Ashingiye ku bubasha yahawe na Minisitiri w'Ubutabera/Intumwa Nkuru ya Leta ; uyu munsi Umuyobozi w'Akarere @RadjabM yakiriye indahiro z'abahesha b'inkiko batari ab'umwuga 32 bo ku rwego rw'Akagari, baherutse guhabwa inshingano z'abanyamabanga nshingwabikorwa b'Akagari.

Uyu munsi Visimeya Umutoni Jeanne yakiriye itsinda ry'abakozi b'Akarere ka Nyabihu baje mu Karere mu rugendo shuri rugamije gusura ibikorwa bigamije kurwanya imirire mibi n'igwingira ry'abana bato no guteza imbere imirire iboneye ku bana, ababyeyi batwite n'abonsa no kwigiranaho.

Uyu munsi Umuyobozi w'Akarere @RadjabM yayoboye inama y'umutekano yaguye; barebera hamwe uko umutekano umeze mu Karere, imikorere y'amarondo,imigendekere y'igihembwe cy'ihinga 2027A n'imyiteguro y’amatora y'abayobozi azatangira kuwa 24/10/2026 ku rwego rw'Umudugudu. #Amatora2026

📌 Itangazo rijyanye n’amatora y’abayobozi b'inzego z’imitegekere y’Igihugu zegerejwe abaturage n’ab'Inama z’Igihugu, iwacu ku Mudugudu. Ni kuri uyu wa Gatandatu, tariki 24Ukwakira 2026. Ntuzabure! #Amatora2026

Harabura iminsi 4 yonyine ngo dutore abayobozi ku rwego rw'Umudugudu. Kwitabira aya matora ni inshingano zacu twese, ntuzabure! #Amatora2026

Uyu munsi mu Karere hizihijwe Umunsi w’Umugore wo mu Cyaro. Itsinda ry'abagize Ihuriro FFRP na PES @JeanneNhabimana bifatanyije n'Ubuyobozi bw'Akarere n'abatuye Nzige muri ibi birori, hashimwa uruhare umugore wo mu cyaro agira mu mibereho myiza y’umuryango n’iterambere ry’Igihugu

Uyu munsi mu Murenge wa Mwulire, Meya @RadjabM yakiriye itsinda ry'abadepite bagize Ihuriro FFRP bari mu ngendo zigamije kureba ishyirwamubikorwa rya gahunda zigamije gufasha kubaka Umuryango no gukora ubukangurambaga ku muryango utekanye n'indangagaciro z'umuco nyarwanda.

Kuri iki Cyumweru, Mu Karere hakozwe siporo rusange, imenyerewe nka #CarFreeDay . Muri iyi siporo Meya @RadjabM n'abandi bayobozi bifatanyije n'abatuye Umujyi wa #Rwamagana , abakangurira kugira umuco wa siporo no kwirinda ibiyobyabwenge n'inzoga zangiza ubuzima. #SoberGen

Uyu munsi abagize Inama Njyanama y'Akarere bateraniye mu nama isanzwe, iyobowe na Perezida w'Inama Njyanama y'Akarere @rangira_lambert ,biga ku ngingo zirimo; inyandikomvugo y'inama iheruka, raporo z'igihembwe, gusuzuma ibyemezo by'Inama Njyanama bitarashyirwa mu bikorwa n'ibindi

Uyu munsi mu Karere ka #Rwamagana habereye ibiganiro by'abagize amahuriro y'ubumwe y'ubudaheranwa bo mu Turere twa Rwamagana,Kayonza,Ngoma& Kirehe, hagamijwe kuganira ku mateka y'Igihugu n'urugendo rw'ubumwe n'ubudaheranwa nyuma y'imyaka 32 Jenoside yakorewe abatutsi ihagaritswe.

Ubuyobozi bw'Akarere bwifatanyije n'Abarimu kwizihiza Umunsi Mpuzamahanga wa Mwarimu mu Mirenge. Meya @RadjabM yifatanyije n'abakorera mu Murenge wa Muhazi kwizihiza uyu munsi "Gushyigikira abarimu:Imyaka 60 yo kurengera umwuga w'uburezi,kuwuteza imbere no gutegura ahazaza hacu"

Uyu munsi Umuyobozi w'Akarere @RadjabM yifatanyije n'Ishuri KWIGIRA TVET n'abafatanyabikorwa mu gikorwa cyo gushyikiriza ibikoresho abanyeshuri 150 barangije amasomo y'imyuga n'ubumenyi ngiro mu budozi, amashanyarazi, guteka no gutegura amafunguro, bizabafasha kwihangira umurimo

Uyu munsi hatangijwe ukwezi kwahariwe ubumwe n'ubudaheranwa. Meya @RadjabM yifatanyije n'abatuye Kigabiro,Nyagasenyi muri iki gikorwa cyabanjirijwe n'Umuganda w'abakorerabushake wo gutunganya umuhanda, hizihizwa Umunsi wo Gukunda Igihugu "Twigire ku mateka Twimakaze ubumwe bwacu"

Video: #DukumireIbiza , turwanye ibiyobyabwenge n'inzoga zangiza ubuzima, tugire #SoberGen

Uyu munsi, mu Mirenge itandukanye y'Akarere hakozwe #Umuganda rusange usoza ukwezi kwa Nzeri. Umuyobozi w'Akarere @RadjabM n'abandi bayobozi bifatanyije n'abaturage b'Umurenge wa Nzige mu muganda wo gucukura imirwanyasuri mu Kagari ka Kigarama.

Muri iki gitondo, mu Karere hakozwe siporo rusange, ku nsanganyamatsiko igira iti: "Siporo ni ubuzima, nta kudohoka". Umuyobozi w'Akarere @RadjabM n'abandi bayobozi bifatanyije n'abatuye Umujyi wa #Rwamagana n'urubyiruko rw'abanyeshuri muri iyi siporo rusange izwi nka #CarFreeDay

Umukino wa gishuti wahuzaga ikipe y'abakozi b'Akarere ka Rwamagana n'iy'abakozi b'Urwego rwa RCS/Rwamagana urangiye ikipe zombi zinganya ibitego 2-2. Meya @RadjabM yasabye Urubyiruko n'abakozi muri rusange gukomeza gukora siporo no kwirinda ibiyobyabwenge n'inzoga zangiza ubuzima

Uyu munsi mu nteko z'abaturage, Guverineri @PudenceR yifatanyije n'Ubuyobozi bw'Akarere n'abaturage ba Munyaga mu nteko zateraniye mu Kagari ka Nkungu. Abaturage bakanguriwe kwitegura neza igihembwe cy'ihinga 2027A no kurwanya inzoga zitujuje ubuziranenge kuko zangiza ubuzima.

Mu iki gitondo, mu Mirenge yose y'Akarere hakozwe siporo rusange. Umuyobozi w'Akarere @RadjabM ari kumwe n'Umuyobozi Mukuru wa @REBRwanda n'abandi bayobozi bifatanyije n'abaturage n'abanyeshuri biga mu bigo byo mu Mujyi wa #Rwamagana muri iyi siporo izwi nka #CarFreeDay .

Uyu munsi mu Karere hateranye inama y'uburezi yigaga ku ngingo zirimo; uko ibigo by'amashuri byitwaye mu bizamini bya Leta bisoza umwaka w'amashuri 2025/2026 n'ingamba z'undi mwaka, imyiteguro y'itangira ry'umwaka w'amashuri 2026/2027 &gahunda yo kugaburira abanyeshuri ku ishuri.