كلمة ابطال اتعملت مخصوص عشان المنتخب اللي قدامك ده ، طب مين المنتخب ده و ايه حكايته ؟
اللي قدامك ده هو منتخب مصر لكرة القدم للساق الواحده اللي بيشارك حاليا في كاس العالم لاول مرة في تاريخه و تخيل بس ان المنتخب ده وصل الي ربع النهائي لكن للاسف خرج النهاردة امام غانا !
انا عايزك تتخيل معايا بقي ان منتخب مصر اضطر يلعب اول مباراة امام منتخب اسبانيا ب ناقص لاعب ، لعبنا ب 5 لاعبين بدل 6 و ده بسبب تأخر وصول الفوج التالت و كان المفروض وقتها منتخب مصر ينسحب و يخسر 2 / 0 ، كارثه اداريه حرفيا !
لكن عشان المنتخب ده رجاله قرروا يلعبوا مباراة اسبانيا ناقص لاعب و المبهر انهم تعادلوا 1 / 1 ثم خسروا من تركيا 2 / 1 ثم فازوا علي نيجيريا 2 / 1 و صعدوا ك افضل مركز تالت عشان يفوزوا علي انجلترا 2 / 1 في دور ال 16 و ينتهي مشوارهم في ربع النهائي بالخساره امام غانا !
تخيل تبقي بتمر بالظروف الصعبه دي و كمان اتحادك عمل كارثه اداريه و كمان بتلعب لاول مرة في كاس العالم بدون اي خبرات سابقه و تبقي من افضل 8 منتخبات علي مستوي العالم ، المنتخب ده فخر كبير اوي للرياضة المصرية و يستاهلوا تقدير مادي و معنوي علي الاعجاز اللي قدموه ده 👏🇪🇬❤️
3
308
اللي بيعملوا النادي الاهلي دلوقتي في عالم كرة اليد ده المعني الحرفي لكلمه هيمنه !
الاهلي فاز النهاردة علي الزمالك بنتيجة 24 / 23 و توج رسميا ب بطولة السوبر المصري للمرة الرابعه علي التوالي عشان يتساوي مع الزمالك كاكتر فريق فاز بالبطولة !
المبهر بقي ان الاهلي فاز علي الزمالك في الديربي 3 مرات متتاليه في ظرف شهر و نصف و في 3 بطولات مختلفه ، 30 / 25 في كاس العالم للانديه ، 26 / 25 في نهائي دوري ابطال افريقيا ، 24 / 23 في نهائي السوبر !
المبهر اكتر بقي ان الاهلي كسب اخر 4 دوريات و كسب اخر 4 سوبر و كسب اخر 4 دوري ابطال افريقيا و كسب اخر 2 كاس مصر ، مفيش فريق في مصر او افريقيا في اخر 4 سنين قادر يقف قصاد الاهلي !
فريق واحد بس في اخر سنتين قدر يحقق رباعيه الدوري و الكاس و السوبر و دوري ابطال افريقيا مرتين متتاليتين ، الفريق ده اسمه الاهلي 👏❤️
في حاله لو متعرفش ، ف قاره اسيا بتشهد النهاردة حدث تاريخي محصلش قبل كدة علي مدار تاريخها !
اللي قدامك ده هو " علي رضا " حارس مرمي منتخب ايران و اللي فاز النهاردة بجائزه افضل لاعب في اسيا و تخيل ان علي رضا هو اول حارس مرمي يفوز بالجائزه دي منذ تأسيسها في 1984 !
المبهر بقي هي قصة علي رضا الملهمه ، علي مبدأش مسيرته في اكاديميات لانه كان راعي غنم وكان حلمه انه يبقي لاعب كرة قدم لكن والده رفض الحلم ده و كان شايف ان الكورة مينفعش تبقي مهنه لدرجه انه ق ط ع القفازات و الملابس الرياضيه بتاعه ابنه !
اللي حصل بقي ان علي رضا قرر يسيب بيت ابوه عشان يحقق حلمه لكنه شاف معاناه غير عاديه ، راح اشتغل في مغسله سيارات و مطعم بيتزا و كان اوقات بينام في الشارع ، لحد ما بدأ حلمه و انضم الي نادي بسبب اتقانه ل لعبه " دال باران " و دي عباره عن رمي الحجاره لمسافات طويله و بسببها اصبح حارس مرمي !
