मराठी लोक आळशी आहेत, उत्तरेची लोक प्रचंड मेहनती असून ते पडेल काम करतात ही राष्ट्रीय पक्षांनी आणि त्यांच्या समर्थकांनी महाराष्ट्रातील मराठी माणसांमध्ये न्यूनगंड पेरण्यासाठी आणि परप्रांतीयांना महाराष्ट्रात मोकळे रान देण्यासाठी पसरवलेली अफवा आहे. मनसेने परप्रांतीयांविरोधात आंदोलन केले त्यावेळी माध्यमांना हाताशी धरून ही अफवा पसरवायला काँग्रेस-राष्ट्रवादीने सुरुवात केली होती. प्रत्यक्षात प्रत्येक कामाची एक किंमत असते आणि पडेल ते काम पडेल त्या किमतीत करायला मराठी माणूस उत्तर भारतीयांप्रमाणे देशोधडीला लागलेला नाही वा रस्त्यावर आलेला नाही. कारण मराठी माणसाच्या पूर्वजांनी प्रचंड पराक्रम करून काही आर्थिक आणि सामाजिक कमाई करून ठेवलेली आहे. उत्तरेकडच्या लोकांना महाराष्ट्रात येण्याला प्रतिबंध असता, तर महाराष्ट्रातील सारी कामे मराठी लोकांनीच केली असती, फक्त ती त्यांनी अधिकच्या दरात केली असती. यामुळे महागाई वाढली असती, परंतु त्या तुलनेत पगारही मोठा असला असता. परिणामी प्रत्येक कामाचा दर्जा अधिक चांगला असला असता आणि सार्वजनिक व्यवस्था पाश्चिमात्य देशांप्रमाणे सुस्थितीत असली असती. महाराष्ट्राची जागतिक स्तरावर आर्थिक आणि सांस्कृतिक अशी प्रचंड प्रगती झाली असती. उद्या अमेरिकेने उत्तर भारतासाठी सरसकट आपली सीमा खुली केली, तर अमेरिकी लोक ज्या कामासाठी पाच हजार रुपये घेतात, तेच काम उत्तर भारतीय माणसे दोनशे रुपयात करतील. आणि पुन्हा ते तिथे गेल्याने शहरांना जो बकालपणा येईल त्याचा सारा भार हा अमेरिकेतील मध्यमवर्गावर पडेल. यात भर म्हणून मूळ अमेरिकी लोकांना आळशी ठरवले जाईल. परंतु अमेरिका उत्तर भारताला असे मोकळे रान कधीही देणार नाही. कारण त्यांच्याकडे बुद्धिमत्ता आहे.