أمي بشر تمثل بنظري كل البشر
هي تختصر الحياة وتحت أقدامها الجنة
ما أبي إلا » خير الدنيا والأخره
الله يحفظ أمهاتكم جميعاً .
لاحظت في الآونة الأخيرة أبتعاد العوائل عن الزوارات والتجمعات العائلية ، شنو السبب !؟ يا حلوها من أيام لما كانت لمة الأهل و الأصدقاء تجمعنا، والضحكات تزيِّن البيوت ، الحين ما نشوف بعض إلا وقت المناسبات واذا تجمعنا الكل منشغل بتلفونه .
وفي ظاهرة للأسف منتشرة بكثرة في السنوات الأخيرة، وهي نشوف اخ يزعل مع اخوه يزعلون عياله معاه على عمهم ، واخت تزعل مع اختها يزعلون عيالها و بناتها معها على خالتهم ، وبعضهم زعلهم يستمر لسنوات طويلة وينقطع بينهم التواصل وصلة الرحم والعياذ بالله !
تسافر تكمل دراستها بروحها عادي . تدخل على مكتب دكتور جامعة بروحها عادي . تتسوق بروحها عادي . تشتغل في بيئة عمل مختلطة عادي . لكن عندما يأتي الخاطب يحددون له وقت محدد ، يحطون له شروط صعبة: لا تقعدين وقت طول ، لا تتكلمين واجد ، لا تعطين رأي، لا تقولين تفاصيل حياتك ، وكل هذا بدعوى "التحفّظ". نصحية : عطوا بناتكم حرية الإختيار تسأل، تفهم، تعرف، تستكشف، شريك حياتها بناءً على شخصيتها اهي مو قاعد تختار لبس لتلبسه حق مناسبة يوم واحد ، بل شريك حياة تعيش معاه العمركله!
فيه ناس فيهم بركة عجيبة وين ما حط يده في موضوع معين تلقى اموره تمشي بدون تعقيد او تعب.
شنو تتوقع سر هذي البركة؟
"علّموا عيالكم القرآن
والقرآن سيعلّمهم كل شيء
فبالقرآن
يتعلم النطق باللسان والبيان
والتعبير .. والحوار ..
وحسن الكلام والاحترام ..
واللباقة .. والطلاقة ..
القرآن للطفل ..
حياة .. وعبادة .. وسعادة "!
توني طالع من صلاة الجمعة
صار لي موقف وانا طالع من المسجد شفت واحد يلبس ولده الجوتي وانتم بكرامه ، سمعت شخص ثاني يقول له ( اييي لبسه لبسه أنا لبست عيالي وأهم صغار باعوني وتركوني )
وعن أي قلب و رحمة تتحدثُون ؟ 💔
علشان ترتاح ..
مافي بيت خالي من المشاكل، ولا في أهل بلا صراعات، مافي صداقات بلا خلافات ولا علاقة حب خالية من الاختلافات.
مافي زواج ناجح ١٠٠٪ ولا في وظيفة بلا تعب او طريق سير بلا عثرات .
حياتك لم ولن تكون مثالية .. انتَ تقبّل و اشكر الخالق بكافة الأحوال و مثل الرضى..لترضى.
لو نظرت إلى الوراء قليلًا، لوجدت انك عشت ايّامًا ما ظننت انها تمر ابدًا .. لولا لطف الله، لهذا احمد الله دائمًا وابدًا.





