راشد بن خليفه retweeted
تعودت الجروح اللي من الغالين لـ الغالين
و أنا أستاهل وقلبٍ طبعه الغفران يستاهل
عِش العمر وحدك كان ودك كذا تنهيه
و دوّر " عيون تحب " وقلوب حساسه "
ولا تنشد من علوم قلبي ولا تشقيه
توّكل ولا ترجع يا جعلك فدا راسه
ما دام ان (بنت النور) ماعاد لدّت فيه
عسى الله يخلي له محبينه و ناسه
انا كيف احب [ الورد ] واقابله واسقيه ؟
"لا صارت يدين الناس تقطف من إحساسه"
"ريانة العود " دليّني لا عفت الدروب
على هذاك الطريق اللي يمّر الممر
ماظن بسمح من اللي فات كله واتوب
وانا ادري انْك من الأقدار فرصه عمر
قد طحت في حبك اللي كنْه نارٍ شبوب
يا جعله ابرك مطيح وجعله ابرك جمر
عقبك ما لدّت عيوني في غزالٍ لعوب
صدّت وعافت جميع الغيد بيض وسمر
انتي شفاياك ممتليّه ( علاج و ذنوب )
أحيان فيها عسل ، واحيان فيها خمر
خليني اموت عندك راضيٍ ومغصْوب
عادي يموت الهواوي عند موتٍ حمر
أتذكرك ، كل ما هبّت عليّ الهبوب
ومْع كل فنجالٍ اشقر عقب فردة تمر
لا تدوّرين الزعل ، و تعيّفين القلوب
كبدي من العام كنها فوق وقدة سمر
الله عطاك العيون اللي زعلها كذوب
والله عطاني القصيد اللي يحل الأمر !
مستغرب ان الجفى ماعاد يبكيني ؟
لا تنصدم من سكوتي هد من روعك
انا نفذ " دمعي " اللي كان في عيني
عطني من عيونك اللي تذخر دموعك
"يا نديم الشعر" لا ناداك شِعري لبّه
أدري انك تحفظ ابياتي وتعرف طرقي
دام دمعي لا مسكته طاح وأنت السبّه !
كيف اقول لـ دمعتي خلي مطيحك و ارقي
أبتدي يومي وانا طيّب واقول أربّه :
ما يجي طاريك لاهبّ النسيم الشرقي
قمت أشوفك فـ الوجيه العابره وأشبّه
والله ان كنك عن العالم تحاول سرقي
كل ما حسيت قلبي سج ؟ أبيك تنبّه
جعل يسقى يوم عادك ما تمّره " طرقي"
رحت مني ، قبل جرحي لا يعيّن طبّه
ليت عينك عقب ماصدت شعفها برقي
لا لقيت اللي يحبك بعد حبّي ؟ حبه
ودي انْك تحب غيري لين تعرف فرقي
أنا من كثر ماشوف خذلاني مْن الكل
ماعاد اشتكي من زود جرحي وخذلاني
حتى إللي احبه لين أشوفه حبيب وخلّ
ما استغرب إليا احسنت و يضيّع احساني
يا (وجه الظبي)ان كان عندك إجابه:قل
ترا الاسئله ملّت على طارف لساني
سوألي من البارح عجز لا يلاقي حل
من اللي طلع فينا ما يستاهل الثاني؟
احاضي دموعٍ قد لها وقت ما سالت
لكن عقب ما ضاع الكلام وعقب ما قَل
اقول انتي اصلاً ماتحبيني .. وقالت :
"احبك طواري بس ماعاد احبك خل "
على البال يا اللي قصّتك تعشق التجديد
ولك فـ الحشى منزل ولك فـ الجفن قعده
تدور الدواير وانت مالك حلي فـ الغيد
وعليك الحنين يشوقني برقه و رعده
غرامك مثل ما هو ما يحتاج للتأكيد
تمّر السنين وعاشقك حافظٍ وعده
ياوجه ٍلو يطّل ويعايد عليّ فـ العيد ؟
بعيف الوجيه اللي تجي قبله وبعده !
يا ربي تقبّل دعوة اللي طواه الياس
انا عبدك اللي يدعي بـ نفس مخذوله
اجي لك واوقف عند بابك بلا حرّاس
إلى صارت ابواب المخاليق مقفوله
واقول الكلام الواقعي عند كل الناس
وعندك اقول اللي مع الناس ما اقوله
يا اللي غلبت القلب مبروك نصرك
انا فدا ( لامك ) و ( واوك) و ( سينك )
ما عاش من ينطق على الصد : بصرك
ويعيش من ينطق على الصد : وينك
وشلون ما تفرق على غيد عصرك ؟
وشلون تبغي لك بشر مثل زينك ؟
واضيق مساحه شفتها فيك "خصرك"
و اوسع مساحه شفتها فيك "عينك "
" يا اميره كيف قلبي ما يحبك يا اميره ؟
وانتي اللي من عيوني تقدر تطّلع جوابي "
لا لمحتك ما ادور غير أنفاسي الاخيره
تفتنيني بـ العذوبه لين ما المح عذابي
اغتربت وما نسيتك يا الغزال المستذيره
سامح الله قلبي اللي ما نفع فيه اغترابي
عشّت في ذيك الوساع وشفتها مربى وديره
لين ما خلتني أعيف المرابع و المرابي
من وجيه الغيد قلبي سامح وعيني ضريره
ومن دروب الحب معلن للعلن كل انسحابي
لا تخليني اعيش العمْر في شكه وحيره
ولا تخليني مع ذاك الشعور اللي ضبابي
خاطرك من يكسبه ماعاد يبغي شي غيره
ما رضيت الحزن يقبل صدته من عند بابي
انا شاعر لا كسر له بيت مايركد ضميره
كيف تبغيني اكّن الحب و ابدّي عتابي ؟
لو نشوف العمر مره ولو نشوف الامر خيره
كان ما اعالج صوابك قبل لا اعالج صوابي
اتغابى عن خطاياك الصغيره و الكبيره
ليتك تعرْفين قدر اللي يعذرْك بـ التغابي
احتريني لين اجيك وخاطري يقبل مصيره
ونرجع نعيش الحياه بخير وانتي في رحابي
ما يكفّي عمري اللي راح في حبك كثيره
والله اني ودي اضيّع معك زهرة شبابي !






