تسولف لي وأنا منك أتسقى سلوتي لاهنت
عليك الله تطوّل فالحكي لا تقول م أمداني
تمهل بالسوالف شوفني عقب صوتك زنت
تجمل وأردف الموضوع الأول .. واحدٍ ثاني
وش أزين من حديثك مابه أزين منه إلا أنت
تجمعتوا على قلبٍ خلِي .. وصار ملياني❣️.
تمرجح فالضلوع رماح رمشك والغلا جبّار
غرابيبه بحورٍ من قبل لا اسريك غارقها
قضيت الثلث من عمري احبك والعمر مشوار
دروبك ما تملّ وضحكتك من عام سارقها
كبار وننطح القاله ولكن فالغرام صغار
تزعزعنا رهيفات الخصور ان هب طارقها❣️.