پاکستان میں قانون کی حکمرانی اور اخلاقی اقدار کی تمام حدیں پار کی جا چکی ہیں۔ بانی چیئرمین عمران خان کی بہنوں کی نظر بندی میں مزید 30 روز کی توسیع کا فیصلہ محض ایک قانونی اقدام نہیں، بلکہ سیاسی انتقام اور فسطائیت کی بدترین مثال ہے۔ انصاف کے ساتھ یہ کیسا مذاق ہے کہ نیا ایم پی او (MPO) حکم نامہ 7 اکتوبر کو جاری کیا جاتا ہے، مگر اسے 26 اکتوبر کو جا کر پہلی بار عدالت کے سامنے لایا جاتا ہے۔ حد تو یہ ہے کہ 9 اور 12 اکتوبر کو ہونے والی سماعتوں کے دوران بھی اس حقیقت کو عدالت سے چھپا کر رکھا گیا۔ جب پہلا 3MPO آرڈر ہی گرفتاری کے بعد جاری کیا گیا تھا، تو یہ ثابت کرنے کے لیے کسی مزید ثبوت کی ضرورت نہیں رہتی کہ یہ پوری کارروائی شروع ہی سے غیر قانونی اور بدنیتی پر مبنی تھی۔ جس ملک میں سیاسی رقابت کا بدلہ لینے کے لیے خواتین اور پورے خاندان کو پابندِ سلاسل کر دیا جائے، وہاں آئین اور قانون کی بات کرنا بے معنی ہو جاتا ہے۔ جعلی فارم 47 کے ذریعے مسلط ہونے والے حکمران اور ان کے سرپرست اپنے خوف اور ناکامی کو چھپانے کے لیے اخلاقی گراوٹ کی آخری حدوں کو چھو رہے ہیں۔ یاد رکھیں تاریخ کا سب سے بڑا سبق یہی ہے کہ جب ظلم اور جبر حد سے بڑھتا ہے تو مٹ جاتا ہے۔ عمران خان اور ان کے خاندان کو انتقام کا نشانہ بنا کر عوام کی آواز کو نہیں دبایا جا سکتا، اور قانون کو کھلونا بنانے والوں کو ایک دن تاریخ کے سیاہ صفحات میں ہی جگہ ملے گی۔ #خان_اور_فیملی_کو_رہا_کرو