واحد من الشباب راح لأبوه يبيه يساعده يشتري سيارة، قال له أبوه: يا ولدي أنا بعمرك كنت شايل نفسي وشايل أهلي. قال الولد: صادق يا يبه، بس على أيامك راتبك كان يفتح بيت، أما راتبي الحين يا دوب يكفيني لآخر الشهر. زعل الأب وقال: يعني حنا مقصرين معكم؟ وهنا المشكلة، كل جيل يحسب الحياة على أيامه، وينسى إن الدنيا والظروف تغيرت ما هي على أول.

أول راتب نزل لي بحسابي، على طول أبوي قال حوله لي كامل. قلت له يا يبه كله؟ طيب أنا ومصاريفي؟ قال أنت خذ اللي تحتاجه والباقي عندي، أنا أعرف مصلحتك، وأنا من يومك صغير وأنا أصرف عليك. أبوي متقاعد وراتبه مكفيه الحمدلله، بس عنده قناعة إن راتبي لازم أساعده فيه، وإن هذا من البر ورد الجميل. وأنا كنت مخطط من أول أشتري لي سيارة مستعملة وأجمع قرشي، يعني بعد تعب سنين دراسة أخيراً توظفت وأبي أعتمد على نفسي. قلت له يبه أنا والله ما عندي مشكلة أعطيك من راتبي واذا احتجت شي أبشر، بس أبي جزء منه يبقى عندي أتصرف فيه. قال يعني أنا ربيتك وصرفت عليك وتعبت عليك ويوم جاك راتب تستكثره علي؟ حاولت أفهمه إني مو رافض أساعده، بس هو شافها إني أقلل من فضله علي وقال الولد اللي يحاسب أبوه ما يعرف البر. بعدها بأسبوع احتجت ألفين عشان أصلح السيارة القديمة، وأنا كنت معطيه راتبي كله مثل ما طلب. رحت له قلت يبه أبي من راتبي ألفين عندي تصليح ضروري. قال كم تبي بالضبط؟ وليه ما انتظرت للشهر الجاي؟ وقتها والله انقهرت، يعني الفلوس فلوسي وتعبي وفي الأخير أقعد أشرح له كل ريال وين بيروح وأستنى يوافق ولا لا. قلت له يبه أنا أبي أبرك وأنا مرتاح مو أحس إني كأني موظف عندك أستأذن على راتبي. وسكت وطلعت وما كملنا كلام. ومن ذاك اليوم وأنا أفكر، هل من حق الأب ياخذ راتب ولده كامل عشان رباه وصرف عليه؟ وهل إذا الولد رفض يعطيه كامل يعتبر عاق حتى لو هو مستعد يساعده ويصرف عليه وقت الحاجة؟

الساعة 6 الصباح، طلعت أجيب فطور للبيت، ولقيت رجال واقف عند المخبز من قبل ما يفتح. سألته: "ما شاء الله، من متى وأنت هنا؟" قال: "من نص ساعة، العيال يبون فطور قبل المدرسة." رجعت البيت وأنا أفكر.. بعض الناس ما يعرف أحد حجم التعب اللي يبدأ يومهم قبل ما يبدأ يوم غيرهم.

اللي ما حذف تيك توك وش قاعد ينتظر