عشان النهاردة علي رضا يوصل الي اعظم لحظه في حلمه ، في عمر ال 34 بيصبح اول حارس مرمي يتوج بجائزه افضل لاعب في اسيا ، المجد دائما للحالمين 👏❤️
رودري قرر يشيل كل الضغوطات من علي فريقه و قرر يواجه جمهور برشلونة ب حقيقه هو مقتنع بيها !
رودري عمل مقابله مع صحيفه سبورت الكتالونيه و قال " اعتقد ان اهدافنا تختلف عن التصنيفات التي تطلق علينا ، لقد مر وقت طويل منذ اخر مرة فاز فيها برشلونة ب دوري ابطال اوروبا ، لذا من وجهه نظري نحن غير مرشحون للفوز بها "
" نحن نحتاج الي رفع مستوانا كي نمتلك فرصه حقيقيه للمنافسه علي الالقاب ، دوري الابطال هو الهدف الذي نريد تحقيقه اكثر من اي شئ اخر ، لكن نسبه فوزنا بهذه البطولة هي صفر بالمئة "
رودري لسة شايف ان برشلونة عنده مشاكل تمنعه من الفوز ب دوري ابطال اوروبا ، زي مثلا صفقه المدافع اللي مجتش ، و زي طريقه الضغط و المباشره المفرطه في اسلوب هانز فليك اللي بينتج عنها تحولات كتير للمنافسين !
تصريحات رودري اللي ظهر فيها انه شخص واقعي كانت صادمه بالنسبة ل اعلام برشلونة لانهم كانوا منتظرين منه تصريحات حماسيه و ايجابيه و ده محصلش !
5
1,041
التصريحات اللي قالها امبارح الاستاذ محمد مراد المنسق الاعلامي لمنتخب مصر بتثبتلك مدي عبث الكرة المصرية !
محمد مراد قال ان في شخص في معسكر امم افريقيا اللي فاتت قام ب تسريب خبر بوجود مفاوضات مع كارلوس كيروش لتولي تدريب منتخب مصر و الشخص ده بيتواجد يوميا داخل اتحاد الكرة و بيتدخل في قراراتهم !
يعني تخيل كدة احساس حسام حسن وقتها ، داخل تلعب مع جنوب افريقيا و كوت ديفوار و السنغال و نيجيريا و تسمع اخبار ب اقالتك و تعيين كيروش مكانك ، محمد مراد نفسه قال انا مشيت من المنتخب لان البيئه لا تصلح للعمل !
مش بس كدة ، محمد مراد كمان قال ان بعد التعادل امام انجولا كان في اشخاص داخل المنتخب بيتمنوا ان مصر تخسر من جنوب السودان عشان حسام و ابراهيم يمشوا ، انت متخيل مستوي المرحله البائسه اللي وصلنا لها !
الكلام ده بيقولك ان منتخب مصر عمره ما هينجح ابدا لان الاتحاد الوحيد في العالم اللي بيعافر عشان المدرب مينجحش هو اتحاد الكرة المصري ، حاجه تكسف و تزعل !
روديجير شايف ان طالما مبابي بيسجل اهداف ف هو مش مطلوب منه انه يدافع !
ايوة الكلام ده حقيقي و روديجير قاله في حوار مع صحيفه الاتليتك الموثوقه و ده نص تصريحات روديجير " هل يعقل ان اطلب من لاعب مثل مبابي سجل 100 هدف مع ريال مدريد ان يقوم بمهامي الدفاعيه ، هذا امر غير منطقي
" انظروا الي التاريخ ، كيف كان الحال عندما تواجد كريستيانو رونالدو و جاريث بيل و كريم بنزيما معا ، تأملوا حجم النجاحات التي حققوها ، لم نكن نطالبهم حينها بالادوار الدفاعيه "
روديجير تقريبا متفرجش علي هاري كين اللي سجل 73 هدف في موسم واحد و في نفس الوقت كان اول لاعب بيدافع في فريق بايرن ميونيخ و في النهايه كسب الكرة الذهبيه ، ف اه يعقل جدا ان المهاجم يسجل الكم ده من الاهداف و يقوم بالمهام الدفاعيه عشان يخدم فريقه في مراحل لعب مختلفه !
اهو تخيل دي عقليه لاعب في ريال مدريد و الجمهور لسة مستغرب و بيسأل ليه الفريق في اخر سنتين خرج ب صفر بطولات !
المشهد اللي قدامك ده بيثبتلك ان الشعب الياباني شعب راقي جدا !
