آين | الصلابة الذهنية

هذي الشخصية تسمى الكاريزما الدافئة (Warm Charisma) الأشخاص من هذا النوع ينجذب لهم الناس كأنهم مغناطيس اجتماعي إذا دخل مجلس وجلس بالزاوية الناس تسحب عاللي بصدر المجلس وتتجمع حوله في بيئة العمل حتى لو منصبه منخفض تأثيره عالي جدا والأغلب يسمع له لدرجة يتخطون البيروقراطية سرهم إنهم يتجاوزون الدفاعات اللاواعية ويصنفهم الدماغ مصدر أمان عاطفي ونفسي التواجد حولهم مريح يبعث على الطمأنينة فيه أشخاص عندهم قبول بالشكل وممكن تنصدم من الأسلوب لكن هذا النوع يكسبون القبول من منطوقهم وتعاملهم فيه شخصيات مشهورة عندهم هذي الكاريزما خطر لك أحد منهم؟

اللي يحسدك بتلاحظه: 1-يجتهد في تصيد أخطائك 2-يحسسك إنك غلطان بطريقة مباشرة حتى تتراجع عن تحقيق شيء يفيدك ويظهر بمظهر الناصح الأمين 3-يحسسك إنك فاشل بطريقة غير مباشرة حتى تشك بنفسك وبدون تقطع علاقتك معه 4-يصغر من إنجازاتك ويضخم من إنجازاته 5-يشاركك الأشياء السيئة اللي تحصل له وتنفع تستخدم كعذر مثل تعب مرض صار له حادث مدير ظلمه... لكن ما يشاركك الأشياء اللي تظهر إهماله وفشله لأن لازم يحافظ على تفوقه الوهمي 6-في المقارنة بينكم هو معذور وأنت مهمل 7-إذا استمريت بتحقيق نجاحات ينقل نجاحاتك ويطعن فيها، حظه طاح بمدير طيب أو الظروف ساعدته لو أنا مكانه كان حققت أفضل من كذا.. 8-إذا عنده سلطة أو صلاحيات يقدر يضرك فيها ما بيتردد للحظة وبيرتب سيناريو مناسب يظهرك غلطان ومقصر ثم يبدأ يهاجمك 9-يقدر يمثل إنه لطيف وودود لكن تقدر تلاحظ تغير ملامحة وقت تعلمه خبر نجاح لك وتقدر تشوف فرحته وقت تعلمه بخبر سيء لك تقدر تحلل نصائحه وتشوف الإحباط مشترك فيها

ذكاء اجتماعي راقي✨ بثواني لقط الموقف حلل وفهم وضع الأطراف وابتكر حجة وتدخل بشكل لطيف خلص الموضوع بدون أي حرج على أحد ما فعل خير وبس فعل خير بدون يحرج المتلقي

حركة يستخدمها الإداريين في بيئات العمل بكثرة للتلاعب بالموظفين: بدل يقول الحقيقة كاملة يقول الجزء الحقيقي اللي يخدم مصالحه ويستغفل الموظف ويفكر المتذاكي إنه قال الصدق وما خسر مصداقيته ما يدري إنه جالس يصنع بيئة سامة ويخسر ثقة الموظفين فيه

أحب أقرأ الصراعات الفكرية بين عقليات مجتمعنا القديم وعقليات مجتمعنا اللي جالس يتشكل حاليا

ما حفز المدراء يتمادون إلا هذا السلوك وما انتشرت البيئات الفاسدة إلا من هذا السلوك إذا أحمق أو ظالم تمادى وشاف الناس خضعت بيطغى وما بيشوف أحد وبيساومك على حقك أحب في جيل الألفين إنهم ما يسكتون عن حقهم ولا يرضون يتنازلون ويصعدون مشاكلهم بدون تردد، عقليتهم تفرض التغيير للأفضل

الألفاظ المقرفة تعدم هيبة وجاذبية الشخص بنسبة 100% أحد علامات نضج الشخص بالعشرين التخلص من اللسان البذيء في حال اكتسبه، مو لازم تقلد قروبك الساذج حتى تشعر بالإنتماء أبحث عن ناس أعقل البعض يعيش بلسان بذيء حتى السبعين ومظهره فقط يتغير أبذل جهدك حتى ما تكون منهم

للمفكرين ايش الأشياء اللي تخليك تحدد إن جودة الحياة مرتفعة أو منخفضة؟

وقت تتكلم مع شخص بطريقة استئذان بموقف مو لازم تستأذن أصلا أنت جالس تمنحه سلطة عليك جرب تتكلم بطريقة إشعار بتعطيه انطباع إنك جالس تعلمه فقط وبتنفذ اللي قلته

قاعدة في الذكاء العاطفي: إذا ارتفعت قدرتك على فهم الآخرين، ضعف انجذابك العاطفي لهم لكن هم ينجذبون لك...

