Eve

شي مهم للفترة القادمه للهلال وبشكل عام لثقافة المدرج، من فترة طويلة وضعنا ما كان مستقر مثل ماهو مستقر حاليا .. لنا سنوات ما وصلنا لهذي المرحلة، النتائج ممتازة والأجواء إيجابية وعلاقة اللاعبين بالجمهور في افضل حالاتها انتهت فترة الإداريين اللي تواجدهم كان يسبب انقسام وغادروا اللاعبين اللي تواجدهم كان يشحن الأجواء وغرف الملابس، صار فيه مالك إدارة رياضية وهيكل واضح .. لا زال فيه ملاحظات على الأسلوب لكن هذي نقطة فيها هامش تطور ممكن احد الأشياء اللي اختلفت في المدرج الهلالي اخر كم موسم تحديدا من 2022 تضخيم الأخطاء والتركيز على الهوامش، ومعاملة الكيان بمبدأ الثواب، والعقاب الإنتصارات الشخصية على حساب مصلحة الفريق، وكثرة النزاعات والانقسامات اسباب كثير ساهمت في هذا السلوك بدون التطرق لتفاصيل سابقة ومن وجهة نظري المتواضعة اشوف بداية تصحيح ثقافة المدرج والعودة للوضع الطبيعي لازم تبدأ من هذا الموسم .. نطوي صفحة الماضي ونقطة الإنطلاقة لازم تبدأ من الآن الفترة القادمة فترة دعم وحضور ومؤازرة وصنع اجواء صحية داخل وخارج الملعب، بدون تضخيم للأخطاء بدون تكبير للمشاكل، بدون احزاب، بدون المحاربة لإنتصار الآراء الشخصية، بدون التركيز على السلبيات القليلة وترك الإيجابيات الكثيرة تأثير الأجواء الصحية ينعكس على اللاعبين والمدرب وينعكس على كل شي داخل النادي لو اللاعب فالوضع الطبيعي يقدم 100% بالدعم والتحفيز والاحساس بشغف الجماهير وتواجدهم بيقدم 300% من مستواه صناعة نادي بطل تبدأ من مدرجه .. اتمنى الجمهور يركز على شي واحد الفترة القادمه وهو الدعم لنجاح الفريق وبإذن الله الموسم هذا هو نقطة الانطلاقة لعودة الهلال 💙