺ من التأييد الإلهي في الأقوال والأعمال. وواحد ثاني ماسك الترند طالع يهبّد ويتكلم عن الذات الإلهية وما بقّى قذف في بنات المسلمين ولا كلمة واطية ولا قذارة إلا مسويها، ومتجاوز تجاوزات كثيييييرة على الصحابة، وتدري وش العجيب إن عنده أسلوب يخلي بعض الناس يُعجبون بهذا النوع من الجرأة القذرة، ما تدري تنصدم من مين والله العظيم. صدق الرسول ﷺ يوم قال: "سيأتِي على الناسِ سنواتٌ خدّاعاتٌ؛ يُصدَّقُ فيها الكاذِبُ، ويُكذَّبُ فيها الصادِقُ، ويُؤتَمَنُ فيها الخائِنُ، ويخَوَّنُ فيها الأمينُ، وينطِقُ فيها الرُّويْبِضَةُ" اللهم أحيينا حياةً طيبة، واكفنا شر الدنيا وما فيها.