ٌ

الانسان لو قسم حروب الحياة اقسام درى ان اكبر الاقسام حربه مع ذاته وش الوقت من دون العقارب والارقام وش العمر من دون الطموح ومتاهاته ما فيه اصعب من الصبر واثقل من الايام على اللي ما حقق غايته والعمر فاته يبي البارح اللي ما يبي شي من قدّام ويبي بكره اللي حاجته ما بعد جاته

ماجت لي الدنيا على ود ودي تمزح معي ومزوحها دايماً جد الحظ والعالم والأيام ضدي وانا احسب الدنيا طريقٍ ممهد

أحترت فيها عسى اللّٰه لا يحيّرها مزيونةٍ بـ المشاعر ما تعلمني اللّٰه يسلمك هذي ما تغيّرها وأنا من عيونها ما اللّٰه مسلمني

مابارت اهدافي لو إن الزمن بار العزم مثل البحر ماله نهايه ذقت الخساير والعزاير والأمرار وسقت العمر كله على شان غايه ما يصنع التاريخ من هاب الاخطار « ولا رقا في قمة المجد تايه » ولا يعلم الانسان عن بعض الاقدار يمكن بعد خط النهايه .. بدايه

السيل يبقى له على القاع مجرى ويبقى لك التذكار لو كنت فارقت أشوف لك من وين مارحت ذكرى لا شفتها صديت عنها ودنقت ماكل جرح لا خذا أيام يبرى بعض الجروح يزيد شره مع الوقت

القلب يجفل من وجيهٍ مصده وانا اشهد ان القلب دليل لراعيه وسيلٍ جرى مدرجه لا تحدّه جنب وخل السيل يضرب مجاريه وما فات من دنياك صعب مرده خذ لك من الماضي عبره و توجه

تضيع الضيعه اللي ماتبي فيها رجاحة راي لا شفت احلامك يكبّر عليها الوقت و يمسي

أضرب برجلك على عوج الدروب يستقيم الدرب دامك مستقيم

منقية ابن سعود جتكم طوابير تفرجوا بالزين يا أهل المزاين ذود الوطن ماهيب ذود المغاتير ذودٍ علفها راس كل مجرم وخاين

داري ان السنين المقبلات أجودية يوم يدرك الأنسان ان عقب القيظ همايل

هذا الوطن وجه السحايب لـ ظميان ( برد الربيع ليا لفحتك القوايل ) ادام الله علينا الأمن والأمان وحفظ الله ولاة امرنا وسدد الله رمي جنودنا ورحم الله شهداء الوطن 💚

مابين خلك حصان و بين خلك صقر    ماعاد ندري ندك الارض ولا نطير 🇸🇦

لو ترد السيل في بطن السحابه ما ترجع قيمتك في قلب عايف

ليتك علمتني قبل لا ابتلي فيك انك سحابه صيف ماتروي ضما

جعل دارٍ سيّس أركانها آل سعود ماتشوف البأس على مر السنين

العمر وش لذته ،، لولا مسايير الرفاقه جعل ماني بالذي يزعل ليا جاه المسيّر

تمنيت شي ولا قدّر الله شي و صار ولا لي سوي وجه الرضى لو تصنعته هقيت ان راحة العبد في ما أختار واثر خيرة المولى لعبده مسنعته تبون الصراحة والله اني بغيت انهار ظروف الحياة اقسى من اللي توقعته

أهلين للمقفي وأهلين للجاي ما عاد عندي للعتب ربع ملي مشغول في دنياي وأحباب دنياي وأعداي مشغلهم وانا في محلي

عارٍ على الحُـر أن يحيا بأقنعةٍ  وأن يعيش ولو يومٍـا بوجهيـن

يمشي ثقيل الهم محد درا بحاله وان شاف مهمومٍ عطاه من مواسيه