a Manuela Iglesias Cid

Durante a súa crónica (negra) da #FolgaXeral11N, a @tvgalicia dedicouse a magnificar anécdotas como insultos ou breves momentos de tensión, obviando que as mobilizacións foron polo xeral pacíficas e sen incidentes. Pero artellar unha peza de máis de dous minutos a partir dun aparente empurrón mentres se despacha en 10 segundos o atropelo a un sindicalista de @ccoogalicia ou se obvia o atentado con artefacto explosivo a unha sede sindical (@UGTVigo), di moito dos criterios (des)informativos, que se esforzaron en demonizar os convocantes (en especial @galizaCIG). O tratamento desta xornada de folga, nun país serio, obrigaría a dimisións ou destitucións aos máis altos niveis da radiotelevisión pública, neste caso a #CSAG (@crtvg). Asemade, na @facom_usc farían un magnífico labor pedagóxico analizando nas aulas as distintas pezas emitidas para ensinar ás futuras profesionais exemplos reais de NON-XORNALISMO. Amigable lembranza final de que a ética e dignidade profesionais está moi por riba de todo isto. E, mañá, un novo venres negro; oito anos e medio xa de mobilizacións para que a CSAG non sexa o órgano de propaganda do Partido Popular e responda, unicamente, á misión de servizo público a que obriga a lei.

Remaquetamos para as RRSS o comunicado do comité intercentros da #CSAG (antiga @crtvg), dando conta do exitoso desenvolvemento da folga xeral nos medios públicos galegos. (V. O. ao final). Desculpade os posibles erros de transcrición e permitídenos un sonoro aplauso a @DefendeAGalega por facer que a mobilización se notase na programación habitual. Unha mágoa, iso si, que a man militar que rexe os destinos da #CSAG impedise informar disto no propio #TeleXornal.