Sylivanus Karemera

NAIROBI, KENYA. Jiji kuu la Kenya, Nairobi limeibuka mshindi wa kinyang’anyiro cha kuwania uandaaji wa Mashindano ya Dunia ya Riadha ya mwaka 2029, likiishinda London katika uwaniaji huo. Kenya itakuwa mwenyeji wa mashindano hayo kwa mara ya kwanza barani Afrika. #SautiyaAfrika

NIAMEY, NIGER. Jaribio la mapinduzi ya kijeshi linaendelea katika mji mkuu wa Niger, Niamey, baada ya wanajeshi waasi kushambulia uwanja wa ndege wa kimataifa na maeneo ya karibu na ikulu mapema Jumamosi. Mashambulizi hayo yalisababisha milio ya risasi na milipuko iliyodumu kwa saa kadhaa, huku vikosi vya usalama vikijibu kwa nguvu katika jitihada za kurejesha udhibiti wa maeneo muhimu. Kwa muda, wanajeshi hao pia walidaiwa kuwateka baadhi ya maafisa na kusababisha matangazo ya televisheni na redio za taifa kukatika. Serikali ya kijeshi imetuma vikosi zaidi katika maeneo muhimu ya mji mkuu, huku barabara kadhaa zikifungwa na shughuli za kawaida kuvurugika. Hadi sasa, hali katika Niamey bado ni ya wasiwasi, huku kukiwa na taarifa zinazokinzana kuhusu kiwango cha udhibiti wa waasi na vikosi vinavyoiunga mkono serikali. Mahali alipo kiongozi wa utawala wa kijeshi, Jenerali Abdourahamane Tiani, bado haijulikani, wakati mamlaka zikisema juhudi za kurejesha utulivu zinaendelea. #SautiyaAfrika #Niamey