V E T R È

یہ گرد بیٹھ جائے تو معلوم کرسکوں آنکھیں نہیں رہیں کہ تماشا نہیں رہا

رائیگانی کا وہ عالم ہے کہ یوں لگتا ہے میرے حصے میں خسارے بھی نہیں آئیں گے ایسے چھوڑیں گے ترا شہر کہ ہم اس کی طرف گردش وقت کے مارے بھی نہیں آئیں گے

یعنی ترتیبِ کرم کا بھی سلیقہ تھا اسے اس نے پتھر بھی اٹھایا مجھے پاگل کرکے

سارے ڈر بس اسی ڈر سے ہیں کہ کھو جائے نہ یار یار کھو جائے تو پھر کون سا ڈر بچتا ہے

جتنا ہوا سے بند قبا کھل گیا تیرا ہم لوگ اس قدر بھی کسی سے کہاں کھلے محسن کی موت اتنا بڑا سانحہ نہ تھی اس سانحے پہ بال تیرے رائیگاں کھلے

کوئی کندھا دکھ کو ختم نہیں کرتا لیکن رونے میں آسانی ہوتی ہے

زندگی اتنی غنیمت تو نہیں جس کے لئے عہدِ کم ظرف کی ہر بات گوار ہ کر لیں

غزالاں تم تو واقف ہو کہو مجنوں کے مرنے کی دوانہ مر گیا آخر کو ویرانے پہ کیا گزری

ہمیں تک رہ گیا قصہ ہمارا کسی نے خط نہیں کھولا ہمارا

بچھڑنے والے تجھے کس طرح بتاؤں میں کہ یاد آنا نہیں تیرا آنا بنتا ہے

ساقی درِ میخانہ ابھی بند نہ کرنا شاید مجھے جنت کی ہوا راس نہ آئے

چلو کہ ہم بجھے بجھے سے گھر کا مرثیہ کہیں وہ چاند تو اتر گیا حویلیوں کی اوٹ میں

پھر اسی رہ گزار پر شاید ہم کبھی مل سکیں مگر شاید جان پہچان سے بھی کیا ہوگا پھر بھی اے دوست غور کر شاید اجنبیت کی دھند چھٹ جائے چمک اٹھے تری نظر شاید

میں نے پلکوں سے درِ یار پہ دستک دی ہے میں وہ سائل ہوں جسے کوئی صدا یاد نہیں

ہوائے دشت مجھے اب تو اجنبی نہ سمجھ کہ اب تو بھول گئے راستے بھی گھر کے مجھے

میرے جسم و جاں میں تیرے سوا نہیں اور کوئی بھی دوسرا مجھے پھر بھی لگتا ہے اس طرح کہ کہیں کہیں کوئی اور ہے

مالِ مفلس مجھے سمجھا ہے جنوں نے شاید وحشتِ دل سرِ بازار لئے پھرتی ہے

تجھ کو کیا علم تجھے چاہنے والے کچھ لوگ کس قدر سخت ندامت سے تجھے دیکھتے ہیں

آج پندارِ تمنا کا فسوں ٹوٹ گیا چند کم ظرف گلے نوک زباں تک پہنچے

خیر بدنام تو پہلے بھی بہت تھے لیکن تجھ سے ملنا تھا کہ پر لگ گئے رسوائی کو