مُحَمّد | بلا مَثـيل 🇸🇦

إنطباع سريع عشان ارجع العب 😅.. اللعبة تذكرني كثير بـ Black Myth: Wukong لكن حتى الان اشوفها افضل بكثير. اللعبة تحسها استعراض انميشن وحركات جنونية وتبدع بهالشيء لكنها تسلب حريتك باللعب! اسلوب اللعب والقتال رائع جداً جداً ويعطيك نشوة وحماس خصوصاً لما تصد ضربات من اعداء كثيرين بنفس الوقت وتسوي اقصاء متتابع لهم!! الإستكشاف حلو يغلب عليه الخطية مع بعض المناطق المقفلة اللي تطلب ادوات معينه عشان ترجع لها بعدين مثل نظام الميترويد.. تصميم العالم وتفاصيله والموسيقى رائعه والاجمل انهم ماهم متقيدين بطابع او نوع واحد فيه تنويع حتى بالموسيقى بين ميتال والتكرونيكس!!! تصميم الاعداء مبتكر ومميز مع لمسات وقصص واصول للزعماء ما تحسك انك دخلت مكان ولقيت غراب برأس فار يبي يتوطى ببطنك. الصعوبة حلوه وموزونه ما تحس ان اللعب تطفشك بالعكس تختبر ردة فعلك وتحسسك انك البطل ما يجي جحش صغير ينهيك! خيارات الأسلحة كثيرة ومتنوعه واللعبة تشجعك انك تبدل بينهم وتجرب اشياء ومجددا الانميشن لكل ضربة ولكل سلاح يسحرك.. فيه كم ملاحظه مضايقتني ((حالياً)).. - احس ان مافيه حريه بالتحكم والحركة بالشخصية خصوصاَ بالقفز والجزئيات البلاتفورميه حدك تضغط الزر المطلوب منك وتتفرج على الشخصية تسوي انميشن وحركات وترقى :/ - القصة مبعثره وعشوائية وكل شوي قبل يوم وقبل سنة وقبل ساعة ومدري كم للحين 8 ساعات ماني فاهم شيء بس مستمتع بالقيمبلاي.. - بينما اللعبة تبدو رائعه وفيه تفاصيل وانعكاسات واشياء جمالية الا ان فيه كم ملاحظة بالاداء ودروبات بالمناطق الجديدة ولا ننسى انها انريل تراب 5 فما تخلو من الستتر و التغبيش والحرابيط اللي تحلها المودات.. - للاسف مافيه خيار FoV والكاميرا احيانا بنص القتال تضيعك وتدخلك بشجر او احجار.. حتى الان مستمتع جداً باللعبة وسعيد انها كانت قد الهايب واكثر ومتحمس اشوف باقي المناطق وانواع الاسلحة و الاعداء..