وأعطِ دون مَنَّ

قضية الشوش اللي في سوهاج اللي زوج قتـ..ـل مراته عشان شاكك بعلاقتها باتنين تانيين طلع فيها كلام جديد يصدم. كلنا فاكرين لما طلعت رواية إن الراجل اكتشف خيانة مراته وإنه عمل اللي عمله بدافع الشرف، والناس على فيسبوك ساعتها انقسمت، في اللي شافه بطل وشهامته بتنقّط وبيغسل عاره، وكل واحد طلع برواية من عنده، هو يقول كلمة وأخوه يزود عليها وأهل المنطقة يحطوا التاتش بتاعهم. البنت وأهلها في الوقت ده شافوا أيام ما يعلم بيها إلا ربنا، كلام في العرض والشرف، وناس بتتكلم وناس بتحكم وناس بتقطع في سمعتها وهي مش موجودة ترد. وكانوا بيقولوا في صور وفيديوهات دليل على الخيانة، واتقال إنها هي السبب في كل اللي حصل. أنا شوفت بوست وقت الحادث لزميل سينارست وهو بيتكلم قد ايه ان الرجالة في الصعيد بس اللي عندهم النخوة والرجوله وفضل يغلط في الأرياف وأنهم مش رجالة ولا عندهم نخوة المشكلة مش في كم البوستات اللي اتكتب تمجد القاتل وانه عادي نبقي في غابة ونقتل بعض المشكلة في عقلية الناس اللي اصبحت داعشيه وكلها اجرام وعقد نفسية لكن المفاجأة بقى اللي ظهرت في التحقيقات الجديدة بتقول عكس كل ده تماما. التحقيقات أثبتت إن الزوجة حسناء بريئة وملهاش أي علاقة باللي اتقال، والصور اللي اتبنى عليها الاتهام طلعت مفبركة، وهو نفسه أقر بده قدام جهات التحقيق. والموضوع طلع ابتزاز، طلب من أهلها 500 ألف جنيه ويتنازلوا عن القايمة عشان يطلق من غير فضايح، وكان عايز يخلص من الجوازة عشان في حد تاني في حياته. أما بالنسبة للميكانيكي وصاحبه، التحريات بتقول إن كان في خلاف قديم بينهم وبين عيلة الجاني، وإن حصلت خناقة مع أخوه وضربوه في الشارع وهو مسافر، فاستغل الاسم ده في خطته. يعني دمر عيلتين ومكتفاش بالقتل لأ رتب وفكر ودبر مهموش شرف زوجته اي فكر واي عقل ده خسارة ف الإعدام ده يتم تحنيطه عشان يكون عبره يعني الرواية اللي الناس صدقتها واعتبرته فيها زين الرجال طلعت في الآخر ظلم لبنت راحت ومش هتعرف تدافع عن نفسها. قد إيه كلمة من غير دليل ممكن تدمر سمعة بني آدم وتخلي الكل يتكلم في عرضه. النهارده الحقيقة ظهرت وحسناء طلعت أشرف من كل كلمة اتقالت عليها، وربنا يرحمها ويغفر لها ويرجع حقها من كل واحد اتكلم عليها ظلم.