Amiinah

واقعہٕ کربلا قسط1 حضور اکرم صلی اللہ علیہ وآلہ وسلم کو اس بات کی خبر ملنا کہ آپ صلی اللہ علیہ وآلہ وسلم کے ممبر پر بنو مروان کے کے بندر ناچیں گے (یعنی وہ حکمران بن جائیں گے ): سیدنا ابو ہریرہ رضی اللہ عنہ روایت کرتے ہیں کہ رسول اللہ صلی اللہ علیہ وآلہ وسلم نے خواب میں دیکھا کہ گویا حَکَم کے بیٹے (مروان بن حکم اور اس کی اولاد) میرے منبر پر بندروں کی طرح اچھل کود کر رہے ہیں، سیدنا ابو ہریرہ کا بیان ہے کہ "اس (غیبی خبر ملنے) کے بعد وفات تک آپ کو کبھی مطمئن اور ہنستا ہوا نہیں دیکھا گیا ✍️ مسند ابی یعلیٰ، حدیث 6430 ) *حضور اکرم صلی اللہ علیہ وآلہ وسلم کا مروان اور اس کے باپ پر لعنت فرمانا* سیدہ عائشہ صدیقہ رضی اللہ عنہا فرماتی ہیں کہ بے شک میں نے خود سنا رسول اللہ صلی اللہ علیہ وآلہ وسلم نے مروان اور اس کے باپ حَکَم پر لعنت کی تھی، جبکہ مروان اس وقت اپنے باپ کی پشت میں تھا، پس مروان اللہ کی طرف سے اسی لعنت کا ایک ٹکڑا ہے" ✍️ مستدرک حاکم، حدیث 8483، امام حاکم نے حدیث کو بخاری و مسلم کی شرائط کے مطابق صحیح قرار دیا۔ *جناب معاویہ کا اسی مروان بن حکم لعنتی کو حجاز کا گورنر بنانا اور اس کے ذریعے یزید کے حق میں بیعت لینے کی کوشش کرنا جس پر حضرت ابو بکر صدیق رضی اللہ عنہ کے بیٹے عبدالرحمن بن ابی بکر کا احتجاج کرنا* سیدنا یوسف تابعی رحمہ اللہ روایت کرتے ہیں کہ مروان کو حضرت معاویہ رضی اللہ عنہ نے حجاز (یعنی مکہ و مدینہ) کا گورنر بنایا تو اس نے (مسجد نبوی میں) خطبے کے دوران (حضرت معاویہ کی زندگی میں ہی) بار بار یزید بن معاویہ کا ذکر کرنا شروع کردیا تاکہ لوگوں سے اس کے باپ کے بعد ( خلیفہ بننے کے لیے پہلے ہی) بیعت لی جا سکے، اس پر عبدالرحمن بن ابی بکر رضی اللہ عنہما نے اعتراض کیا، مروان نے غصے میں یہ حکم جاری کیا کہ اسے گرفتار کر لیا جائے، چنانچہ سیدنا عبدالرحمن بن ابی بکر رضی اللہ عنہم (اپنی جان بچانے کی خاطر) ام المومنین سیدہ عائشہ صدیقہ رضی اللہ عنہا کے گھر (جو کہ مسجد نبوی کے ساتھ ہی تھا) میں داخل ہوگئے۔ جب (حکومتی کارندے) انہیں پکڑ نہ سکے تو مروان بن حکم نے (غصہ میں آکر گستاخی کرتے ہوئے) کہا کہ یہ وہی شخص ہے جس کے بارے میں اللہ نے فرمایا ہے ۔۔۔۔۔ (اس کے بعد سورہ الاحقاف کی آیت 17 پڑھی) ترجمہ: "اور جس شخص نے اپنے ماں باپ سے کہا کہ تف ہے تم پر کیا تم مجھے خبر دیتے ہو ۔“ (آل ابی بکر پر لگائے گئے اس گستاخانہ الزام کا جواب دیتے ہوئے) سیدہ عائشہ صدیقہ رضی اللہ عنہا نے پردے کے پیچھے سے فرمایا: ہم آل ابی بکر کے بارے میں اللہ نے قران میں کچھ بھی نازل نہیں فرمایا سوائے اس کے جو سورہ نور میں میری (ایک الزام سے) براءت نازل ہوئی تھی ! ✍️ صحیح البخاری، حدیث 4827 *آخر عبدالرحمن بن ابی بکر نے یزید کی تخت نشینی پر اعتراض کیا اٹھایا تھا؟* سیدنا محمد بن زیاد تابعی رحمہ اللہ کا بیان ہے کہ حضرت معاویہ نے اپنے بیٹے یزید کے لئے جب بیعت لینا چاہی تو (ان کے گورنر) مروان بن حکم نے کہا : "یہ حضرت ابوبکر صدیق اور عمر فاروق رضی اللہ عنہم کی سنت ہے (کہ انہوں نے اپنے بعد خلیفہ نامزد کیا تھا)" تو اس پر عبدالرحمن بن ابی بکر رضی اللہ عنہ نے فرمایا: "یہ تو ہرقل اور قیصر (جیسے بادشاہوں) کی سنت ہے (کہ باپ کے بعد اس کا بیٹا حکمران بنے)" پس آگے کا واقع وہی ہے جو صحیح بخاری کی حدیث میں ہم اوپر بیان کرچکے ! ✍️ مستدرک حاکم، حدیث 8483 امام حاکم رحمۃ اللہ علیہ اس حدیث کو نقل کرکے لکھتے ہیں کہ یہ امام بخاری و مسلم کی شرائط پر صحیح ہے کوفہ کا گورنر مغیرہ ابن شعبہ دار الامارات میں مسند امارات پہ بیٹھا تھا کہ پہرے دار نے امیر شام معاویہ بن سفیان کے قاصد کے آنے کی اطلاع دی تو اس کو اندر بلا لیا۔ قاصد نے آداب شاہی کے بعد چمڑے کے تھیلے سے خط نکالا اور جب مغیرہ نے خط پڑھا تو کانپ گیا ۔ منجانب امیر شام : گورنر کوفہ کے نام : اس خط کو اپنا معزولی نامہ سمجھو اور جلد از جلد دمشق پہنچو اور نیچے دستخط تھے : امیر معاویہ: ۔ کافی عرصہ بعد مغیرہ دمشق پہنچا ۔ امیر شام نے دیر سے آنے کی وجہ پوچھی ۔ تو کہنے لگا بہت ضروری کام تھا۔ امیر شام نے ضروری کام کے متعلق پوچھا تو مغیرہ نے کہا کہ تخلیہ کی ضرورت ہے دربار عام میں نہیں بتا سکتا ۔ پھر تخلیہ ہوا تو مغیرہ نے کہا کہ میں آپ کے بعد تخت حکومت کے لئے یزید کے حق میں لوگوں کو آمادہ کر رہا ہوں ۔ امیر شام نے کہا کہ یہ تو بڑا مشکل کام ہے لوگ آسانی سے اس پہ آمادہ نہیں ہوں گے ۔ مغیرہ نے کہا ہاں امیر مشکل تو ہے پر ہر مشکل کوشش سے آسان ہو جاتی ہے۔ امیر شام نے مغیرہ کو گورنری پر بحال کر دیا اور کام تیز کرنے کی اسے بھی ہدایت دی اور خود بھی یہ بیڑا اٹھا لیا۔