تعسجدتي على مرأى من الحسّاد و الخلان
تسيرين بخطاوي ثابته و أحيان مختاله
ربطتي الأرض و أطراف السماء باللول و المرجان
على نحرك و صار أجمل نحر يزهاه سلساله
- ناصر مناحي
دام أنا عرّاب للكلمة وشخص مخوّل
أنتي لكل القصايد والغزل عرّابة
لا تحَسبيني أجي بعد البطا متسوّل
ولا تحسبيني مثل من يستطيب غيابه
والله إنّي ما حسدت إلا الضيا المتجوّل
فوق طرْفٍ أستلذ السلهمة بأهدابه
وودّي إن بعد المسافة بيننا لا طوّل
من أساور معصمك لـْ خاتم السبّابة
يالاوله فـ البشر زين وتبجاحه
المعجزه معجزه يا فاتنة عصرك
من يحصر المعضلات بـ خيط مسباحه
اليا بغى يوصفك يعجز على حصرك
فيك الحلا مودعٍ قفله ومفتاحه
لله در القوام اللي كتب نصرك
سوارتك ترهم وتركب على الراحه
ان جات في معصمك وان جات في خصرك
- ناصر بن شايع
جوهره و الجوهره بالروح تشرى
لا تلوميني يوم اذب الطليعه
عند قدّك ولا عند أمورٍ أخرى
يفرق الاحساس عن حبك الصنيعه
كانت الدنيا قبل لقياك قشرا
و جيتي و صارت مثل عينك وسيعه
- ناصر بن يحيى
لي على الأطلال وقفة خاطر ولحظة تجلّي
وشرهةٍ كم ضيّعتها الفاتنة في كل مرّة
أتطوّى بين طيّات الغلا وأضيع كلّي
وأتجرّع سكرة العشّاق لين أموت حرّة
للجديل اللي يحجب الشمس ترحالي وحلّي
سرمديٍ كل ما فلّ المساء.. لله درّه
- مشاري محمد
لي على الأطلال وقفة خاطر ولحظة تجلّي
وشرهةٍ كم ضيّعتها الفاتنة في كل مرّة
أتطوّى بين طيّات الغلا وأضيع كلّي
وأتجرّع سكرة العشّاق لين أموت حرّة
للجديل اللي يحجب الشمس ترحالي وحلّي
سرمديٍ كل ما فلّ المساء.. لله درّه
- مشاري محمد
اقبلي وامحي وجوده في صدى انباكي
بدّلي جرعة سمومه جرعة الحنيّه
دمتي بقلبي ملاك و راس مال املاكي
لو تزيدين بغيابك هالمشاعر حيه
ما تخطيّت الدروب و لا وطيت اشواكي
بالغرام الّا معاك و لا طرت لي نيّه
بالهوى يا الفارقه محدٍ يجيب ارباكي
غيرك ولا يوصلك بالمترفات بنيّه
- خالد بن كريفيس