براق

ماقلت لك عمر سيف العشق مايقتلك ما تشوفني حيّ قدامك وأنا أموت فيك؟

لاشانت الدنيا وهزّ الزمان أقصاي توجهت للي .. ماتحت قوّته قوه .

رجعوني لـ السّنين الماضيه لو ساعة ودي اخذ من مخابيها ، غرض واعوّد .

عليك الصباح إذا بدا بك .. ونورك شعّ تضاحك لي انسامه وتضحك لي زهوره .

لمّني بين الضلوع العوج عن قسوة زماني لين تقهر من حنانك سطوة الياس العنيدة .

بيوت المكابر وسط صدري بدون اوتاد ليا هبّت اشواق المحبّين .. تطرحها .

على سور قلبي لاتغرك جموع الناس ترى ما ورا بيبانه .. إلا مداهيلك .

ماعاد نبغى من العالم تسد اللزوم ياكبر معروفهم .. لا سدوا حلوقهم .

سترت الغلا وأقفيت عنهَ بدون ودّاع وصدّيت صدّة مقفيٍ .. ما هو بـ ودّه .

قمت اردد كل ماشان الزمان .. ودار وقته ليت صدري مايضيق وليت قلبي مايراعي .

حاولت أتوبك وما تطرّي على بالي لكن لقيت الحنين أكبر من التوبه .

تساميت وخذتني عزتي عن كل شي ورحت وانا في كل خطوه .. كنت منتظرك تكلمني .

أنت ثروه .. والخساير لجلك تربحنّي من ملكتك صرت بين الاثرياء الأثرى .

حتى لو الشمس في كبد السما من صباح ما يبتدي صبحي .. إلا لين أصبّح عليك .

خليت لك باب الحنايا مسايف لا هزتك ذكرى المواصيل سيّر .

حتى لو إن الغلا .. فيني وصل حده لي عقل يدرك حدود الشوق ويكابر .

صار الجفى عندي مثل رد السلام ماعاد عندي للجفى .. غير الجفى .

حتى لو أخطيت في حقك بليَّا وعي تراني أغليك وأحبك ولا أرضى عليك .

لو انه يشوف شلون أحبّه وكيف أغليه تحسّف على وقتٍ تفرغ به .. ولا جاني .

اللي على أصغر عيوبي ما تحمّلني يا مرحبا بالظروف .. اللي تقفّي به .