The Atlas Mind

يحيى الملك يحيى الوطن #المغرب #سبتة_ومليلية_مغربيتان

التنمر على اللكنة المراكشية داخل قبة البرلمان أمر غير مقبول، وما خاصوش يدوز بلا محاسبة. مراكش وبزاف ديال المناطق الأمازيغية والمغربية عندها لكنتها الخاصة، وهاد التنوع جزء من هويتنا وماشي سبب للسخرية أو الإهانة. البرلمان ماشي مسابقة فالفصاحة ولا فالعربية ديال امرئ القيس! المطلوب من المسؤولين هو يوصلو الرسالة للمواطنين، يناقشو مشاكلهم ويقدمو الحلول، ماشي يتنافسو شكون كيهضر بعربية أفصح. وكنتمنا منك ترفعي دعوى قضائية ضد كل من ثبت أنه تنمر عليك بسبب لكنتك، باش يتحدد واش هاد التصرفات كتدخل فإطار التمييز أو الإهانة المعاقب عليها قانونياً. لأن المسألة ماشي شخصية فقط، بل كتهم كرامة كل مغربي كيهضر بلكنة من لكنات بلادو. الاختلاف فاللكنة ماشي نقص فالثقافة ولا فالكفاءة، والاحترام خاصو يبدا من داخل البرلمان.

الحل لي خاصنا مع الكوفيين.

إلى الحكومة الجديدة: لا تتركوا عباقرة المغرب المنسي يضيعون في صمت. في أعماق جبال الأطلس، وفي القرى والمداشر البعيدة، كاينين أطفال بذكاء استثنائي، بعقول قادرة على الإبداع والابتكار، وبأحلام أكبر من الجبال اللي محاصراهم. أطفال ممكن يكون منهم أطباء، مهندسون، علماء وباحثون، وربما عقول تكون يوماً ما طوق نجاة لهذا الوطن. ولكن المأساة أن الكثير منهم كتنتهي رحلتهم الدراسية عند باب المدرسة الابتدائية، ماشي لأنهم فشلوا، ولا لأنهم ما باغينش يقراو، ولكن لأن الإعدادية بعيدة، والنقل مكلف، والسكن غير متوفر، والعائلة بالكاد قادرة توفر قوت يومها. وزيد عليها الخوف على البنات الصغيرات من التنقل لمسافات طويلة، خصوصاً في المناطق المعزولة. واش كاينة خسارة أكبر لوطن من أنه يدفن ذكاء أطفاله تحت ثقل الفقر والعزلة؟ أناشد الحكومة الجديدة أن تجعل من أطفال المغرب العميق أولوية حقيقية، بتوفير النقل المدرسي، والداخليات الآمنة، والمنح، واكتشاف المواهب ومواكبتها حتى الجامعة. المغرب لا تنقصه العقول، بل تنقص بعض أبنائه الفرصة ليُظهروا ما في عقولهم. قد يكون الطفل الذي سيغيّر مستقبل المغرب اليوم جالساً في قرية منسية، ينظر إلى آخر يوم له في المدرسة، فقط لأن أسرته لا تملك ثمن الطريق إلى الإعدادية. لا تتركوا مستقبل وطن كامل يتوقف عند ثمن تذكرة نقل. #المغرب_العميق #التعليم_حق_للجميع #المغرب_المنسي #تكافؤ_الفرص #أطفال_المغرب