10 حركات للمتلاعبين: 1-يقدم لك مساعدة حتى تشعر إن له فضل عليك وبعدها بفترة يبدأ يطلب طلبات غريبة ويشعرك إنك وقح ونذل إذا ما لبيتها 2-يستخدم سلاح قلب الطاولة في كل نقاش إذا واجهته بخطئه يترك الموضوع الأساسي ويقعد يدقق على أسلوبك نبرتك أو كلمة قلتها قبل سنة عشان يطلعك أنت الغلطان

تحدي اليوم: انبسط قد ما تقدر، غادر مود الرسمية، وأدخل في مود الإحتفال بدون خوف من الأحكام أو آراء الناس الهدف: كسر سجن القيود النفسية، تحرير الطفل الداخلي، وإسقاط هواجيس الخوف من نظرة المجتمع الفائدة: سعادة حقيقية، راحة نفسية جبارة، وشعور بالخفة والتحرر الكامل من قيود الماضي

بيئات العمل أنواع ولازم تفهم بيئتك أي نوع حتى تعرف كيف تتصرف 1-أكثر نوع منتشر هي الاستراحة تحصل مجموعة الميانة بينهم مرتفعة وكم شخص بالزاوية على جوالاتهم تأكد إن فيه لعبة وقواعد ضمنية إما تفهم القواعد وتلعب معهم أو ترفض ويتم اقصاءك وتجلس على جوالك الحوكمة في هذي الشركات 0 2-

يتجرأ الحمقى على اللطيف لأنهم يلفتون الأنظار على حسابه ومتأكدين إن ما بيكون فيه أي عواقب حتى لو كنت مسالم لا تخلي الناس تتأكد إنك مسالم حتى ما يتمادون عليك وفوقها يجيك متلاعب يتظاهر إنه يدافع عنك

أسباب كثيرة تخلي الشخص دوام بيت نوم 1-إدمان عمل 2-احتراق وظيفي 3-إجهاد نفسي وذهني 4-الاعتقاد بأن المعنى من حياتك والإنجاز محصور بالعمل 5-ساعات دوام طويلة + التنقل من وإلى العمل 6-قسم إدارته غبية وميزانيته محدودة فتقوم بشغل كم موظف لوحدك 7-نقص فيتامينات ومعادن تسبب خمول

بتعيش حياة صعبة إذا بدأت أول وظيفة ولسه بهذي البراءة طبعا الكذب مستوى 1 فيه مستويات أعلى في بيئات العمل يعرفها المخضرمين مو شرط تصير مثلهم يكفي إنك تعرف حركاتهم حتى تحمي نفسك وما تتعرض للضرر

فخ التبرير الزائد Overexplaining تلقى نفسك تسولف ومن نظرة اللي قدامك تحس إنه مو فاهم قصدك ومن حرصك تبدأ توضح وتفصل عشان يوصل المعنى صح وفجأة تلقى نفسك تكرر الكلام وتبرر كأنك واقف قدام محكمة ليه تحصل وايش حلها:

من الخاص: كيف تتصرف إذا زملاء العمل هم اللي يمارسون عليك الإقصاء وأنت مضطر تجلس معهم طول ساعات الدوام؟

الإقصاء الاجتماعي غالبا يستخدم لتأكيد السيطرة على المجموعة وتعزيز حس الانتماء بينهم مقابل التضحية بشخص رصيده منخفض عند قائد المجموعة أو مو ذائب تماما داخل القطيع تأثيره على الضحية كبير يهز حتى ثقته بنفسه ويحاول كسب ود أفراد القطيع لكنه ضياع وقت لأنهم خايفين يصير لهم مثله الأفضل

الشخص اللي تسلك لزلاته كثير يتشكل عنده انطباع إنك سهل ولعبة بيده ويبدأ يتمادى تدريجيا حتى يوصل خطوطك الحمراء وتضطر تقمعه حتى لو نفسك طويل وما تزعل بسرعة أحيانا لازم تتصنع الإنزعاج وتأخذ موقف حازم حتى ما يستسهل الحمقى اللعب معك