اليابان امبارح ودعت مدربها " هاجيمي مورياسو " بعد 8 سنين متواصله قدر يبني خلالها واحد من اقوي منتخبات العالم حاليا ، الجميل بقي ان وداع هاجيمي كان عبارة عن احتفال ، ممر شرفي و لافتات و بوكيه ورد و مصورين بالكوم ، اتعامل معامله النجم السينمائي !
المبهر بقي ان هاجيمي درب اليابان من 2018 و كان بيدرب منتخبات تحت 21 و 22 و 23 في نفس الوقت ، لعب 113 مباراة و نجح يفوز في 77 مباراة منهم مكاسب امام كبار القوم ، البرازيل و اسبانيا و المانيا و انجلترا و اليابان في عهده زاد عدد محترفينها من 4 الي 22 محترف !
المبهر اكتر بقي ان هاجيمي راح يعمل معايشه في مانشيستر يونايتد من 36 سنة سمع ب ودانه التقليل من اليابان بسؤال بيقول " هو اليابانيين بيعرفوا يلعبوا كرة قدم " ، عشان هاجيمي يترك منتخب اليابان النهاردة في التصنيف ال 17 عالميا !
و عشان اليابان عندها مشروع اسمه " حلم التتويج ب كاس العالم 2050 " ف قرروا يعينوا المدرب " جوي اويوا " حامل لقب كاس اسيا مع المنتخب الاوليمبي ، التخطيط كما يجب ان يكون من كوكب اليابان 👏❤️
للوقاحة عنوان وهو بيني مكارثي مدرب منتخب كينيا
الجنوب افريقي بعد ما خسر 4 مباريات متتالية خرج بتصريحات اقل ما يُقال عنها حقيرة لأبعد الحدود
الجمهور الكيني كان انتقده بشدة فكان رده انه لما بيروح بيته بينام زي الطفل لانه شايف حياته مكتملة ومش محتاج يقلق ان عنده مية سخنة زي ناس !
وقاحة ليفيل الوحش ! مكتفاش بكده
ده قال كمان ان الشخص اللي بينتقده على السوشيال ميديا ده ممكن يكون مأكلش من اسبوعين ! طبعاً كينيا فيها ناس كتير عيشتهم بدائية وفقيرة
حقيقي تصنف واحدة من احقر التصريحات في عالم الكورة وشخصية زي دي المفروض من بكرة مفيش مكان يقبل يشغله
جواهر مدريد 💎
حتى ماستانتونو متألق ! ماستانتونو وصل لهدفه الدولي الثالث في 8 مباريات دولية فقط ، ومع فيورنتينا سجل 4 اهداف في 13 مباراة
ريال مدريد عنده لاعيبة مواهب ممكن يرجعها من بكرةً ، نيكو باز اولهم طبعاً بالأداء الخارق والإستثنائي بتاعه لحد دلوقتي مع كومو والأرچنتين
ده غير ان في مدافع محدش بيتكلم عنه خالص وهو الاسباني چاكوبو رامون مدافع كومو ، استوى على الاخر مع فابريجاس خلاص وريال مدريد هيرجعه
ده غير ان النادي هيطلع اندريك لإعارة جديدة تمتد لسنتين في نادي كبير ، ده غير الموهبة جي جي جابرييل ذو الـ16 عام اللي هينضم للريال خلاص
1
27
2,617
في عزّ خناقة الهداف التاريخي في مصر ، بيظهر الشمشون النرويجي آخر من تبقى من سلالة قوم عاد ايرلينج هالاند وبيوصل لـ68 هدف دولي
النقطة هنا انه وصلها في كام ماتش ؟ في 61 ماتش ! رقم مرعب دولياً خصوصاً ان هالاند مهاجم للنرويج مش المانيا مثلاً او انجلترا او اسبانيا وحواليه اعلى كواليتي يخدم عليه
النقطة ان حتى كيليان امبابي حقق 67 هدف بس في 108 مباراة ، محمد صلاح برضو 68 هدف دولي في 121 مباراة ، وفي روايات اخرى 70 هدف في 122 مباراة دولية
هالاند محقق رقم مرعب ، وهو ان معدله التهديفي اعلى اصلاً من معدل مبارياته الدولية بمعدل 1.1 هدف في المباراة الواحدة ودي مفيش في العالم حد حققها
في وسط زحمه تصفيات امم افريقيا امبارح ، كان في مدرب مغربي بيحاول يعمل معجزه مع منتخب ليبريا !
