احمد المير 🇶🇦

مستمر .. وكالعاده موّال كل سنه وفالاخير مكمل مع السد ✔️

﴿ رَبِّ اجعَل هَذَا البَلد آمِناً ﴾ 🇶🇦

لما السد يمر في ظروف والكل يشوفها من إصابات و إيقاف اهم محترف في الفريق المفروض الجمهور يوقفون مع الفريق، الإصابات قضاء وقدر لكن ناديك انت ملزوم فيه ولازم توقف في الحلوه والمُره وخصوصاً بعد هذا التوقف "بروزو، رومانيولي، اوغستين، كمارا" راح يرجعون وجاهزين لمباراة النصر، وقف مع فريقك في اصعب الظروف. #WeAreAlSadd

هاردلك لجمهور الزعيم .. الفريق امس لعب مباراة كبيره رغم الغيابات، هناك أخطاء واضحة ويجب التصحيح في الشتويه، على الأقل صفقتين تكون في مركز الحراسه ولاعب يقدم الإضافه في مركز الجناح اليمين. والسد لعب بغيابات كبيره اللي هم رومانيولي، اوغستين سوريا، عبدالصمد بوناصر، بروزوفيتش، كلاودينيو، كامارا، موخيكا، يونس الحناش، رغم هذا السد في الشوط الثاني كان يقدر يرجع للمباراة وكان ممكن يقلب المباراة ويطلع بالثلاث نقاط أمام فريق مكتمل الصفوف. ولكن نرجع نقول إن إحنا مع الفريق، ورح ندعم فريقنا ورح نوقف معاه، ونشكر اللاعبين اللي قاتلوا أمس إلى الدقيقة الأخيره. وهناك عتب كبير على مشعل برشم، يعني إحنا لما أشدنا فيك و اشدنا بمستواك، لكن مستواك حالياً يعني خصوصاً في مباراة الأمس كان سيئ، عليك مراجعة نفسك. خوخي بوعلام لاعب كبير وله احترامه، لكن كذلك كانت في أخطاء، نتمنى أنكم تداركونها في الفترة الجاية. وإلى إدارة النادي، نتمنى في الشتويه أنكم تدعمون الفريق بصفقات خصوصاً في مركز الحراسة والجناح اليمين، لازم يكون عندك جناح مؤثر يصنع الفارق لأن أكرم عفيف ما يقدر يسوي كل شي بروحه يعني بالمختصر يد وحده ما تصفق. ولكن إحنا في النهاية مع فريقنا وفخورين في فريقنا، لو أي فريق ثاني كان ممكن يخسر بنتيجه يعني كبيره وما راح يكون منافس على الدوري، لكن إحنا مع الاقتراب من نهاية قسم الأول فريقنا ما زال منافس على الدوري وبغض النظر عن وضعنا في الآسيويه، اللي نتمنى إن التصحيح فيه والفوز في المباريات الجاية. لكن الصراحة يعني الواحد لما يقعد يفكر مع نفسه، لو أي فريق ثاني مر في هالظروف من بداية الموسم ما راح يكون في منافس على ولا بطولة، والاكيد راح يكون وضعه سيئ سيئ جداً. في النهايه مع السد دائماً وأبداً، وفخورين فيكم يا رجال، والجاي بإذن الله أفضل و احسن للزعيم 🤍🖤 #WeAreAlSadd