جارالله العجمي retweeted
بادىءً ذي بدء ، عذراً يا المظاليل الوسيعه ،
حال دونك رايحن جراهد البيدا نفضها
وان ترادف وابله من فوق وادن فاض ريعه ،
المسايل خلها في فالها لا تعترضها
شاعر ٍ ينقى من الالفاظ نوّارة ربيعه ،
كل ما ركّب خياله واينعت زهرة لفظها
اشهد ان الثقل بوابه للاخلاق الرفيعه ،
من دخلها عيّن التقدير والهيبه فرضها
وكثرة المزح المغلّف بالحركات اللكيعه ،
كان مانزل وحط من المكانه ما نهضها
يا خفيف الظل خفف شدة اخطاك الشنيعه ،
لا متى وانا اشجب اخطاك الشنيعه وامتعضها
دابلن كبد الفكاهه بالتفاهات الوضيعه ،
وكبد ابوك الله يحفظه وامك الله يحفظها
ألحق اقرانك وشاركهم بمركاض القطيعه ،
ركضةٍ ماعاد اعرف اول ولا اخر من ركضها
العلاقات المريضه ما وراها الا الفجيعه ،
لا تماطل في نهايتها وتبلاك بمرضها
والاكيد ان كل قطّة وجه وميانه سريعه ،
في طرفها نكبةٍ لابد ما تدّي غرضها
دوّر اللي يبذل المجهود باللي يستطيعه ،
وخل عنك اللي يكبرها لجل ياخذ عوضها
المراجل كان خالطها ريا ولاّ خديعه ،
تبهرك عن بعد لكن من قرب منها بغضها
والصداقه صدق ود ونصح سر وعهد بيعه ،
بيعةٍ لو تدخل الرجال قبره .. ما نقضها
والكرامه وهبه من الله وجينات وطبيعه ،
عند اهلها من ملذات الحياه اعز واضهى
والذرابه تلهم الرجال اساليبٍ بديعه ،
تلمس الابداع حتى فالعزيمه لا عرضها
والمعرفه كان ما ترجمتها لافعال ضيعه ،
ضيعة وصاةٍ توصيها بليدٍ ما قبضها
وان ضربت الامثله من غير تبرير وذريعه ،
الشكر اللي قبلها والعفو للي رفضها
معرفة الاسلام ما تجمع شمل سنه وشيعه ،
بين احاديث نتأولها وادله نفترضها
ومعرفة الاخلاق ما تفرض قوانين وشريعه ،
العرب لولا الحكومه عودت تاكل بعضها
عجزت لا شيل العتب فوق كتفي
طوفت لك واجد على شان ماضيك
داريتك بشوقي وخوفي وعطفي
اهملت نفسي وللأسف كنت اداريك
مع كل تقديري وشكري ولطفي
اسمح لي ارحل وابتعد عن اراضيك
بقفي وإذا بتسأل أنا ليه مقفي ؟
حبيت فيك اشياء ما عادها فيك .
جارالله العجمي retweeted
يالإنسان .. كون انسان / مؤمن بعلم الغيب :
وانا اضمن لك اللذة ( بالأحلام و الأمال ) ..
-
كم لي احاول احدد وجهتي وارسم طريقي ،
والبنادم .. ماله الاّ يجتهد فـ محاولاته ..
.
كن حبيبة قلبي احلامي او احلامي صديقي ،
وكني اللي لاجلهم ضحّى وغامر في حياته
.
امنيات المرء تكشف معدن المرء الحقيقي ،
مستعد اعرف نوع المرء من نوع امنياته
حبيبي ماهقيت انك حبيب لواحدٍ ثاني
وانا اللي مستعد اضر روحي قبل ما اضرّك
.
على بالي وقف طيفك لحاله بدّ خلاّني
هو الثابت وغيره لو يمر البال .. متحرّك
.
عسى الله يغفر ذنوبي وكذبي عند من جاني
لاقال علومك ؟ وقلت العلوم بخير وتسرّك !
اصغر تفاصيلك لها تاثير
وانا تحت تاثيرك اعاني ..
ما احس بانك غير واني غير
احس انا انت او انت انا ثاني
امانتك حاول تكون بخير
ماهو على شانك على شاني ..
لاصرت بايعني اشوفك على خير
مع السلامه دام مابه .. سلامه ،
قلت انتهينا ؟ قلت لك خير يا طير
ماني بأول شخص يخسر غرامه .
ليلة ٍ ما تمر ( الغافل المستريح )
شرّعت للسهر باب احتمالاتها
يسرق الصمت مايخطر فـ بال الجريح
تكثر الاسئله .. وتقل اجاباتها
عن كريم القلق صوت الحناجر شحيح
التوتّر .. يجرّدها من اصواتها
أبتسم من ورا قلبي .. وقلبي صريح
ما يجامل شفاهي و ابتساماتها ..
مع اذان الفجر :
﴿ رَبِّي اجعَل هَذَا البَلد آمِناً ﴾
اللهم احفظ الكويت و دول الخليج و أدم علينا نعمة الأمن و الأمان .
يرضيك وأنت أغلى بشر وأقرب إنسان
تسكني الغربه و أنا في بلادي !
وشلون أجي تعبان .. و أروح تعبان
بالعاطفة مافيه موقف حيادي ..
هذي حياتي ، لوحه و علبة ألوان
و ريشة حزن سرقتها من عبادي
حطيتها قدام عينك على شان
تختار فيها لون غير الرمادي .
جارالله العجمي retweeted
يا وطنا ما يزعزعنا خبيث المله
لو يحاربنا بعنقودي وقصف مدوّي
العقيده راسخه وسيوفنا منسله
وجيشنا بالمرجله متشبّع ومتروّي
ماعليك خلاف وارقد وآمن بحفظ الله
وانت علمنا يا كلب ايران وش بتسوي ؟
الوطن فوقه صقورٍ مرقبه ومطله
ودونه مطنّخ مداغيش الدفاع الجوّي
يا كويت العز و معاديك ناطى خده /
اعتزي فينا .. و كل اللي تبينه صاير
مايبور المعدن الطيّب نهار الشده /
والوطن دونه رجاله خلجت ام الباير
من جديد و مجددا و من قديم .. تاج راسك و راس اللي خلفوك و اللي يدعمونك ..
This Post is from a suspended account. Learn more
جارالله العجمي retweeted
﴿ ربِّ اجعَل هَذا البَلَدَ آمِناً مُطْمَئِناً ﴾
اللَّهم أحفظ خليجنا وقياداتنا وشعوبنا
بعينك التي لا تنام ..♥️









