Dan 🦋

اللي عندهم قطط تدرون ان نبته البوتس تعتبر من النباتات السامه للقطط ! هيا انتبهو انا علمتكم انتبهو لقططكم الحلوه 🐈🐈‍⬛🐱✨

فهمت كل الناس الا اللي تقدم ضيافة اول شي عصير بعده القهوه احس مره مو لازم لأن القهوه افضل تكون اول شي صراحة

في ردود للعرب والاجانب في الاقتباس عجبتني بسببها شخصية الاشخاص اللي ردو هنا ردود عميقة فيها لباقة وتحسهم فئة كذا الله حط فيهم الاسلوب والاثر اللي يتركه الشخص الحلو بحياتنا ، يارب اصير يوم مثلهم كذا ويشوفون الناس ردودي ويقولون واااااو هذي ردودها اسطوريه بعضهم ماقدرت اتخطى كلامهم واسبابهم 🥲

لو سويت مقارنة لنفسك مين بيكون اكثر في حياتك اصدقاءك ولا اعداءك ؟

وش فيكم اغلب الحسابات صارو يتكلمون عن الاسلحة والدبابات وتسألون @grok بعد 👀

ليش بعضهم يدخل بنيتك ويفسر على كيفه ويصدق نفسه لدرجة توصل انه ممكن يظلمك !!؟

تعالو علموني الطيور والعصافير ليش ووين يختفون بالليل ؟

كل صباح فرصة جديدة وبداية لانجازات متجددة ، كل صباح درس في الحياة يعلمنا ان كل شي مهما طال ظلامه لابد وان يشرق يوما ما كما نتمنى ☀️☀️ صباح الخير للجميع 💛

الراحة النفسيه وراحة البال اثمن شي ممكن يمتلكه الانسان عشان كذا دايم حافظو عليها ترا والله نفسكم تستاهل الحب والطمأنينة ولا تخلون احد يأثر عليكم بمجرد كلمة او موقف ويكون مايستاهل كل هذا القلق ✨

لو اعطيتك فرصه ترجع شي فاتك وندمان انك ما اخذته وضيعت الفرصة عليك وش بيكون ؟

تخوفني الشخصيات الانطوائية يعني اللي دايم بالبيت ومعزولة ولا عندها اصدقاء ولا حتى روتين لنفسها طبعا اقصد الاشخاص اللي انعزلو اجتماعيا بارادتهم يا ترى وش السبب اللي خلاهم يقررون هالشي ؟ او انه خلقة بالبني ادم ؟

جالسه اراقب حساب هنا مدري هو بنت ولا ولد المشكله يتكلم عن كل شي بس مو قادره احدد وش يكون ، لا الصوره تبين ولا الاسم كل شي نكره مافي اثبات انه بنت او ولد

هذي شكوى جات لمعلمة من والدة طالبة عشان قالت لبنتها " تعالي قربي مع المجموعة لا تصيرين شاذة عن المجموعة " تحسونها عادي ولا منجد لازم الشخص يختار كلماته بعناية ؟

ليش احس النباتات من حزب الصباح والشمس احسها تحب الصباح اكثر من الليل ، اعطوني اشياء تحسونها صباحيه بحتة اتحفوني ✨

صباح الخير لكل احلامنا التي ننتظرها تشرق ذات يوم صباح الجمال لأنفسنا التي لازالت صامدة امام كل ظرف وموقف ، صباح التقاؤل لكل ماهو قادم ويحمل لنا كل الحب ،، اسعد الله صباحكم بالخيرات والمسرات ☀️

ماذا تقول لهذا الليل ؟ ببدأ انا: شكرا لأنني الحفيدة المميزة عند جدتي ♥️🥹

في وحده جت لزواج وهي ما تسمع اغاني وطول الوقت تتأفف وتهاوش عليهم وكل اللي عندها ابتلشوا مايدرون وش يقولون لها وكل شوي تنادي وحده من اهل المعرس تقول طفو الاغاني ما ابيها وصار توتر وحساسيات بسببها ولا هم اللي طفو ولا هي اللي سكتت

جمانة التميمي اللي محتواها عن العقار نزلت فيديو بالتيك لنفسها كذا وهي واقفه وحاطه شيلة البنت حرفيا فيها قبووول مليون ومريحة للعين لكن التافهين شادين حيلهم بالتعليقات السلبية والله وبدون مجاملة اشوفها جميلة وفيها قبول سبحان الله كبير 💛 الله يوفقها ويكفيها شر الحاسدين

بنات لو كنت مخططه مع صديقتك تطلعون مع بعض وزوجك رفض قال ما في طلعه اجلسي بالبيت وش تسوون تعتذرين لصديقتك ولا تكملين الاتفاق وتروحين ؟

يوم جمعتنا في بيت جدتي وقهوة جدتي اللي مافي مثلها ابد 💗 والله يسعد مساكم بالخير والسعادة 🤍