Azad PK🏆

عمران خان کا دماغ اور جرنیلی دماغ زرا تصور کریں۔ تیس چالیس ہزار تماشائی بیٹھے ہیں۔ آپ کے ہاتھ میں گیارہ لڑکے ہیں۔ آپ نے باولنگ بھی کرنی ہے۔ آپ نے بیٹنگ بھی کرنی ہے۔ آپ کو ایک غلط گیند پھینکنے پر بھی گالیاں پڑنی ہیں۔ آپ کو ایک غلط شارٹ پر بھی گالیاں پڑنی ہیں۔ میچ ہار گئے تو پورا ملک گالیاں نکالے گا۔ لیکن پھر آپ اس دباؤ میں بھی مطمئن رہتے ہیں۔ آپ کمزور سی ٹیم کیساتھ فائنل کھیل رہے ہیں اور ایک ہاتھ کا مکا بنا کر دوسری ہتھیلی پر مارے جارہے ہیں۔ پھر آپ کی نجی زندگی ہے۔ وہ اخبار ٹی وی اور سوشل میڈیا کا پسندیدہ موضوع ہے۔ پچاس سال سے ہے۔ آپ کی سابقہ بیوی آپ کے اعضائے مخصوصہ پر بھی لکھتی ہے تو میڈیا پر چلتا ہے۔ بلکہ چلوایا جاتا ہے۔ آپ کی بیوی کی ماہواری کو بھی اچھالا جاتا ہے۔ عدالت اور ابلاغ کی زینت بنایا جاتا ہے۔ پھر آپ کی سیاست ہے۔ آپ کے ساتھ بیٹھنے والے۔ آپ کے راز دان آپ کو چھوڑتے ہیں۔ آپ نئے لوگوں پر اعتبار کرتے ہیں وہ بھی دھوکہ دیتے ہیں۔ پھر اور پھر اور پھر اور۔ یہ سلسلہ بھی چلتا ہے۔ آج تک جاری ہے۔ آپ سے ہر سہولت چھین لی جاتی ہے۔ آپ کو دو ہفتوں کی بدترین اذیت سے گزارا جاتا ہے۔ جب آپ کی پہلی ملاقات ہوتی ہے تو کہتے ہیں میں ڈیل نہیں کروں گا۔ یہ ہے عمران خان کا دماغ اب دوسری طرف دیکھیں پہلی ٹریننگ دباؤ برداشت کرنے کی کسی حوالدار کی باآواز “باااااااااااا دھپ “ اور گالیوں کی گونج میں ہورہی ہے۔ آپ کو ویرانوں میں گھسیٹا جارہا ہے۔ آپ کو پٹھو لگائے جارہے ہیں۔ آپ کو کئی راتوں تک سونے نہیں دیا جارہا۔ آپ کو روزانہ بھگایا جارہا ہے۔ آپ کی تذلیل بھی کی جارہی ہے۔ آپ کا جسم تو مضبوط ہورہا ہے۔ لیکن دماغ؟ پھر سب سے زیادہ پریشر آپ پر تب پڑنا ہے جب آپ سیاچن میں ہیں۔ ٹھنڈ ہے۔ کبھی کبھار فائرنگ ہونی ہے۔ آپ نے اس کا جواب دینا ہے۔ دو چار چھ مہینے اس ٹھنڈ میں گزارنے ہیں۔ پھر آپ نے کسی میدانی علاقے میں جا کر سالوں تک وہ تھکان اتارنی ہے۔ جسمانی مشقت بہت ہے۔ لیکن دماغی مشقت؟ شاید کسی مورچے میں، کسی آئی ای ڈی کا سامنا کرتے ہوئے ، کسی اچانک حملے میں ، کسی جھڑپ میں کسی بھی عام انسان کے اعصاب شل ہوجائیں۔ آپ کے حواس قائم رہتے ہیں۔ کیونکہ آپ کی ٹریننگ ان چیزوں کے لیے ہوئی ہے۔ آپ کو اسی کے لیے تیار کیا گیا تھا۔ لیکن اس دباؤ کا اس دباؤ سے کوئی موازنہ نہیں جو عمران خان جیسے انسان نے پچھلے پچپن سال سے پبلک آئی میں رہ کر برداشت کیا ہے۔ آپ نے ویسا دباؤ ساری زندگی نہیں دیکھا۔ ساری زندگی نہیں محسوس کیا۔ آپ کے دماغ کی نشونما ، ٹریننگ ویسی ہوئی ہی نہیں جیسی اسکی ہوچکی ہے۔ اور آپ کر کیا رہے ہیں؟ اپنے اس پدی سے دماغ کیساتھ اور چڑی سے منصوبوں کے ساتھ اسے خوفزدہ کررہے ہیں؟ وہ اسی لیے آپ کی دھمکیوں کو آپ کے نقارچیوں کو چٹکیوں میں اڑا رہا ہے۔ تم اسے سمجھ ہی نہیں پارہے۔ وہ تمہیں بچوں کی طرح کھلا رہا ہے۔

سارے کاکولیے جرنیل ایک ائیرمین نے کھوتی بنادیے ۔ چچ چچ چچ چچ چچ