ᴘᴏᴡʀ شوش

كيف تغيّر حياتك في يوم؟ كيف تصير غني ومشهور في شهر؟ كيف تصير معضل في ٣٠ يوم؟ كيف تجيب مليون مشاهدة بيوم؟ من كثر ما نشوف هالكلام بالسوشال ميديا صرنا نستعجل على النجاح كأنه تأخر علينا. ثقافة الترند والانتشار السريع خلتنا نشوف الاستثناء كأنه الأصل. استوعبت إن مو كل ما بذلت مجهود لازم أشوف نتيجته على طول. الموضوع يحتاج صبر على الشغل واستمرار فيه، وممكن تتأخر النتيجة وممكن ما تجي مثل ما تمنيت أصلًا. اللي علي أستمر وأشتغل وأتعلم وأتطور، بدل ما أنتظر مقابل لكل مجهود أبذله. والنتائج والأقدار بيد رب العالمين. وأتذكر هنا قول الله: ﴿إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ﴾ يمكن اللي أقوله بديهيات، بس السوشال ميديا خلتنا ما نستوعبها.