قبل كم يوم صار معايا موقف لطيف وربي ما تخطيطه ههههههه
تخيلو رحنا نزور خالتي بعد فترة طويلة وكنت طالعة من اختبار ورا بعض وهلكانه تعب وجهد وجسمي كله متكسر وفيني نومة الدنيا
يوم وصلنا خالتي لاحظت علي وقالت لي واضح النوم بوجهك روحي نامي بغرفة البنات الحين
طبعاً أنا من كثر النوم مستثقلة حتى أتحرك كان بيدي الجوال ومعاه السماعة وسلسلة ذهب فكيتها بسرعة لأنها كانت مزعجتني وأنا لابستها عشان الكشخة فحطيتهم كلهم على طاولة المدخل ودخلت الغرفة نمت
وأنتو بكرامة عشان أغسل وجهي وأقوم طلعت من الغرفة وقلت لخالتي بعد ما غسلت وجهي إني بدخل أنام وطلعت على طول رميت نفسي بالسرير
وبعد شوي سمعت صوت خالتي تصارخ علي عشان يوصلني صوتها وهي تقول:
"شفتك حاطة جوالك وسلسلتك وأغراضك على طاولة المدخل!
يا بنت انتبهي
الناس رايحة جاية يضيع حلالك!"
رديت لها بنبرة نعسانة:
"يا خالة لا تقلقين خليهم هناك ما أحتاجها ولا راح تضيع إن شاء الله بكمل نومي
وهي قعدت تستغفر وتقول:
"هالبنات نايمين في العسل ومدري وش" 😂
وبعد تقريبا نص ساعة وأنا بعز نومي أحس كأن أحد يمسح على شعري بهدوء هههههههه وأنا فزيت مفجوعة لأني لحالي بالغرفة وبعز الظلام!
طلعت هي خالتي الله يسعدها جايبة جوالي وسماعتي وسلستي وحاطتهم جنب المخدة وتقول لي وهي تمسح شعري:
"ههههههههه خفت تنسينهم برى وتصحين تحاتين قلت أحطهم لك هنا عشان ترتاحين وتطمنين وراحت
الزبدة من هذا كله الكياته ذي ما تخطيتها ابد 😔❣️