اللي قدامك ده هو المدرب المغربي " محمد عادل الراضي " اللي تولي تدريب منتخب ليبريا من 6 شهور بالظبط و يدوب اتجمع مع لاعبيه مرتين فقط قبل ما يلعب 4 مباريات في التصفيات !
اللي حصل امبارح بقي ان ليبريا بقياده الراضي حققوا مفاجأه و فازوا علي الراس الاخضر بنتيجة 2 / 0 عشان يوصلوا الي المركز التالت و يبقي عندهم امل بسيط في الصعود الي امم افريقيا لاول مرة من 25 سنة !
و لو قدر الراضي يصعد ب ليبريا الي امم افريقيا هتبقي معجزه فعلا لان تخيل ليبريا علي مدار تاريخهم صعدوا الي امم افريقيا مرتين فقط اخرهم في 2002 ، ده غير انهم حاليا في التصنيف 143 عالميا و قيمتهم التسويقيه 8 مليون يورو فقط !
مساعد في الرجاء ، مدير رياضي في اتحاد طنجه ، مدير فني للكوكب المراكشي ، بطل الدوري الرواندي 3 مرات علي التوالي ، و اليوم يؤمن بمعجزه التأهل مع ليبريا ، محمد عادل الراضي 👏🇲🇦
منتخب تونس مكنتش فاكر ان ممكن يبقى في اسوأ من اللي قدمه في المونديال ، كده كده كنت لنساه وبتفاجئ بيه حاضر في امم افريقيا وكأس العالم عادي اللي هو العادي بتاعه يكون موجود
لكن الحقيقة ان نسور قرطاچ بيواجه كارثة حقيقية ! تونس ممكن متتأهلش لأمم افريقيا 2027 ! بعد 4 جولات تونس لم يحقق اي انتصار ، 3 تعادلات وهزيمة امام ليبيا وتذيل ترتيب المجموعة
تونس بسبب نتايجها تآخرت كتير في التصنيف وبقت في المركز الـ61 وبقت المصنف الـ11 أفريقياً وتراجعت خلف الكونغو الديمقراطية وجنوب أفريقيا، تونس بتواجه كارثة على مستوى الجودة ومبقاش في اسماء زي الاجيال الماضية
تونس محتاج تكسب المباراتين القادمتين مع بعض الهدايا من المنافسين عشان يقدر يوصل
4
22
5,519
احلى خبر في مدريد انهاردة♥️
ريال مدريد بيشتري المستقبل وبيأمن اهم موهبة عنده لمدة 6 سنوات قادمة بالتجديد لأردا جولر
فرصة بالمرة نقفل باب الشائعات السخيفة اللي ربطته بباريس سان جيرمان
ريال مدريد عارف كويس قيمة الجوهرة اللي معاه والحفاظ عليها كان شئ بديهي وحتمي
جولر الموسم ده 10 مساهمات مع ريال مدريد في 14 ماتش بجانب مساهمتين في 5 مباريات مع تركيا
لا يقدر بثمن♥️💎
11
537
هي الكورة ريسك في الاول والآخر ، وكورة حمزة اللي مطلعاه تريند دي لو كانت ملت وش رجله وراحت المقص كان اتقال أشعار في الفينيش بتاعه ، فهو خد الريسك حسب الموقف لكن لم يوفق الموضوع بسيط
انا عموماً في مباراة مصر ومالاوي محستش ان لينا عمق هجومي وحد بيناطح مدافعيهم في الصراعات غير لما هو نزل ، جايز حمزة بالكورة قليل لانه ستايل كلاسيكي جداً وبالكتير تجيله الكورة في المنطقة ويخلص
لكن حمزة لا يستحق التريند المبالغ فيه واللي حاسس فيه قدر غريب من التشفي ، لو بفرضية حتى اننا في مصر بننفخ بلالين ، فخليك عارف انهم في اوروبا مبيتضحكش عليهم بالكلام ده من الاساس
وحمزة لو خامة مضروبة ، لا كان برشلونة تعاقد معاه ولا كان أمن عقده كمان ، احنا كل القصة عاوزين اللاعب او ما يظهر يمشي على الحيط ويدينا أمارت ، حمزة محتاج وقت ومشاركات كتير
ارجوكم خرجوا الولد برا اي حسابات

















